प्रेरितां 21:9 - बिलासपुरी नौआं नियम

⁹ तिसरियां चार क्वारियां कुड़ियां थिआं सै जे भविष्यवाणी कराँ थिआं।

प्रेरितां 21:9 ပူးပေါင်းရင်းမြစ်များ

लूका 2:36

हन्ना, परमेशरा री इक पक्की भगतणी थी, तिसाजो जे परमेशरा री भविष्यवाणी करने रा बरदान था, सै बी तिस बगत मन्दरा च हाजर थी। सै अशेर रे गोत्रा चते फनूएल री कुड़ी थी, कने सै बौहत बुड्डी थी। ताहली जे तिन्हारे ब्याह जो हुईरे सिर्फ सात्त साल हुईरे थे तिस बगत तिसारे घरा औल़े री मौत हुईगरी थी, तां सै बिधवा थी।

प्रेरितां 13:1

अन्ताकिया नगरा री कलीसिया च कई भविष्यवक्ता कने उपदेशक थे; तियां जे : बरनबास कने शमौन तिसरा दुज्जी नौं जे नीगर था; कने लूकियुस कुरेनी, कने चौथाई देशा रे राजे हेरोदेस रा दुध भाई मनाहेम, कने शाऊल।

प्रेरितां 2:17

“ ‘परमेशर बोलां, भई आखिरी दिना च येढ़ा हूणा भई मांह अपणा आत्मा सब माहणुआं पर भेजणा, कने तुहांरे मुण्डुआं कने कुड़ियां भविष्यवाणियां करनियां, कने तुहांरे जवानां दर्शण देखणे कने तुहांरे पुरनिये सुखने देखणे।

1 कुरिन्थियों 7:38

इस खातर सै जे अपणिया क्वारिया रा ब्याह कराँ, सै अच्छा कराँ, कने सै जे ब्याह नीं करदा, सै बी अच्छा कराँ।

प्रकाशितवाक्य 2:20

पर मिन्जो तेरे खलाफ ये शकैत इ : भई तू तिसा जनाना ईजेबेल जो अपणे बिच रैहणे देआं, सै जे अप्पूँजो भविष्यवक्तिन बोलां इ। कने सै अपणिया शिक्षा ते मेरे दास्सां जो व्यभिचार करने, कने मूर्तियां रे अग्गे चढ़ाईरे प्रसादा जो खाणा सखाई ने भरमांई।