प्रेरितां 2:30 - बिलासपुरी नौआं नियम

³⁰ सै भविष्यवक्ता था, सै जाणा था भई परमेशरे मेरने वायदा कित्तिरा भई माह तेरे वंशा चते इक्की माहणुये जो तेरे संघासणा पर बठाणा;

प्रेरितां 2:30 ပူးပေါင်းရင်းမြစ်များ

मत्ती 22:43

यीशुये तिन्हांते पुच्छया, “तां दाऊद आत्मा च हुईने तिस्सो प्रभु कजो बोलां?

मत्ती 27:35

फेरी तिन्हे तिस्सो क्रूसा पर चढ़ाईत्या, कने पर्चियां पाईने तिसरे कपड़े बन्डी ले,

मरकुस 12:36

राजा दाऊदे अप्पूँ इ पवित्र आत्मा च हुईने मसीह रे बारे च बोल्या : “ ‘परमेशरे मेरे प्रभुये ने गलाया, “मेरे सज्ज़े पासे बैठ, तदुआं तकौ जे भई हऊँ तेरे सारयां दुश्मणां जो, तेरे बशा च नीं करी दूँ।” ’

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

प्रेरितां 1:16

“हे भाईयो, जरूरी आ भई पवित्रशास्त्रा रा सै लेख पूरा हो सै जे पवित्र आत्मे दाऊद रे मुँआं ते यहूदा रे बारे च, पैहले ते गलाया था, सै जे यीशुये रे पकड़वाणे औल़यां रा अगुवा था।

रोमियो 1:3

अपणे पुत्र अहांरे प्रभु यीशु मसीह रिया खुशखबरिया रे बारे च प्रतिज्ञा कित्तिरी थी; सै जे माहणुये रे रुपा च राजा दाऊद रे बंशा ते पैदा हुया,

रोमियो 15:12

कने फेरी यशायाह भविष्यवक्ता बी बोलां, “यिशै रा इक वंश परगट हूणा, तिस अन्यजातियां रे लोकां पर राज करना, तिस पर अन्यजातियां रे लोकां आशा रखणी।”

2 तिमुथियुस 2:8

यीशु मसीह जो याद कर सै जे मूईरयां चते जिऊंदा हुया कने सै जे राजा दाऊद रे बंशा रा। येई मेरी खुशखबरी तिस राजे हऊँ प्रचार कराँ,

इब्रानियों 1:1

बौहत पैहले परमेशरे अहांरे पूर्वजां ने कई बार लग-लग तरीकयां ने भविष्यवक्तयां रे जरिये गल्लां कित्तियां,

इब्रानियों 3:7

इस खातर तेढ़ा जे पवित्र आत्मा बोलां, “जे तुहें आज्ज परमेशरा री अवाज़ सुणो,

इब्रानियों 4:7

इस खातर परमेशरे किसी दुज्जे वगता जो अपणे विस्रामा रिया जगह च प्रवेश करने खातर तैह कित्या कने सै वगत आज्ज आ। अहांरे पूर्वजें विद्रोह करने रे कई साल्लां बाद परमेशरे दाऊदा रे जरिये बोल्या, तियां जे तिने बोल्या, “जे तुहें आज्ज परमेशरा री अवाज़ सुणो, तां तिसरा पालन करने ते इन्कार नीं करयां”

इब्रानियों 6:17

इस खातर परमेशरे बी कसम खाद्दि, ये करने रे जरिये तिने तिन्हां लोकां जो ये दिखाणा चाहया तिसते जे वायदा कित्तिरा था भई सै वायदा जे तिने कित्तिरा सै तिस्सो पूरा करगा।

इब्रानियों 7:21

काँह्भई होर याजक त बिणा कसमा ते याजक बणाये गये, पर यीशु कसमा सौगी परमेशरा रिया तरफा ते नियुक्त कित्या गया, तिने जे तिसरे बारे च गलाया, “हऊँ, प्रभु कसम खां, भई तू युगानुयुगा रा याजक आ कने मांह अपणा मन कदीं नीं बदलना।”

2 पतरस 1:21

काँह्भई कोई बी भविष्यवाणी माहणुआं रिया इच्छा ते नीं हुई, पर माहणु पवित्र आत्मा रिया अगुवाईया ते बोलां थे सै जे परमेशर तिन्हांजो दसणा चांह था।

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”

प्रकाशितवाक्य 19:16

कने तिसरे कपड़े कने लत्ता पर ये नौं लिखिरा : “राजयां रा राजा कने प्रभुआं रा प्रभु।”