प्रेरितां 2:23 - बिलासपुरी नौआं नियम

²³ तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

प्रेरितां 2:23 ပူးပေါင်းရင်းမြစ်များ

मत्ती 20:19

कने मिन्जो अन्यजातियां रे हवाले कित्या जाणा, भई सै मेरा मजाक डवाओ, कने कोड़े मारो, कने मिन्जो क्रूसा पर चढ़ाओ, कने मांह तिज्जे दिन मूईरयां ते जिऊंदा हुई जाणा।”

मत्ती 26:24

माहणुये रे पुत्रा त मरना इ हाया, तियां जे भई पवित्र शास्त्रा च तिसरे बारे च लिखिरा, पर तिसजो भयानक सजा भुगतणे पौणी सै जे माहणुये रे पुत्रा जो पकड़वां : तिस माहणुये रे खातर भला था भई तिसरा जन्म इ नीं हुईरा हुन्दा।”

मत्ती 27:35

फेरी तिन्हे तिस्सो क्रूसा पर चढ़ाईत्या, कने पर्चियां पाईने तिसरे कपड़े बन्डी ले,

मरकुस 15:24

तां तिन्हें तिस्सो क्रूसा पर चढ़ाया कने तिसरे चोल़े रे खातर पर्चियां पाईयां, भई किस जो क्या मिलो, तिस्सो बन्डील्या।

लूका 22:22

माहणुये रे पुत्रा जो त परमेशरा रिया योजना रे मुतावक मरना इ हाया, पर लाणत इ तिस माहणुये पर तिस जे सै पकड़वाणा!”

लूका 22:37

काँह्भई हऊँ तुहांजो दस्सां भई पवित्रशास्त्रा च सै जे लिखिरा : तिस्सो अपराधियां ने सौगी गिणया गया, ये मेरे बारे च कित्ती री भविष्यवाणी थी, हुण तिसारा मांह् च पूरा हूणा जरूरी आ; काँह्भई मेरे बारे च सै जे किछ लिखिरा, सै सब किछ पूरा हूणा।”

लूका 23:33

ताहली जे सै तिसा जगह पुज्जे तिसाजो जे खोपड़ी बोलां थे। तित्थी जे सपाईयें तिन्हां तिन्नां जो क्रूसां पर लटकाया, यीशु बिच्चले क्रूसा पर था, कने तिसरे आजु बाजू रे क्रूसा पर सै दोन्नों अपराधी थे।

लूका 24:20

कने अहें इस बारे च गल्लां करीराँ थे भई अहांरे मुखियायाजकां कने धर्म शास्त्रियें तिन्हाजो मौता रा हुक्म दुआई ने क्रूसा पर लटकाईत्या।

यूहन्ना 19:18

तित्थी तिन्हें यीशुये जो दो होरी कैदियां ने सौगी क्रूस पर चढ़ाया। इक तिसरे सज्जे कने इक तिसरे खब्बे हत्था, यीशु तिन्हांरे बिच्चा औल़े क्रूसा पर चढ़ाया।

यूहन्ना 19:24

इस खातर सिपाईयें इक्की दूये ने बोल्या, भई अहां इस्सो फाड़ना निआं, पर इस पर पर्चियां पाईने तिसरा जे नौं निकलगा तिस जोई मिलणा। काँह्भई पवित्रशास्त्रा च सै जे लिख्या गईरा सै पूरा हुईजो, तिन्हें मेरे कपड़े बी अप्पूँ चियें बंडी ले, कने मेरे कुरते खातर पर्चियां पाईयां। सिपाईयें ठीक येढ़ा इ कित्या।

प्रेरितां 13:27

काँह्भई यरूशलेम च रैहणे औल़े कने तिन्हांरे सरदारें, नां यीशु मसीह जो पछयाणया कने नां भविष्यवक्ता रियां गल्लां समझियां, सै जे हर विस्रामा रे दिन पढ़ियां जाईयां, इस खातर तिस्सो दोषी ठहराईने तिन्हां गल्लां जो पूरा कित्या।

प्रेरितां 15:18

येढ़ा सैई प्रभु बोलां सै जे जगता रिया उत्पतिया ते इन्हां गल्लां री खबर देन्दा आया।’

प्रेरितां 2:36

“इस खातर हुण इस्राएल रे सारे माहणु पक्के तरिके ने जाणी लो भई परमेशरे तिस इ यीशुये जो तिस्सो जे तुहें क्रूसा पर चढ़ाया, प्रभु बी ठहराया कने मसीह बी।”

प्रेरितां 3:18

पर तिन्हां गल्लां जो जे परमेशरे सब भविष्यवक्तयां रे मुँआं ते पैहले इ दस्सी तरा था, भई परमेशरा रे भेज्जीरे मसीहे दुख सैहणा कने मरना था, तिन्हांजो तिन्हें इसा रितिया ते पूरा कित्या।

प्रेरितां 4:28

भई जो किछ पैहले ते तेरिया सामर्था कने बुद्धिया ते ठहराईरा सैई करो।

प्रेरितां 5:28

“क्या अहें तुहांजो समझाई ने हुक्म नीं दित्या था भई तुहें इस नौआं ते उपदेश देहां देन्दे? तां बी देक्खा, तुहें सारे यरूशलेम जो अपणे उपदेशा ते भरीत्या कने तिस माहणुये रिया हत्या रा दोष अहां पर मढ़ना चाँह थे।”

प्रेरितां 5:30

अहांरे पूर्वजां रे परमेशरे यीशुये जो मूईरयां चते ज्यूंदा कित्या, तिस्सो जे तुहें क्रूसा पर लटकाईने मारीत्या था।

प्रेरितां 7:52

भविष्यवक्तयां चते किस्सो तुहांरे पूर्वजें नीं सताया? तिन्हें तिस मसीहे रे औणे रा पुराणे बगता ते सन्देश देणे औल़यां जो मारीत्या; कने हुण तुहें बी तिसरे पकड़वाणे औल़े कने मारने औल़े बणे।

रोमियो 2:12

इस खातर भई सै जे बिणा व्यवस्था पाये पाप कराँ ये, तिन्हां बगैर तिस तेई मरी बी जाणा; कने सै जे मूसा री व्यवस्था जो जाणदे हुये पाप कराँ ये, तिन्हांजो सजा बी व्यवस्था रे मुतावक ही मिलणी;

रोमियो 4:17

तियां जे पवित्रशास्त्र बोलां, भई “अब्राहम कई जातियां रा पूर्वज हूणा।” ये वायदा अब्राहमा ने इस खातर कित्या गया था, काँह्भई तिसरा विश्वास परमेशरा पर था, सै जे मूईरयां जो जिन्दगी देआं कने नई चीजां री सृष्टि कराँ।

1 थिस्सलुनीकियां 2:15

तिन्हें जे प्रभु यीशुये जो मारया कने भविष्यवक्तयां जो बाहर खदेड़ीत्या, कने अहांजो सताया, सै परमेशरा जो नीं खुश करदे, कने सै सारे माहणुआं रा वरोध कराँ ये।

1 पतरस 1:2

परमेशर पिता बौहत पैहले अपणे लोक हुणे खातर तुहांजो चुणने खातर तैह कित्या कने तुहांजो पवित्र आत्मा रे कम्मा रे जरिये पवित्र बणाया। तिने ये इस खातर कित्या ताकि तुहें यीशु मसीह जो मन्नी सक्को कने तिसरे खून्ना रे जरिये शुद्ध हुई सक्को। हऊँ प्राथना कराँ भई परमेशर तुहांजो बौहत जादा अनुग्रह कने शान्ति देओ।

1 पतरस 1:20

परमेशरे मसीह जो इस संसारा रिया सृष्टिया ते पैहले इ चुणीलरा था, पर तुहां लोकां रिया भलाईया रे खातर तिस्सो इन्हां आखरी दिनां च प्रगट कित्या।

1 पतरस 2:8

कने पवित्रशास्त्र बी बोलां, “येई पत्थर आ तिसते जे लोकां जो ठोकर लगां इ कने चट्टान तिन्हांजो थल्ले सट्टां इ।” तिन्हांजो ठोकर लगां इ, काँह्भई सै परमेशरा रे सन्देशा पर विश्वास नीं करदे, तिन्हांरे खातर ये परमेशरे तैह कित्या था।

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।

प्रकाशितवाक्य 13:8

कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।