प्रेरितां 20:30 - बिलासपुरी नौआं नियम

³⁰ तुहां बिच्चा ते बी येढ़े-येढ़े माहणु औणे, तिन्हांजे चेलयां जो अप्पूँ खौ खिंजणे खातर गल़त फल़त गल्लां करनियां।

प्रेरितां 20:30 ပူးပေါင်းရင်းမြစ်များ

मत्ती 23:15

ओ कपटी शास्त्रियो कने फरीसियो, तुहांजो परमेशरा भयानक सजा देणी! तुहें किसी जो अपणे पंथा च लौणे खातर बड़े दूर जायें, कने ताहली जे सै तुहांरे पंथा च आई जां तां तुहें तिस्सो अपणे ते बी दुगणा नरका रे लायक बणाई दें।

प्रेरितां 11:26

कने ताहली जे सै तिसने मिलया तां तिस्सो अन्ताकिया नगरा जो लैई आया; कने येढ़ा हुआ भई पौलुस कने बरनबास इक्की साल्ला तका कलीसिया ने सौगी मिलदे कने बौहती लोकां जो प्रभु यीशु मसीह रा उपदेश देन्दे रै; कने सब्बीं ते पैहले अन्ताकिया बिच लोकें चेलेयां जो मसीही बोल्या।

प्रेरितां 21:38

क्या तू मिस्र देशा रा निआं, सै जे इन्हां दिनां ते पैहले विद्रोही बणीने, चार हजार कटाराँ औल़यां लोकां जो जंगला च लईग्या था?”

2 कुरिन्थियों 11:13

येढ़े लोक झूट्ठे प्रेरित ये कने छल़ा ने काम्म करने औल़े, सै मसीह रे प्रेरित हुणे रा ढोंग कराँ ये।

1 तिमुथियुस 5:13

कने इसते इलावा तिन्हांजो घरें-घरें फिरीने आलसी हुणे री आदत पैई जाईं, कने सिर्फ आलसी ही नीं पर बक-बक करदी रैईयां कने दुज्यां रे कम्मां च विघन बी पाईयां कने गल़त गल्लां बोलां इयां सै जे तिन्हांजो नीं बोलणियां चाहिन्दियां।

1 तिमुथियुस 6:5

कने इक्की दूये ने नीं खत्म हुणे औल़े झगड़े, कने तिन्हांरी बुद्धि भ्रष्ट हुईगरी, कने सै सच्चाईया जो नीं समझी सकदे, सै समझां ये भई परमेशरा री सेवा करना इ अमीर हुणे रा जरिया।

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

1 यूहन्ना 2:19

सै मसीह रा बरोध करने औल़े अहांरा साथ छड्डी ने चली गरे, पर सै अहांरे अपणे नीं थे। जे सै अहांरे अपणे हुन्दे, तां अहांने सौगी रैहन्दे। पर सै अहांजो छड्डी गरे ताकि परमेशर अहांजो ये दस्सी सक्को भई तिन्हां चते कोई बी अहांरा निआं।

2 यूहन्ना 1:7

हऊँ इस खातर ये बोलां, काँह्भई बौहत सारे भरमाणे औल़े संसार च आईरे सै जे ये नीं मनदे भई यीशु मसीह इक माहणु बणीने इसा संसारा च आया। जे कोई माहणु ये बोलां, तां सै मसीह रा बैरी आ सै जे हमेशा लोकां जो भरमां।

प्रकाशितवाक्य 2:6

पर हाँ, तूह च ये खरी गल्ल इ : भई तू नीकुलईयां रे कम्मां ते नफरत कराँ, तिन्हांते जे हऊँ बी नफरत कराँ।