प्रेरितां 2:37 - बिलासपुरी नौआं नियम

³⁷ तां सुणने औल़यां लोकां जो ये विश्वास हुईग्या था भई तिन्हें कोई गल़त काम्म कित्या, कने सै पतरस कने प्रेरितां ते पुछणे लगे, “हे भाईयो, अहें क्या करिये?”

प्रेरितां 2:37 ပူးပေါင်းရင်းမြစ်များ

लूका 3:10

तां लोकां री भीड़ तिसते पुछणे लगी, “अहांजो परमेशरा रिया इसा सजा ते बचणे खातर क्या करने पौणा?”

लूका 3:12

चुंगी लेणे औल़े बेईमान लोक बी तिसले बपतिस्मा लेणे आये कने पुछणे लगे, “गुरू जी, अहें क्या करिये?”

लूका 3:14

किछ सपाईयें बी पुच्छया, “अहांजो क्या करना चाहिन्दा?” यूहन्ने तिन्हाजो जवाब दित्या, “किसी ते तिसरे पैसयां जो नीं खोयां, कने जाणदे हुए बी किसी पर झूट्ठा इल्जाम नीं लगायों, कने तुहांजो जितणी मजदूरी मिलांई तिसच इ सन्तोख रखयों।”

यूहन्ना 8:9

ताहली जे लोकें येढ़ा सुणया तां तित्थी ते बड्डयां ते लेईने छोटयां तक, हौल़यां-हौल़यां इक-इक करीने खिसकणे लगे, कने यीशु कल्हा रैहीग्या, कने सै जनाना बी ऊत्थी बिच खढ़ी रैई।

प्रेरितां 1:16

“हे भाईयो, जरूरी आ भई पवित्रशास्त्रा रा सै लेख पूरा हो सै जे पवित्र आत्मे दाऊद रे मुँआं ते यहूदा रे बारे च, पैहले ते गलाया था, सै जे यीशुये रे पकड़वाणे औल़यां रा अगुवा था।

प्रेरितां 22:10

तां मैं गलाया, ‘हे प्रभु, हऊँ क्या करूँ?’ प्रभुये मेरने गलाया, ‘उट्ठीने दमिश्क नगरा च जा, कने जो किछ तेरे करने खातर ठहराईरा तित्थी तिज्जो सै सब दस्सीत्या जाणा।’

प्रेरितां 5:33

पर महांसभा रे सदस्या ये सुणीने फुखीगे, कने प्रेरितां जो मारी देणा चाँह थे।

प्रेरितां 7:54

ये गल्लां सुणीने यहूदी अगुवे बड़ा गुस्सा हुईगे कने स्तिफनुसा परा दन्द किरड़ने लगे।

रोमियो 7:9

हऊँ बगैर व्यवस्था ते पैहले जिऊंदा था, पर ताहली जे हुक्म आया, तां पाप जिन्दगिया च आया, कने हऊँ मरीग्या।