प्रेरितां 2:47 - बिलासपुरी नौआं नियम

⁴⁷ कने परमेशरा री स्तुति कराँ थे, कने सब लोक तिन्हांते खुश थे : कने सै जे छुटकारा पां थे, तिन्हांजो प्रभु हर रोज़ तिन्हां च मलाई देआं था।

प्रेरितां 2:47 ပူးပေါင်းရင်းမြစ်များ

लूका 19:48

पर कोई बी तरकीब नीं नकाल़ी सक्के; काँह्भई प्रभु सै जे किछ गल्लां था, लोक तिन्हारी इक्की-इक्की गल्ला जो बड़िया गौरा ने सुणां थे।

लूका 2:52

यीशुये जो परमेशर कने माहणुआं रा अनुग्रह मिलदा गया कने सै अक्ला च कने कद काठिया च बधदा गया।

प्रेरितां 11:21

परमेशरा रा सामर्थ तिन्हां पर था, कने बौहत सारे अन्यजातियां रे लोकें तिन्हांरे सन्देशा पर विश्वास कित्या कने प्रभु यीशुये री तरफ फिरे।

प्रेरितां 11:24

सै इक भला माहणु था, कने पवित्र आत्मा कने विश्वासा ते भरीरा था; कने होर बौहत सारे लोक प्रभुये च आईगे।

प्रेरितां 13:48

ये सुणी ने अन्यजातियां खुशी हुये, कने परमेशरा रे वचना री बडयाई करने लगे कने जितने अनन्त जीवना खातर ठहराईरे थे, तिन्हें विश्वास कित्या।

प्रेरितां 14:1

इकुनियुम नगरा च येढ़ा हुआ भई सै यहूदियां रे सभा घराँ च सौगी-सौगी गये, कने इयां गल्लां कित्ती यां भई यहूदियां कने यूनानियां चते मतयां विश्वास कित्या।

प्रेरितां 14:21

कने पौलुस कने बरनबास तिस नगरा रे लोकां जो खुशखबरी सुणाईने, कने बौहत सारे चेले बणाईने, लुस्त्रा कने इकुनियुम कने अन्ताकिया नगरा जो वापस आईगे,

प्रेरितां 16:5

इयां कलीसिया रे लोक विश्वासा च पक्की हुन्दी गई कने तादाता च हर दिन बधदी गई।

प्रेरितां 17:12

इस खातर यूनानी जनाना चते बौहतीं, कने कुलीन जनानां चते कने माहणुआं चते बौहतीं विश्वास कित्या।

प्रेरितां 2:39

काँह्भई ये वादा तुहां, कने तुहांरियां औल़ादां, कने तिन्हां सबनी दूरा-दूरा रे लोकां खातर बी हया तिन्हांजो जे प्रभु अहांरा परमेशर अप्पूँ ला सदगा।”

प्रेरितां 2:41

इस खातर तिन्हें लोकें जे पतरसा रा वचन सुणीने ग्रहण कित्या तिने बपतिस्मा लेआ; कने तिस दिन लगभग तिन्न हज़ार माहणु विश्वासियां रे समूहा च शामिल हुईगे।

प्रेरितां 4:21

फेरी तिन्हें पतरस कने यूहन्ने जो धमकाई ने छडित्या, काँह्भई लोकां रिया वजह ते तिन्हांजो सजा देणे रा कोई दाव नीं मिलया, इस खातर भई सै जे घटना हुईरी थी तिसरिया वजह ते सब लोक परमेशरा री बडयाई करया राँ थे।

प्रेरितां 4:33

प्रेरित बड्डिया सामर्था ने प्रभु यीशुये री मूईरयां चते जिऊंदा हुणे री गवाही देन्दे रै, कने तिन्हां सब्बीं पर मता अनुग्रह था।

प्रेरितां 4:4

पर वचना रे सुणने औल़यां चते बौहतीं यीशुये पर विश्वास कित्या, कने तिन्हांरी गिणती तकरीवन पांज्ज हज़ार माहणुआं च हुईगी।

प्रेरितां 6:1

तिन्हां दिना च तां जे चेले गिणतिया च बौहत बधणे लगे, तां यूनानी भाषा बोलणे औल़े यहूदी चेलयां इब्रानी भाषा बोलणे औल़यां यहूदी चेलयां पर कुड़कुड़ाने लगे, भई हर रोज किया सेवा च अहां रियां विधवां री देख-भाल नीं हुंदी।

प्रेरितां 6:7

परमेशरा रा वचन फैलदा गया कने यरूशलेम च चेलयां री गिणती बौहत बधदी गई; कने बौहत सारे यहूदी याजकें यीशु मसीह पर विश्वास कित्या।

प्रेरितां 9:31

इयां सारे यहूदिया, गलील, कने सामरिया प्रदेशा री कलीसिया जो चैन मिलीग्या कने तिन्हांरी तरक्की हुईगी; कने सै प्रभु यीशुये रे डरा कने पवित्र आत्मा रे शान्तिया च चलदी कने बधदी गई।

प्रेरितां 9:35

तां लुद्दा कने शारोन रे सब्बीं रैहणे औल़यां तिस्सो देख्या कने प्रभु यीशुये पर विश्वास कित्या।

रोमियो 14:18

सै जे कोई इस तरिके ने मसीह री सेवा कराँ, तिसते परमेशर खुश रैयां कने लोक तिस्सो ईज्जत दें।

रोमियो 8:30

फेरी तिन्हांजो जे तिने पैहले ते तैह कित्या, तिन्हाजो बी तिने चुणया, कने सै जे तिने चुणे, सै तिने धर्मी घोषित कित्ते, कने तिन्हाजो जे तिने धर्मी घोषित कित्या, तिन्हां सौगी तिने अपणी महिमा बी बन्डी।

रोमियो 9:27

कने यशायाह भविष्यवक्ता इस्राएल रे बारे च चिल्लाई ने बोलां, “चाये इस्राएली लोक समुद्रा रे रेता रे बराबर हो, तां बी तिन्हां चते सिर्फ थोड़े इ बचणे।

1 कुरिन्थियों 1:18

काँह्भई क्रूसा रा सन्देश नाश हुणे औल़यां रे खातर मूर्खता इ, पर अहां छुटकारा पाणे औल़यां रे खातर ये परमेशरा री सामर्थ इ।