प्रेरितां 20:12 - बिलासपुरी नौआं नियम

¹² कने सै तिस जवाना जो ज्यूंदे ली आये कने बौहत खुश हुये।

प्रेरितां 20:12 ပူးပေါင်းရင်းမြစ်များ

प्रेरितां 20:11

कने भीं ते ऊपर जाईने रोटी तोड़ी कने खाईने इतनिया देरा तक गल्लां करदा रैया भई भ्याग हुणे लगीग्या; फेरी सै चलिग्या।

प्रेरितां 20:13

अहें पैहले इ जहाजा पर चढ़ीने अस्सुस नगरा जो येढ़ा सोच्चीने अग्गे गै भई तित्थी ते अहां पौलुसा जो चढ़ाई लेणा, काँह्भई तिने ये इस खातर रखीरा था भई तिस अप्पूँ पैदल जाणा था।

2 कुरिन्थियों 1:4

कने सै जे अहांरी सारियां मुशीवतां च अहांजो तसल्ली देआं ताकि अहें बी मुशीवतां च पईरे लोकां जो तियां इ तसल्ली देई सक्को, तियां जे परमेशरे अहांजो दित्ति।

इफिसियां 6:22

इसी वजह ने मैं तिस्सो तुहांले भेज्या राँ, भई तुहें अहांरी हालत जाणो कने सै तुहांजो हौंसला देई सक्को।

1 थिस्सलुनीकियां 3:2

कने अहें तिमुथियुस जो, सै जे मसीह रिया खुशखबरिया च अहांरा भाई आ कने परमेशरा रा सेवक आ, इस खातर तिस्सो तुहांले भेज्या भई सै तुहांजो मजबूत करने कने विश्वासा रे बारे च समझाई सक्को।

1 थिस्सलुनीकियां 4:18

इयां इ इन्हां गल्लां ते इक्की दूये जो हौंसला देआ करा।

1 थिस्सलुनीकियां 5:11

इस वजह ते इक्की दूये जो हौंसला देओ कने इक्की दूये जो परमेशरा पर विश्वास करने रे खातर मदद करो, तेढ़ा जे तुहें कराँ बी ये।”

1 थिस्सलुनीकियां 5:14

साथी विश्वासियो, अहें तुहांजो विनती कराँ ये भई सै जे विश्वासी आलसी ये तिन्हाजो सावधान करा, कायराँ जो हौंसला देआ, सै जे कमजोर ये तिन्हांरी मदद करा, कने सारयां खा सहनशीलता दस्सा।

2 थिस्सलुनीकियां 2:16

खुद अहांरे प्रभु यीशु मसीह, कने अहांरे पिता परमेशर तिने जे अहांने प्यार कित्या, कने अपणे अनुग्रह ते अनन्त प्रोत्साहन कने उत्तम आशा दित्तिरी,