प्रेरितां 2:33 - बिलासपुरी नौआं नियम

³³ इयां इ परमेशरा रे सज्जे हत्था ते सब्बींते ऊच्ची जगह पाईने, कने पिता ते सै पवित्र आत्मा पाईने तिसरी प्रतिज्ञा जे कित्तिरी थी, तिने ये भेज्जी दित्तिरा सै जे तुहें देख्या कने सुणया रायें।

प्रेरितां 2:33 ပူးပေါင်းရင်းမြစ်များ

प्रेरितां 1:4

इक मौके पर, ताहली जे यीशु अपणे चेलयां सौगी रोटी खाया राँ था, तां तिने तिन्हांजो ये हुक्म दित्या, “यरूशलेम नगरा जो मता छडदे, पर पिता रे तिस वायदे रे पूरा हुणे रा इन्तजार करदे रौआ, तिसरे बारे च जे तुहें मेरते सुणी चुक्कीरे।

प्रेरितां 5:31

परमेशरे यीशुये जो स्वर्गा च सद्दीने सब्बींते ऊच्चे औहदे पर बठाल़या, तिने तिस्सो अधिकार दित्या ताकि सै अहांरा छुटकारा करीने अहां पर राज करो। परमेशरे येढ़ा इस खातर कित्या भई अहें इस्राएली अपणे पापां ते मन फिराई लो ताकि सै अहांजो कने अहांरे पापां जो माफ करी दो।

प्रेरितां 2:17

“ ‘परमेशर बोलां, भई आखिरी दिना च येढ़ा हूणा भई मांह अपणा आत्मा सब माहणुआं पर भेजणा, कने तुहांरे मुण्डुआं कने कुड़ियां भविष्यवाणियां करनियां, कने तुहांरे जवानां दर्शण देखणे कने तुहांरे पुरनिये सुखने देखणे।

यूहन्ना 14:26

पर सहायक, यनि पवित्र आत्मा, तिस्सो जे पिता मेरे नौआं ते भेजणा, तिस सब गल्लां तुहांजो सखाणियां कने जो किछ मैं तुहांजो गलाया सै सब गल्लां याद कराणियां।

मरकुस 16:19

तिन्हांने गल्लां करने ते बाद परमेशर प्रभु यीशुये जो स्वर्ग लेईग्या, कने अपणे संघासणा रे सज्जे पासे बठाया।

1 पतरस 3:22

कने सै स्वर्गा च जाईने परमेशरा रे सज्जे पासे आदरा रिया जगह बैठिग्या; कने सारे स्वर्गदूत, अधिकारी कने शक्तियां तिसरे अधीन करीते।

गलातियां 3:14

मसीहे अहांजो इस खातर छडवाया भई अब्राहमा जो दित्तिरी आशीष मसीह यीशुये रे जरिये अन्यजातियां जो मिली सक्को, ताकि विश्वास करने रे जरिये अहें तिस पवित्र आत्मा जो पाई सक्को, तिसरा जे तिने अहांजो देणे रा वायदा कित्तिरा था।

प्रेरितां 10:45

कने जितने यहूदी विश्वासी पतरसा ने सौगी आईरे थे, सै सब हैरान हुये भई अन्यजातियां परा बी पवित्र आत्मा रा दान मिलया राँ।

मत्ती 28:18

यीशुये तिन्हांले आईने बोल्या, “स्वर्ग कने धरतिया रा सारा अधिकार मिन्जो देई दित्तिरा।

यूहन्ना 14:16

कने मांह तुहांरे खातर पिता ने प्राथना करनी, कने तिस तुहांजो इक सहायक देणा तिस जे तुहांजो सदा रैहणा,

1 पतरस 1:21

तिसरे जरिये तुहें परमेशरा पर विश्वास करदे रै तिने जे तिस्सो मूईरेयां चते जिऊंदा कित्या कने तिस्सो महिमा दित्ति, इस खातर तुहांरी आस कने तुहांरा विश्वास परमेशरा पर हुण मजबूत आ।

इब्रानियों 10:12

पर मसीहे अप्पूँजो पापां रे खातर बलिदान्ना रे रुपा च इक्को इ बार हमेशा खातर चढ़ाया, कने परमेशरा रे सज्जे पासे आदरा रिया जगह जाई बैट्ठया।

रोमियो 5:5

कने ये आशा अहांजो निराश नीं हुणे देन्दी, काँह्भई पवित्र आत्मा सै जे परमेशरे अहांजो दित्तिरा, तिसरे जरिये परमेशरा रा प्यार अहांरे दिलां च भरी तरा।

तीतुस 3:6

परमेशरे मुख्ता च अहांजो अहांरा छुटकारा करने औल़े यीशु मसीह रे जरिये पवित्र आत्मा दित्या,

इफिसियां 4:8

इस खातर पवित्रशास्त्र बोलां, “सै ऊँचे पर चढ़ेया कने कैदियाँ जो बन्हीने लेईग्या, कने लोकां जो दान दित्ते।”

यूहन्ना 17:5

हुण तू, हे पिता अपणिया उपस्थितिया च मिन्जो तिसा महिमा ते महिमामय कर, सै महिमा जे मेरी संसारा रिया सृष्टिया ते पैहले तुहां सौगी थी।

यूहन्ना 15:26

पर तिस बगत जे सहायक औणा, ये सै पवित्र आत्मा सै जे पिता परमेशरा रिया तरफा ते औआं कने सै जे सच्च आ तिस्सो प्रगट करां। ताहली जे तिस औणा, तां तिस तुहांजो मेरे बारे च दसणा।

लूका 24:49

कने तिसरा वायदा जे मेरे पिता माहने कित्तिरा, तियां इ मांह बी तुहांरे खातर पवित्र आत्मा भेजणा, पर तदुआं तक जे परमेशर तुहांजो पवित्र आत्मा रिया सामर्था ने भरी नीं दो, तदुआं तक तुहें यरूशलेम ची रैयों।”

इफिसियां 1:13

परमेशरे तुहौं बी अपणे लोक बणाया ताहली जे तुहें सच्चाईया रा सन्देश यनि तुहांरे छुटकारे री खुशखबरी सुणी। तां तुहें तिस पर विश्वास कित्या कने मसीह च परमेशरे तुहां पर छाप लाई सै छाप जे वायदा कित्तिरा पवित्र आत्मा।

इब्रानियों 2:9

पर अहें यीशुये जो देक्खां ये, सै जे स्वर्गदूतां ते किछ इ वगता रे खातर घट कित्या गया था, ताकि परमेशरा रे अनुग्रह रे जरिये सै सब्बीं रे खातर मरी सक्को। कने काँह्भई तिने दुख सैया कने मरया, तां हुण अहें जाणाँ ये भई सै महिमामय आ कने आदर कित्या गईरा।