प्रेरितां 23:11 - बिलासपुरी नौआं नियम

¹¹ तिसा राति प्रभु यीशु तिसले आया कने खड़े हुईने गलाया, “हे पौलुस, हिम्मत रख; काँह्भई तेढ़ी जे तैं यरूशलेम च मेरी गवाही दित्ति, तेढ़ी तिज्जो रोम शहरा च बी गवाही देणे पौणी।”

प्रेरितां 23:11 ပူးပေါင်းရင်းမြစ်များ

मत्ती 14:27

यीशुये फौरन तिन्हांने गल्ल करदे हुये गलाया, “हौंसला रखा! ये हऊँ आ, मता डरदे!”

मत्ती 28:20

कने तिन्हांजो ये सारी गल्लां सै जे मैं तुहांजो आज्ञा दित्तिरी, मनणा सखाओ; कने याद रखा, हऊँ संसारा रे अन्ता तक सदा तुहांरिया सौगी आ।”

मत्ती 9:2

तिस वगत किछ लोक लकवे रे इक रोगिये जो पाल़किया पर रखीने तिसले ल्याये। तिन्हांरा विश्वास देखीने यीशुये तिस लकवे रे रोगिये ने बोल्या, “हे पुत्र, हौंसला रख; तेरे पाप माफ हुईगे।”

लूका 16:28

काँह्भई मेरे पांज्ज भाई ये, सै ऊत्थी जाईने तिन्हारे सामणे इन्हां गल्लां री चेतावनी देओ, येढ़ा नीं हो भई सै बी इसा पीड़ा रिया जगह च आओ।

यूहन्ना 14:18

मांह तुहांजो दोस्ता ते बिणा नीं छडणा; मांह येत्थी जो फेरी भीं औणा।

यूहन्ना 16:33

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

प्रेरितां 18:9

प्रभुये इक्की राति दर्शण देईने पौलुसा जो गलाया, “मत डर, बोल्ली जा कने चुप मत रै;

प्रेरितां 19:21

ताहली जे ये गल्लां हुई चुक्कियां तां पवित्र आत्मे पौलुसा जो मकिदुनिया कने अखाया प्रदेशा चियें हुईने यरूशलेम जो अगवाई कित्ती, कने गलाया, “तित्थी जाणे ते बाद मेरा रोम नगरा जो जाणा बी जरूरी आ।”

प्रेरितां 2:25

काँह्भई दाऊद तिसरे बारे च बोलां, “ ‘मैं प्रभुये जो सदा अपणे सामणे देखदा रैया काँह्भई सै मेरे सज्जे पासे आ, इस खातर भई किति हऊँ रुढ़ि नीं जाऊँ।

प्रेरितां 20:22

कने हुण हऊँ पवित्र आत्मा रा हुक्म मन्नीने यरूशलेम जो जां कने हऊँ नीं जाणदा भई तित्थी मेरे सौगी क्या-क्या हुंणा;

प्रेरितां 22:15

काँह्भई तू तिसरिया दुखा ते सब्बीं माहणुआं रे सामणे तिन्हां गल्लां रा गवाह हूणा सै जे तैं देख्या कने सुणेया।

प्रेरितां 22:18

तिस्सो देख्या भई सै मेरने गलाया राँ, ‘छोड़े करीने यरूशलेम ते झट निकल़ी जा; काँह्भई तिन्हां मेरे बारे च तेरी गवाही नीं मन्नणी।’

1 कुरिन्थियों 9:1

क्या हऊँ अजाद माहणु निआं? क्या हऊँ प्रेरित निआं? क्या मैं यीशुये जो सै जे अहांरा प्रभु आ, नीं देख्या? क्या तुहें प्रभुये च मेरिया मेहणता रा नतीजा नींये?

फिलिप्पियां 1:13

येत्थी तक भई बादशाह कैसरा रे राजमैहला री सारी पलटन कने बाकी सारे लोकां च ये परगट हुईग्या काँह्भई हऊँ मसीह रा सेवक हुणे रिया वजह नेई बन्दी बणाया गया;

2 तिमुथियुस 4:17

पर प्रभुये मेरा साथ दित्या कने मिन्जो सामर्थ दित्ति, ताकि मेरे जरिये साफ तौर पर खुशखबरिया रा प्रचार हुई सक्को कने सब अन्यजातियां रे लोक सुणी सक्को; कने प्रभुये मिन्जो मौती ते बचाया।