प्रेरितां 2:45 - बिलासपुरी नौआं नियम

⁴⁵ सै अपणिया-अपणिया जायदात्ता कने समाना जो बेची-बेच्चीने तेढ़ी जे किसी री जरूरत हुआं थी बंडी देआं थे।

प्रेरितां 2:45 ပူးပေါင်းရင်းမြစ်များ

मत्ती 19:21

यीशुये तिसने गलाया, “जे तू सिद्ध हूणा चाँह, तां जा, अपणा सब किछ बेच्चीने गरीबां जो बंडी दे; कने तिज्जो स्वर्गा च धन मिलणा; कने आईने मेरा चेला बण।”

लूका 16:9

हऊँ तुहांजो बोलां भई इस संसारा रिया धन दौलता रा इस्तेमाल करीने दुज्जेयां जो अपणे मित्र बणावा, तिसते जे सांसारिक धन दौलता रे खत्म हुणे पर तुहांरा स्वर्गा च बड़िया खुशिया ने स्वागत हूणा।

लूका 18:22

यीशुये तिसने गलाया, “इक काम्म तैं हूणा तक नीं कित्या, तेरले जितणी बी धन दौलत इ तू तिसाजो बेच्चीने सारा पैसा गरीबां च बंडी दे, कने मेरा चेला बणी जा, तां तिज्जो स्वर्गा च धन मिलणा।”

लूका 19:8

जक्कई रोटी खान्दे वगत खड़ा हुईने प्रभु यीशुये ने बोलणे लगया; प्रभु जी, देक्खा हऊँ अपणिया धन-दौलता रा अधा हिस्सा गरीबां च बंडी देआं, कने जिस किसी रा जे मैं धोखा करीने लैईरा तिन्हांजो मांह चार गुणा वापस करीने देणा।

प्रेरितां 11:29

तां चेलयां ये फैसला कित्या भई सब अपणे-अपणे धना रे मुतावक यहूदिया प्रदेशा च रैहणे औल़े मसीह विश्वासिया रे खातर अपणिया सामर्थय रे मुतावक सहायता करें।

प्रेरितां 4:34

तिन्हां चते कोई बी गरीब नीं था; काँह्भई तिन्हांले जे जमीन या घर थे, सै तिन्हांजो बेचणे ते मिलीरा पैसा ल्यौवां थे,

प्रेरितां 4:35

कने प्रेरितां जो देआं थे; कने तेढ़ी जे किसी जो बी जरूरत हुआं थी, तितना इ सब बन्डी लेआं थे।

2 कुरिन्थियों 9:1

हुण यरूशलेम च विश्वासियां जो मदद करने री सेवा रे बारे च मिन्जो तुहांजो लिखणे री जरूत नीं।

2 कुरिन्थियों 9:9

तियां जे भई पवित्रशास्त्रा च लिखिरा, “परमेशर खुशिया ने गरीब लोकां जो दान देआं, कने सै जे ठीक आ तिस्सो सै हमेशा कराँ।”

1 यूहन्ना 3:17

पर जिस किसी ले संसारिक धन-दौलत हो कने सै अपणे साथी विश्वासिये जो जरूरत मन्द देखीने तिस पर तरस नीं खाओ, तां तिसच परमेशरा रा प्यार कियां बणीने रैई सक्कां?