प्रेरितां 20:7 - बिलासपुरी नौआं नियम

⁷ हफ्ते रे पैहले दिन तां जे अहें प्रभु भोज्जा च शामिल होणे खातर कट्ठे हुये, तां पौलुसे तिस जे दुज्जे दिन चली जाणा था, तिन्हांने गल्लां कित्तियां; कने अधिया राति तका गल्लां करदा रैया।

प्रेरितां 20:7 ပူးပေါင်းရင်းမြစ်များ

मरकुस 16:9

रविवार रे दिन भ्याग हुंदे इ यीशु जिऊंदा हुईने सब ते पैहले मरियम जो दुस्या सै जे मगदला गाँवां ते थी, तिसा चते जे सात्त बुरीआत्मां कड्डियां थिआं।

लूका 22:19

फेरी तिन्हे रोटी लेई; कने परमेशरा रा धन्यवाद करीने तोड़ी, फेरी अपणे चेलयां जो येढ़ा गलांदे हुयां दित्ति, “ये रोटी मेरे शरीरा रा प्रतीक आ तिसजो जे हऊँ तुहांरे खातर बलिदान चढ़ाईराँ, इसाजो खावा कने मिन्जो याद करने खातर ये रोटी खाया करा।”

लूका 24:35

फेरी इम्माऊस रे तिन्हें दुईं माहणुयें बी अपणी कहाणी सुणाई भई कियां बाटा जान्दे बगत यीशु परगट हुये, कने जिस वगत सै रोटी तोड़ीरां थे, ताहली कियां तिन्हे यीशुये जो पछयाणया था।

यूहन्ना 20:1

मगदल गाँवां री मरियम त्वारा रे दिन सबेरके जुन्ना रे अन्‍धेरे ची किछ होर जनानां ने कब्रा पर आई, कने तिन्हें पत्थरा जो कब्रा रे दरवाजे परा ते हटिरा देख्या।

यूहन्ना 20:19

तिस त्वारा रे संजके बगता, सै जे हफ्ते रा पैहला दिन था, चेले यहूदी अगुवेयां रे डरा रे मारे दरवाजा बन्द करीने बैठिरे थे। तां यीशु तित्थी आईने तिन्हांरे बिच खड़ा हुईग्या, कने तिन्हांजो गलाया, “तुहांजो शान्ति मिलो।”

यूहन्ना 20:26

अट्ठां दिनां बाद यीशुये रे चेले फेरी भीं घरा च कट्ठे हुये, कने थोमा तिन्हांने सौगी था। (दरवाजे पर ताला लगीरा था।) यीशु आया कने तिन्हां च खढ़ी गया, कने तिन्हांजो गलाया, “तुहांजो शान्ति मिलो।”

प्रेरितां 16:10

तिसरे येढ़ा दर्शण देखदे इ अहें झट मकिदुनिया प्रदेशा च जाणा चाया, येढ़ा समझीने भई परमेशरे अहौं तिन्हांजो खुशखबरी सुनाणे खातर सद्दीरा।

प्रेरितां 2:42

कने सै प्रेरितां ते शिक्षा पाणे, कने संगती रखणे, प्रभु भोज, कने प्राथना करने च लगीरे रै।

प्रेरितां 2:46

पैहलके दिनां च सारे विश्वासी लोक हर रोज़ इक मन हुईने मन्दरा च कट्ठे हुआं थे, कने घरा-घरा रोटी तोड़दे हुये खुशिया ने कने साफ मना ने रोटी खां थे,

प्रेरितां 20:11

कने भीं ते ऊपर जाईने रोटी तोड़ी कने खाईने इतनिया देरा तक गल्लां करदा रैया भई भ्याग हुणे लगीग्या; फेरी सै चलिग्या।

प्रेरितां 20:31

“इस खातर जागदे रौआ, कने याद करा भई मैं तिन्नां साल्लां तका रात-दिन रोई-रोई ने हर इक्की जो चेतावनी देणा नीं छडया।

प्रेरितां 20:5

सै अग्गे जाईने त्रोआस नगरा च अहांरा इन्तजार करने लगे।

प्रेरितां 20:9

कने यूतुखुस नौआं रा इक जवान दुआरिया च बैठिरा गैहरिया निंदा ने टुल्लया राँ था। तां जे पौलुस मतिया देरा तका गल्लां करदा रैया तां सै निंदा रिया टेरा च तिज्जिया मंजला ते पैईग्या, कने मरीरा चक्कया।

प्रेरितां 28:23

तां यहूदियें तिस खातर इक दिन तैह कित्या, कने मते लोक तिसले कट्ठे हुये, कने सै परमेशरा रे राज्जा री गवाही देन्दा हुआ। कने मूसा री व्यवस्था कने भविष्यवक्तयां री कताबां चते यीशुये रे बारे च समझाई-समझाई ने सवेरे ते संझा तका दसदा रैया।

1 कुरिन्थियों 10:16

सै कटोरा जे अहें प्रभु भोज्जा च इस्तेमाल कराँ ये कने तिस खातर जे अहें प्रभुये रा धन्यवाद कराँ ये: ताहली जे अहें तिस चते पीयें तां अहें मसीह रे खून्ना च सहभागी हुआं ये। कने रोटी सै जे अहें तोड़ां यें: ताहली जे अहें इसाजो खांये तां अहें मसीह रिया देहा च सहभागी हुआं ये।

1 कुरिन्थियों 15:10

पर हऊँ जो किछ बी आ, परमेशरा रे अनुग्रह तेआ। कने तिसरा अनुग्रह सै जे माह पर हुआ, सै बेकार नीं हुया पर मैं तिन्हां सब्बीं प्रेरितां ते बधीने मेहणत बी कित्तिरी; तां बी ये मेरिया तरफा ते नीं हुआ; पर परमेशरा रे अनुग्रह ते सै जे मांह पर था।

1 कुरिन्थियों 16:2

हफ्ते रे पैहले दिन तुहां चते हर इक अपणी-अपणी कमाईया रे मुतावक किछ अप्पूँ ले रखी छड्डा, ताकि मेरे औणे पर चन्दा नीं कठेरने पौ।

2 तिमुथियुस 4:2

भई तू परमेशरा रे वचना रा प्रचार कर हालात चाये ठीक हो या नीं हो वचन प्रचार करने खातर त्यार रै। तिज्जो लोकां जो ये दसणा जरूरी आ भई तिन्हें क्या गल़ती कित्तिरी कने तू तिन्हांरे पापां रे खातर तिन्हौं डान्ट। पर तिज्जो लोकां जो हौंसला बी देणा चाहिन्दा तियां जे तू धीरजा ने तिन्हांजो शिक्षा देआं।

प्रकाशितवाक्य 1:10

हफ्ते रे पैहले दिन मिन्जो परमेशरा रे आत्मे अपणे वशा च करील्या; कने अपणे पिछे ते तुरहिया साई ऊच्चिया अवाज़ा च ये बोलदे हुये सुणया,