प्रेरितां 22:25 - बिलासपुरी नौआं नियम

²⁵ ताहली जे तिने तिस्सो चमड़े रिया पेट्टिया ने बन्हया, तां पौलुसे तिस सुबेदारा जो सै जे सौगी खढ़िरा था, गलाया, “क्या ये ठीक आ भई तुहें इक्की रोमी माहणुये जो, कने सै बी बिणा दोष साबित हुये, कोड़े मारो?”

प्रेरितां 22:25 ပူးပေါင်းရင်းမြစ်များ

मत्ती 10:17

पर धार्मिक अगुवेयां ते चौकस हुईने रौआ, काँह्भई तिन्हां तुहांजो धोखे च बन्दी बणाईने यहूदी पंचैतां रे हवाले करना, कने तिन्हांरे सभा घरा च तुहां पर कोड़े बरसाणे।

मत्ती 27:54

फेरी सुबेदार कने होर सिपाही सै जे तिस सौगी यीशुये रा पैहरा देई कराँ थे, हिल्लण कने सै जे किछ तित्थी हुया था तिस्सो देखीने बड़े भरी डरिये कने गलाया, “सच्ची जो ये परमेशरा रा पुत्र था।”

मत्ती 8:8

सेनापतिये जबाब दित्या, “नां प्रभु, नां हऊँ इस आदरा लायक निआं, भई तुहें मेरे घरें आओ, तुहें सिर्फ मुँआं ते बोल्ली देआ, कने मेरा दास्स ठीक हुई जाणा।

प्रेरितां 10:1

कैसरिया नगरा च कुरनेलियुस नौआं रा इक माहणु था, सै जे इतालियानी नौआं रिया पलटना रा सुबेदार था।

प्रेरितां 16:37

पर पौलुसे तिन्हांने गलाया, “तिन्हें अहां रोमी माहणुआं जो बिणा दोषा ते लोकां रे सामणे मारया कने जेल्ला बी पाया। हुण अहां चुप-चाप काँह निकल़ी जाणा? येढ़ा नीं करना; पर सै अप्पूँ आईने अहांजो बाहर निकल़ो।”

प्रेरितां 22:26

सुबेदारे ये सुणी ने पलटना रे सरदारा ला जाईने गलाया, “तू ये क्या करया राँ? ये तां रोमी माहणु आ।”

प्रेरितां 23:17

पौलुसे सुबेदाराँ चते इक्की जो अप्पूँ ला सद्दीने गलाया, “इस जवाना जो पलटना रे सरदारा ला लई जावा, ये तिसने किछ बोलणा चाँह।”

प्रेरितां 23:27

इस माहणुये जो यहूदियें पकड़ीने मारना चाया, पर तां जे मैं जाणया भई सै रोमी आ, तां पलटन लईने तिस्सो छडवाईल्या।

प्रेरितां 25:16

पर मैं तिन्हांजो जवाब दित्या भई रोमियां री ये रीति नीं भई किसी माहणुये जो सजा देणे खातर सौंपी देओ, तदुआं तका जे आरोपिये जो अपणे इल्जाम लाणे औल़यां रे सामणे खड़े हुईने दोषा रा जवाब देणे रा मौका नीं मिलो।

प्रेरितां 27:1

ताहली जे फिस्तुस राजपाला रे जरिये ये तैह कित्या गया भई अहां जहाजा च इतालिया प्रदेशा रे रोम नगरा च जाईये, तां तिन्हें पौलुस कने किछ होरीं कैदियां जो बी यूलियुस नौआं रे बादशाह औगस्तुस रिया पलटना रे इक्की सुबेदारा रिया निगरानिया च सौंपीत्या।

प्रेरितां 27:3

दुज्जे रोज अहें सैदा नगरा च पुज्जीगे, कने यूलियुस पौलुसा पर दया करीने तिस्सो दोस्तां ला जाणे दित्या भई सै तिसरा सत्कार कित्या जाणा।

प्रेरितां 27:43

पर सुबेदारे पौलुसा जो बचाणे रिया इच्छा ते तिन्हौं इस बचारा ते रोकया कने ये गलाया, भई सै जे तैरी सक्कां ये, पैहले छाल मारीने कनारे पर निकल़ी जाओ;