प्रेरितां 2:9 - बिलासपुरी नौआं नियम

⁹ अहें सै जे पारथी कने मेदी कने एलामी कने मेसोपोटामिया कने यहूदिया कने कप्पदूकिया कने पुन्तुस कने आसिया,

प्रेरितां 2:9 ပူးပေါင်းရင်းမြစ်များ

प्रेरितां 16:6

सै फ्रूगिया कने गलातिया प्रदेशा चते हुईने गये, काँह्भई पवित्र आत्मे तिन्हांजो आसिया प्रदेशा च वचन सुनाणे ते मना कित्या।

प्रेरितां 18:2

तित्थी तिस्सो अक्विला नौआं रा इक यहूदी मिलया, तिसरा जन्म पुन्तुस प्रदेशा च हुईरा था। सै अपणी पत्नी प्रिस्किल्ला ने सौगी इटली प्रदेशा ते नौआं-नौआं आईरा था, काँह्भई बादशाह कलौदियुस सब्बीं यहूदियां जो रोमा ते निकल़णे रा हुक्म दित्तिरा था। इस खातर सै तिन्हां ला गया।

प्रेरितां 19:10

दुईं साल्लां तका येढ़ा इ हुंदा रैया, येत्थी तका भई आसिया प्रदेशा रे रैहणे औल़े क्या यहूदी क्या यूनानी सब्बीं प्रभुये रा वचन सुणी लया।

प्रेरितां 19:27

इसते हुण सिर्फ इसी गल्ला रा डर निआं भई इस धन्दे च अहांरा नौं बदनाम हुई जाणा, ये डर बी आ, भई महान देबी अरतिमिसा रा मन्दर बेकार समझया जाणा, कने तिस्सो जे आसिया प्रदेशा रे कने संसार रियां बौहत सारियां जगहां च पूजा कराँ तिसरा महत्व बी जान्दा रैहणा।”

प्रेरितां 19:31

आसिया रे हाक्मा चते बी तिसरे कईयें मित्रें तिसलौ ये बोल्ली भेज्या कने विनती किति भई नाटकशाला च जाईने जोखम देखां लेन्दा।

प्रेरितां 2:8

तां फेरी अहां चते हर माहणु अपणी-अपणी देशी भाषा कियां सुणया राँये?

प्रेरितां 20:16

काँह्भई पौलुसे इफिसुस नगरा रे नेड़े चियें जाणे रा फैसला कित्या था भई किति येढ़ा नीं हो भई तिस्सो आसिया च देर लगो; काँह्भई सै जल़्दी च था भई जे हुई सक्को तां पिन्तेकुस्त त्योहारा रे रोज यरूशलेम च रौ।

प्रेरितां 20:18

ताहली जे सै तिसला आये, तां तिन्हांने गलाया, “तुहें जाणाँ ये भई पैहले इ दिना ते तां जे हऊँ आसिया प्रदेशा च पुज्जया, हऊँ हर बगत तुहां सौगी कियां-कियां रैया,

प्रेरितां 20:4

इसा यात्रा च बिरिया वासी पुरूर्स रा पुत्र सोपत्रुस कने थिस्सलुनीकी नगरा चते अरिस्तर्खुस कने सिकुन्दुस, कने दिरबे नगरा रा गयुस, कने तिमुथियुस, कने आसिया प्रदेशा रा तुखिकुस कने त्रुफिमुस तिस सौगी आये।

प्रेरितां 21:27

ताहली जे सै सात्त दिन पूरे हुणे पर थे, तां आसिया प्रदेशा रे किछ यहूदी लोकें पौलुसा जो मन्दरा च देखीने सब्बीं लोकां जो भड़काया, कने तिस्सो पकड़ील्या,

प्रेरितां 24:18

तिस इ वगत तिन्हें मिन्जो मन्दरा च, पवित्र होणे रे रीति रिवाजा जो पूरा करदे हुये देख्या तिसा जगह नांत कोई भीड़ थी नांई कोई शोर था। पर तित्थी आसिया प्रदेशा रे किछ यहूदी थे, तिन्हे जे दंगा कित्या था,

प्रेरितां 27:2

आसिया रे अद्रमुत्तियुम नगरा रे इक्की जहाजा पर सै जे आसिया रे कनारे रियां जगहां च जाणे औल़ा था, चढ़ीने अहें अपणी यात्रा शुरु करी ती, कने अरिस्तर्खुस नौआं रा मकिदुनी प्रदेशा रे थिस्सलुनीके नगरा रा इक निवासी अहांने सौगी था।

प्रेरितां 6:9

तां तिस यहूदी सभा घरा चते तिन्हांजो जे अजाद कित्तिरे लोक बोलां थे, कुरेनी, सिकन्दरिया, किलिकिया कने आसिया रे लोकां चते कई आईने स्तिफनुसा ने बैहस करने लगे।

प्रेरितां 7:2

स्तिफनुसे गलाया, “हे भाईयो, कने अगुवेयो सुणा। अहांरा पूर्वज अब्राहम हारान नगरा च बसणे ते पैहले मेसोपोटामिया प्रदेशा च था; तां चमकदे तेज्जा च परमेशरे तिस्सो दर्शण दित्या,

रोमियो 16:5

तिसा कलीसिया जो बी मेरा नमस्कार सै जे तिन्हारे घरें कट्ठा हुआं इ। मेरे प्यारे मित्र इपनितुस जो मेरा नमस्कार सै जे आसिया प्रदेशा च मसीह जो अपनाणे औल़ा पैहला था।

1 कुरिन्थियों 16:19

आसिया प्रदेशा री कलीसियां रिया तरफा ते तुहांजो नमस्कार; अक्विला कने तिसरी जनाना प्रिस्का रा कने तिन्हांरे घरा रिया कलीसिया रा बी तुहौं प्रभुये च बौहत-बौहत नमस्कार!

2 कुरिन्थियों 1:8

अहांरे साथी विश्वासियो, अहें चाँये भई तुहें तिन्हां दुखां रे बारे च जाणा सै जे अहांजो आसिया प्रदेशा च झेलणे पै थे; सै अहांरे खातर भयंकर दुख था सै जे अहां रिया सैहण-शक्तिया ते परे था, येत्थी तक भई अहांजो जीणे तक री कोई आशा नीं थी।

2 तिमुथियुस 1:15

तू जाणाँ भई आसिया प्रदेशा च रैहणे औल़े कई विश्वासी मिन्जो छड्डी चुक्कीरे, फुगिलुस कने हिरमुगिनेस बी मिन्जो छड्डी चुक्कीरे।

1 पतरस 1:1

हऊँ पतरस, यीशु मसीह रा प्रेरित ये चिट्ठी परमेशरा रे तिन्हां चुणी रे लोकां खातर लिख्या राँ सै जे पुन्तुस, गलातिया, कप्पदूकिया, आसिया कने बितूनिया रे प्रदेशां च खिण्डीने प्रदेशियां साई रैई कराँ ए।

प्रकाशितवाक्य 1:11

“जो किछ तू देक्खां तिसजो कताबा च लिखीने सत्तां नगराँ रियां कलीसियां ले भेजी दे, यनिके इफिसुस, स्मुरना, पिरगमुन, थुआतीरा, सरदीस, फिलदिलफिया, कने लौदीकिया जो।”

प्रकाशितवाक्य 1:4

हऊँ यूहन्ना, ये आसिया प्रदेशा री सात्त कलीसियां जो लिख्या राँ: तिस परमेशरा रिया तरफा ते सै जे हाया, सै जे था, सै जे औणे औल़ा; कने तिन्हां सत्तां आत्मां रिया तरफा ते, सै जे तिसरे संघासणा रे सामणे इयां,