प्रेरितां 22:30 - बिलासपुरी नौआं नियम

³⁰ दुज्जे दिन तिने असली गल्ल जाणने रिया इच्छा ते भई यहूदी तिस पर काँह दोष लाया रायें, तिसरे बन्धन खोल्लीते; कने मुखियायाजकां कने सारी महासभा जो कट्ठा हुणे रा हुक्म दित्या, कने पौलुसा जो थल्ले नेईने तिन्हांरे सामणे खड़ा करित्या।

प्रेरितां 22:30 ပူးပေါင်းရင်းမြစ်များ

मत्ती 10:17

पर धार्मिक अगुवेयां ते चौकस हुईने रौआ, काँह्भई तिन्हां तुहांजो धोखे च बन्दी बणाईने यहूदी पंचैतां रे हवाले करना, कने तिन्हांरे सभा घरा च तुहां पर कोड़े बरसाणे।

मत्ती 27:2

फेरी सै तिस्सो बन्हीने दूर लेईये कने राजपाल पिलातुसा रे हत्थे सौंपीत्या।

मत्ती 5:22

पर हऊँ तुहांजो बोलां, भई सै माहणु जे अपणे भाईये पर गुस्सा कराँ, तिसरा परमेशरा न्याय करना, कने सै जे कोई अपणे भाईये जो निकम्मा समझीने तिसरी बेज्जति करगा तिस्सो बड्डिया सभा च परमेशरा बौहत भयानक सजा देणी; कने जे कोई अपणे भाईये जो ‘अरे मूर्ख!’ करीने बोल्लो सै नरका रिया अग्गी च सजा रा हकदार हूणा।

प्रेरितां 21:11

तिने अहांले नेड़े आईने पौलुसा रा परना लया, कने अपणे हत्था पैराँ च बन्हीने गलाया, “पवित्र आत्मा ये बोलां भई तिस माहणुये रा जे ये परना, तिस्सो यरूशलेम च यहूदियां इयां इ बन्हणा कने अन्यजातियां रे हत्था च देणा।”

प्रेरितां 21:33

फेरी पलटना रे सरदारे पौलुस रे नेड़े आईने तिस्सो पकड़ील्या; कने दुईं जंजीराँ च बन्हणे रा हुक्म देईने पुछणे लगया ये कुण आ कने इने क्या कित्तिरा?”

प्रेरितां 22:5

इस गल्ला खातर महायाजक कने महांसभा रे सब बजुर्ग गवाह ये भई तिन्हांते हऊँ यहूदी भाईयां रे नौआं पर चिट्ठियां लईने दमिश्क नगरा जो जाया राँ था, भई सै जे तित्थी हो तिन्हांजो बी सजा दिलाणे खातर बन्हीने यरूशलेम जो ल्याऊं।

प्रेरितां 23:1

पौलुसे महासभा खौ नज़राँ गडाई ने देख्या, कने बोल्या “हे भाईयो, मैं अज्जा तका परमेशरा खातर सच्चे मना ने जीवन बिताई रा।”

प्रेरितां 23:15

इस खातर हुण महासभा समेत पलटना रे सरदारा जो समझावा, भई पौलुसा जो तुहांले ली आओ, येढ़ा मन्नीने भई तुहां तिसरे बारे च होर बी ढंगा ने पड़ताल़ करना चाँये; कने अहां तिसरे पुजणे ते पैहले इ तिस्सो मारने खातर त्यार रैहणा।”

प्रेरितां 23:20

तिने गलाया, “यहूदी अगुवेयां साजस कित्तिरी भई तेरने विनती करो भई कल पौलुसा जो महासभा च ल्याओ, मन्नो भई सै होर बी ठीक ढंगा ने तिसरी जाँच करना चाँये।

प्रेरितां 23:28

“हऊँ जाणना चाँह था भई सै किस वजह ते तिस परा दोष लाया रायें, इस खातर तिस्सो तिन्हां रिया महासभा च लईग्या।

प्रेरितां 23:6

तां पौलुसे ये जाणीने, भई किछ सदूकी लोक कने किछ सदूकी लोकां जो सभा च हाक पाईने गलाया, “हे भाईयो, हऊँ फरीसी कने फरीसियां रे वंशा रा, कने मेरा न्याय मरीरयां री आशा कने भीं ते जिऊंदा हुणे रे बारे च हुया राँ।”

प्रेरितां 26:29

पौलुसे जबाब दित्या, थोड़े वगता च, चाये मते वगता च, “परमेशरा ने मेरी प्राथना येई भई नां सिर्फ तू, पर सै सारे लोक बी, सै जे आज्ज मिन्जो सुणया राँये, तेढ़े इ हुई जाओ, तेढ़ा जे हऊँ विश्वासी आ, सिवाय इन्हां जंजीराँ ते।”

प्रेरितां 5:21

सै येढ़ा सुणीने सवेर हुन्दे इ मन्दरा च जाईने उपदेश देणे लगे। तां महायाजक कने तिसरे साथियें आईने महासभा जो कने इस्राएलियां रे सब पुरनियां जो कट्ठा कित्या, कने जेलखान्ने च पैहरेदाराँ जो बोलीने भेज्या भई तिन्हांजो लयावा।