प्रेरितां 2:7 - बिलासपुरी नौआं नियम

⁷ सै सब हैरान-परेशान हुईने बोलणे लगे, “देक्खा, ये जे बोल्या रायें क्या सब गलीली नींये?

प्रेरितां 2:7 ပူးပေါင်းရင်းမြစ်များ

मत्ती 21:11

लोकें गलाया, “ये गलील रे नासरत नगरा रा भविष्यवक्ता यीशु आ।”

मत्ती 26:73

थोड़िया जेआ देरा बाद ऊत्थी खढ़िरे लोक पतरसा ले आये कने तिसने गलाया, “तेरी बोल्ली साफ दस्सी राईं भई तू असल च तिन्हां चते इक आ।”

मत्ती 8:10

ये सुणीने यीशुये जो चम्भा हुया, कने सै जे तिसरे पिच्छे आई कराँ थे तिन्हांने बोल्या, “हऊँ तुहांजो सच्च बोलां, भई मुझे इस्राएल देश में इक बी येढ़ा माहणु नीं मिलया, सै जे गैर-यहूदी माहणुए साई माह पर भरोसा करां।

मरकुस 1:27

येढ़ा देखीने यहूदी सभा घरा रे लोक बड़े हैरान हुये कने अप्पूँ चियें गलाणे लगे, “ये क्या गल्ल इ? ये कोई नौआं उपदेश आ! ये तां अधिकारा ने बुरीआत्मां जो बी हुक्म देआं, कने सै तिसरे हुक्मां जो मन्नां ये।”

मरकुस 2:12

इकदम इ सै माहणु उट्ठया, अपणी पाल़की चक्की कने सब्बीं लोकां रे सामणे ते निकल़ीने चलिग्या; सारे लोक सै जे तिस्सो देक्खी रां थे, हैरान रैईगै कने सै सारे ये बोल्लीने परमेशरा री बडयाई करने लगे भई “अहें येढ़ा कदीं मनी देख्या।”

यूहन्ना 7:52

तिन्हे तिसजो जबाब दित्या, “क्या तू बी गलीली आ? पवित्रशास्त्रा जो पढ़, तां तिज्जो पता चलना भई गलील प्रदेशा ते कदीं कोई भविष्यवक्ता नीं औणा।”

प्रेरितां 1:11

कने तिन्हांजो गलाया, “गलील प्रदेशा रे लोको, तुहें काँह हल्तियें तक खड़ीने स्वर्गा खौ देख्या रायें? सैई यीशु, तिस्सो जे परमेशर तुहां लाते स्वर्गा जो चक्कीने लेई गरा, जिस तरिके ने तुहें तिस्सो स्वर्गा जो जान्दे देख्या तियां इ तिस फेरी वापस औणा।”

प्रेरितां 2:12

कने “सै सब हैरान हुये कने घबराई ने इक्की दुज्जे ने बोलणे लगे ये क्या हुया राँ?”

प्रेरितां 2:8

तां फेरी अहां चते हर माहणु अपणी-अपणी देशी भाषा कियां सुणया राँये?

प्रेरितां 3:10

तिस्सो पछयाणी लया भई ये सैई लंगड़ा भिखारी आ सै जे मन्दरा रे सुन्दर फाटका पर बैठीने भिख मंगां था; कने तिसा गल्ला ते सै जे तिस सौगी हुई थी सै बौहत हैरान हुये।