प्रेरितां 2:4 - बिलासपुरी नौआं नियम

⁴ सै सब पवित्र आत्मा ने भरीगे, कने तियां जे आत्मा तिन्हांजो बोलणे री सामर्थ देयां था, सै लग-लग भाषा बोलणे लगे।

प्रेरितां 2:4 ပူးပေါင်းရင်းမြစ်များ

मत्ती 10:19

ताहली जे तिन्हां तुहांजो पकड़वाणा तां इसा गल्ला री चिन्ता नीं करयों भई तुहां कियां बोलणा कने क्या बोलणा; काँह्भई जो किछ तुहांजो बोलणा हुँगा सै तिस वगत तुहांजो दस्सी दित्या जाणा।

मरकुस 16:17

कने विश्वासियां जो चमत्कार करने री सामर्थ दित्ति जाणी भई तिन्हां मेरे नौआं ते बुरीआत्मा जो बाहर कडणा; तिन्हां सै भाषा बोलणी सै जे तिन्हें कदीं सिक्खी री नीं हूणी;

लूका 1:15

तिस परमेशरा रे खातर खास काम्म करना। तिस कदीं बी अंगूरां रा रस कने कोई नशीली चीज़ नीं पीणी; कने तिस अपणी मौआ रे गर्भा ची पवित्र आत्मा ते भरी जाणा।

लूका 1:41

येढ़ा हुया भई जियां जे इलिशिबे, मरियमा री नमस्ते सुणी, तियां इ न्याणा तिसारे गर्भा च फुरने लगया, कने इलिशिबा पवित्र आत्मा ने भरीगी।

लूका 1:67

यूहन्ना रा पिता जकर्याह पवित्र आत्मा ने भरीग्या कने तिने येढ़ि भविष्यवाणी किति :

लूका 12:12

काँह्भई पवित्र आत्मे तिस इ बगत तुहांजो सखाई देणा, भई तुहांजो क्या जवाब देणा चाहिन्दा।”

लूका 21:15

काँह्भई मांह तुहांजो अपणे बचावा खातर विचार कने बुद्धि देणी, भई तुहांरे सारे बरोधी तुहांरा सामना करीने येढ़ा नीं बोल्ली सक्को भई तुहें गल़त ये।

लूका 4:1

फेरी यीशु पवित्र आत्मा रिया अगुवाईया च, यरदन ते वापस आया; कने चाल़ियां दिनां तक आत्मा रे सखाणे ते सुनसान जगह च फिरदा रैया।

यूहन्ना 14:26

पर सहायक, यनि पवित्र आत्मा, तिस्सो जे पिता मेरे नौआं ते भेजणा, तिस सब गल्लां तुहांजो सखाणियां कने जो किछ मैं तुहांजो गलाया सै सब गल्लां याद कराणियां।

यूहन्ना 20:22

येढ़ा बोलीने तिने तिन्हां पर फूक मारी, कने गलाया, “पवित्र आत्मा जो ग्रहण करा।

प्रेरितां 1:5

काँह्भई यूहन्ने त पाणिये च बपतिस्मा दित्तिरा, पर थोड़यां दिना ते बाद परमेशरा तुहां च वास करने खातर पवित्र आत्मा भेजणा।”

प्रेरितां 1:8

पर तां जे पवित्र आत्मा तुहांले औणा तां तुहांजो सामर्थ मिलणी; कने यरूशलेम नगर कने सारे यहूदिया कने सामरिया प्रदेशा च कने सारे संसारा च मेरे गवाह हुणे।”

प्रेरितां 10:46

काँह्भई तिन्हें तिन्हांजो लग-लग भाषा बोलदे कने परमेशरा री बडयाई करदे सुणया। इस पर पतरसे गलाया,

प्रेरितां 10:47

“क्या कोई इन्हां लोकां जो पाणिये ते बपतिस्मा लेणे ते रोकी सक्कां, तिन्हेंजे परमेशरा ते अहां साई पवित्र आत्मा पाईरा?”

प्रेरितां 11:15

“ताहली जे हऊँ गल्लां करने लगया, तां पवित्र आत्मा तिन्हां परा तिसा इ रितिया ते तियां इ उतरया तियां जे शुरु च पिन्तेकुस्त रे त्योहारा पर अहां पर उतरया था।

प्रेरितां 11:24

सै इक भला माहणु था, कने पवित्र आत्मा कने विश्वासा ते भरीरा था; कने होर बौहत सारे लोक प्रभुये च आईगे।

प्रेरितां 13:52

कने अन्ताकिया नगरा रे चेले खुशिया ने कने पवित्र आत्मा ते भरदे गये।

प्रेरितां 13:9

तां शाऊले तिसरा नौं जे पौलुस बी आ, पवित्र आत्मा ते भरी ने इलीमास टोणे खा घूरीने देख्या कने गलाया,

प्रेरितां 15:8

मना रे जाँचणे औल़े परमेशरे तिन्हांजो बी अहां साई पवित्र आत्मा देईने ये साबित कित्या भई तिने तिन्हांजो अपणयां लोकां साई ग्रहण कित्या;

प्रेरितां 19:6

ताहली जे पौलुसे तिन्हांरे सिरा पर हाथ रखे, तां पवित्र आत्मा तिन्हां परा उतरया, कने सै होर-होर भाषा बोलणे कने भविष्यवाणी करने लगे।

प्रेरितां 2:11

मतलब यहूदी कने यहूदी मत धारण करने औल़े, क्रेती कने अरबी बी ये, पर अपणिया-अपणिया भाषा च तिन्हांते परमेशरा रे बडे-बडे कम्मां रे बारे च सुणया रायें।”

प्रेरितां 2:3

कने तिन्हौं अग्गी साई जीभां फटदियां नज़र आईयां कने तिन्हां चते हर इक्की पर आईने रुकीगियां।

प्रेरितां 4:31

तां जे सै प्राथना करी चुक्के, तां जगह तित्थी जे सै कट्ठे थे हिल्लीगी, कने सै सब पवित्र आत्मा ते भरीगे, कने परमेशरा रा वचन हिम्मता ने सुणांदे रै।

प्रेरितां 4:8

फेरी पतरसे पवित्र आत्मा ते भरी ने तिन्हांने गलाया, “लोकां रे सरदार कने बजुर्गें!

प्रेरितां 6:3

इस खातर, मेरे भाईयो, अप्पूँ चते सात्त खरे माहणुआं जो सै जे पवित्र आत्मा कने बुद्धिया ने भरीरे हो, चुणी लवा, भई अहें तिन्हांजो ये काम्म दई-देईये।

प्रेरितां 6:5

ये गल्ल सारिया मण्डलिया जो खरी लगी, कने तिन्हें स्तिफनुस नौंवां रे इक्की माहणुये जो सै विश्वास कने पवित्र आत्मा ने भरीरा था, कने फिलिप्पुस, कने प्रुखुरुस, कने नीकानोर, कने तिमोन, कने परमिनास, कने अन्ताकिया वासी नीकुलाउस जो सै जे यहूदी मता च आईगरा था, चुणील्या।

प्रेरितां 6:8

स्तिफनुस अनुग्रह कने सामर्था ते भरी ने लोकां च बड्डे-बड्डे काम्म कने चमत्कार दस्सां था।

प्रेरितां 7:55

पर तिने पवित्र आत्मा ते भरी ने स्वर्गा खौ देख्या कने परमेशरा रे चमकदे तेज्जा जो कने यीशुये जो खबिया खौ खढ़िरे देख्या,

प्रेरितां 8:17

फेरी पतरस कने यूहन्ने तिन्हांरे सिरा पर हात्थ रखे कने तिन्हें पवित्र आत्मा पाया।

प्रेरितां 9:17

तां हनन्याह उट्ठीने तिस घरा च गया तित्थी जे शाऊल था कने तिस पर अपणा हात्थ रखीने गलाया, “भाई शाऊल, प्रभु यीशु, सै जे तिस रस्ते च, तिसते जे तू आया तिज्जो दुस्या था, तिने इ मिन्जो भेजीरा भई तू फेरी भीं देखणे लगो कने पवित्र आत्मा ते पूरा भरी जाओ।”

रोमियो 15:13

सारियां आशां रा देणे औल़ा परमेशर तुहांजो बड़े आनन्द कने शान्तिया ने भरी दो, तियां जे भई तिसच तुहांरा विश्वास आ, ताकि पवित्र आत्मा रिया सामर्था ते तुहें आशा ने भरी जाओ।

1 कुरिन्थियों 12:10

फेरी किसी जो सामर्था रे काम्म करने री ताकत, किसी जो भविष्यवाणी, किसी जो आत्मां री परख, किसी जो कई प्रकारा रियां भाषां बोलणे जो, कने किसी जो भाषां रा मतलब दसणा।

1 कुरिन्थियों 13:1

जे हऊँ माहणुआं कने स्वर्गदूतां री बोलियां बोलूं कने प्यार नीं रखूं, तां मेरी गल्ल ठनठनांदा पीतल, कने झनझनांदी हुई झांझरा साई हूणी।

1 कुरिन्थियों 13:8

प्यार कदीं टलदा निआं; भविष्यवाणियां हो, तां खत्म हुई जाणियां; भाषां मौन हुई जाणियां; ज्ञान हुंगा, तां मिटी जाणा।

1 कुरिन्थियों 14:18

हऊँ अपणे परमेशरा रा धन्यवाद कराँ, भई हऊँ तुहां सब्बीं ते जादा होरीं भाषा च बोलां।

1 कुरिन्थियों 14:5

हऊँ चाँह भई तुहें सब होरीं भाषा च गल्लां करो पर इसते बी जादा येढ़ा चांह भई भविष्यवाणी करा। काँह्भई जे होर भाषा बोलणे औल़ा कलीसिया रिया तरक्किया खातर भाषा रा मतलब नीं दस्सो तां भविष्यवाणी करने औल़ा तिसते बधी नेआ।

इफिसियां 3:19

कने तुहें मसीह रे तिस प्यारा जो जाणी सक्को सै जे हरेक किस्मा रे ज्ञाना ते ऊपर आ, ताकि तुहांरा चाल-चलण परमेशरा रे चाल-चलना साई बणी सक्को।

इफिसियां 5:18

शराब पीणे औल़े रा नशा मत करा, काँह्भई इसते गल़त इच्छा पैदा हुआं इ, पर पवित्र आत्मा ते भरदे जावा।

इफिसियां 6:18

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

1 पतरस 1:12

पर परमेशरे इन्हां भविष्यवक्तयां जो परगट कित्या भई तिन्हांरा सन्देश तिन्हांरे फायदे रे खातर नीं था बल्कि तुहांरे खातर था। सै सन्देश यीशु मसीह री खुशखबरी आ तिसजो जे हुण तुहें सुणीरा। परमेशरे अपणे पवित्र आत्मा जो स्वर्गा ते इस खातर भेज्या ताकि सै खुशखबरिया रा प्रचार करने च लोकां री मदद करी सक्को। इन्हां गल्लां जो स्वर्गदूत बी बेसब्रिया ने देखणे री इच्छा रक्खां ये।

2 पतरस 1:21

काँह्भई कोई बी भविष्यवाणी माहणुआं रिया इच्छा ते नीं हुई, पर माहणु पवित्र आत्मा रिया अगुवाईया ते बोलां थे सै जे परमेशर तिन्हांजो दसणा चांह था।