प्रेरितां 22:20 - बिलासपुरी नौआं नियम

²⁰ तां जे तेरे गवाह स्तिफनुसा रा खून बगया राँ था तां हऊँ बी तित्थी खढ़िरा था कने इसा गल्ला च सहमत था, कने तिस्सो मारने औल़यां रे कपड़यां री रखवाली करया राँ था।’

प्रेरितां 22:20 ပူးပေါင်းရင်းမြစ်များ

लूका 11:48

खूनियो! तुहें अपणे बजुर्गां रे कम्मां च सहमत हुआं ये भई सै किछ जे तिन्हें कीतिरा सै ठीक कीतिरा। काँह्भई तिन्हे त भविष्यवाणी करने औल़यां जो मारया कने तुहें तिन्हारी कब्राँ बणाईयां।

प्रेरितां 26:10

कने मैं यरूशलेम च येढ़ा इ कित्या; कने मुखियायाजकां ते अधिकार लईने मते सारे पवित्र लोकां जो जेलखान्ने च पाया, कने ताहली जे सै मारी दित्ते जां थे, तां हऊँ बी तिन्हांरे बरोधा च अपणी सहमति देआं था।

प्रेरितां 6:5

ये गल्ल सारिया मण्डलिया जो खरी लगी, कने तिन्हें स्तिफनुस नौंवां रे इक्की माहणुये जो सै विश्वास कने पवित्र आत्मा ने भरीरा था, कने फिलिप्पुस, कने प्रुखुरुस, कने नीकानोर, कने तिमोन, कने परमिनास, कने अन्ताकिया वासी नीकुलाउस जो सै जे यहूदी मता च आईगरा था, चुणील्या।

प्रेरितां 7:58

कने तिसजो यरूशलेम नगरा ते बाहर निकाल़ी ने पत्थर मारने लगे कने तिन्हांरी हत्या करी ती। गवाहें अपणे कोट शाऊल नौआं रे इक जवाना ले उतारी ने रखीते।

प्रेरितां 8:1

शाऊल स्तिफनुस रिया हत्या च सहमत था। तिस दिन यरूशलेम नगरा री कलीसिया पर बड़ा सताव शुरु हुआ कने प्रेरितां जो छड्डिने बौहत सारे लोक यहूदिया कने सामरिया प्रदेशां च नट्ठीने बिखरी गे।

रोमियो 1:32

इयां त सै परमेशरा री विधि जाणाँ ये भई येढ़ि जिन्दगी जीणे औल़े मौती रिया सजा रे हकदार ये, तां बी न सिर्फ सै अप्पूँ इस तरिके रे काम्म कराँ ये, पर येढ़े काम्म करने औल़यां ते सै बड़े खुश हुआं ये।

प्रकाशितवाक्य 17:6

मैं तिसा औरता जो परमेशरा रे लोकां कने यीशुये रे गवाहां रा खून पीणे ते मतवाली हुईरी देख्या; कने ताहली जे मैं तिसाजो देख्या हऊँ हैरान हुईग्या।

प्रकाशितवाक्य 2:13

हऊँ येत जाणाँ, भई तू ओत्थी रैआं तित्थी जे शैतान राज कराँ; कने तू मांह पर लगातार मजबूतिया ने विश्वास कराँ कने तैं तिन्हां दिनां च बी मांह पर विश्वास करना नीं छड्डया, ताहली जे मेरा बफादार गवाह अन्तिपास तिसा जगह मारया गया, तित्थी जे शैतान वास कराँ।