प्रेरितां 2:20 - बिलासपुरी नौआं नियम

²⁰ प्रभुये रे महान कने तेजस्वी दिना रे औणे ते पैहले सूरज अन्धेरा कने चन्द्रमा खून्ना साई हुई जाणा।

प्रेरितां 2:20 ပူးပေါင်းရင်းမြစ်များ

मत्ती 24:29

“तिन्हें दिनें सै जे मुशीवत पौणी तिसते इकदम बाद सूरज काला हुई जाणा, कने चन्द्रमे री लोय जान्दी रैहणी, कने अम्बरा ते तारे पौणे लगणे, कने अम्बरा री शक्तियां हिलाई जाणियां।

मत्ती 27:45

फेरी तिस सारे देशा च दपैहरा ते लेईने तिन्न बजे तक अन्धेरा इ छाईरा रैया।

मरकुस 13:24

“तिन्हां दिना च तिस दुखा ते बाद सूरज अन्धेरा हुई जाणा, कने चन्द्रमे लोय नीं देणी;

लूका 21:25

“अम्बरा च हैरान करने औल़ी गल्लां हूणी; सूरज चान्द कने तारयां च चिन्ह सुझणे, कने थल्ले धरतिया री सारी जातियां रे लोकां पर विपत्ति औणी कने समुद्रा री उथल-पुथला जो देखीने लोकां डरी जाणा।

प्रेरितां 2:19

कने मांह ऊपर अम्बरा च नोखे काम्म कने थल्ले धरतिया पर चमत्कार, मतलब खून कने आग्ग कने धुयें रा बद्दल़ दसणा।

प्रेरितां 2:21

कने सै जे कोई प्रभुये रा नौं लेंगा, तिसरा इ छुटकारा हूणा।’

1 कुरिन्थियों 5:5

येढ़े माहणुये जो शैतान्ना जो सौंपया जाओ, ताकि तिसरा शरीर नाश हुईजो कने तिसरी आत्मा प्रभु यीशुये रे वापस औणे रे दिना च छुटकारा पाई सक्को।

1 थिस्सलुनीकियां 5:2

काँह्भई तुहें खुद जाणाँ ये भई तियां जे राति जो चोर औआं, तियां इ प्रभु यीशुये रे वापस औणे रा दिन औणे औल़ा।

2 पतरस 3:10

पर प्रभुये रा दिन चोरा साई औणा, तिस दिन इक खतरनाक गर्जना सौगी अकाश खत्म हुई जाणा कने अम्बरा रा सारा किछ फुक्खीने नाश हुई जाणा कने तिस दिन धरती कने तिस पर कित्तिरे सारे काम्म प्रगट हुई जाणे।

2 पतरस 3:7

पर आज्ज का अकाश कने धरती सै जे हुण अस्तित्व ची, तिस इ बचना रे जरिये अग्गी ते नाश हुणे रे खातर सुरक्षित इ। तिन्हांजो तिस दिना तक रखया गईरा ताहली जे परमेशरा हुक्म नीं मनणे औल़े लोकां रा न्याय करना कने तिन्हांरा नाश करना।

प्रकाशितवाक्य 16:8

कने चौथे स्वर्गदूते अपणा कटोरा सूरजा पर लटीत्या, कने माहणुआं जो अग्गी ते झुलसाणे रा अधिकार सूरजा जो दित्या गया।

प्रकाशितवाक्य 6:12

ताहली जे मैं मेमने जो छेऊँइ सील तोड़दे हुये देख्या, तां इक बड्डा हिलण हुआ, कने सूरज बाल़ां रे बणाईरे कम्बल़ा साई काला कने पूरा चन्द्रमा खून्ना साई लाल हुईग्या।