प्रेरितां 2:14 - बिलासपुरी नौआं नियम

¹⁴ तां पतरस तिन्हां ग्याराँ ने सौगी खड़ा हुया कने ऊच्चिया अवाज़ा च बोलणे लगया, “हे यहूदियो कने यरूशलेम च सब रैहणे औल़यो ये जाणी लवा, कने ध्यान देईने मेरियां गल्लां सुणा।

प्रेरितां 2:14 ပူးပေါင်းရင်းမြစ်များ

मत्ती 2:1

ताहली जे राजा हेरोदेस यहूदिया प्रदेशा पर राज़ करीराँ था, तां यीशुये रा जन्म तिस प्रदेशा रे बैतलहम नगरा च हुया, कने पूर्व देशा ते कई जोतषी (बुद्धिमान लोक सै जे तारयां रे जाणकार थे) यरूशलेम च आईने पुछणे लगे,

प्रेरितां 1:26

तां तिन्हें तिसजो चुणने खातर तिन्हां दुईं रे नौंवाँ री पर्चियां पाईयाँ, कने पर्ची मत्तियाह रे नौवाँ री निकल़ी। तिसते जे सै ग्याराँ प्रेरितां सौगी बाहरवां गिणया गया।

प्रेरितां 13:16

फेरी पौलुसे खड़े हुईने कने हत्था रा सहारा करीने शाँत हुणे जो गलाया, “इस्राएलियो, कने परमेशरा ते डरने औल़े अन्यजातियां रे लोको सुणा

प्रेरितां 2:22

“हे इस्राएलियो, ये गल्लां सुणा: यीशु नासरी इक माहणु था तिसरा परमेशरा खा ते हुणे रा सबूत तिन्हां सामर्था रे कम्मा कने हैरानिया रे कम्मां कने चमत्काराँ ते परगट आ, सै जे परमेशरे तुहांरे बिच तिसरे जरिये करीने दस्से तिस्सो जे तुहें अप्पूँ इ जाणाँ ये।

प्रेरितां 21:28

कने रड़ाईने बोल्या “इस्राएल रे लोको, मद्‌द करा; ये सै माहणु आ, सै जे लोकां रे, कने व्यवस्था रे, कने इसा जगह रे बरोधा च हर जगह सब्बीं लोकां जो सखां, येत्थी तका भई यूनानियां जो बी मन्दरा च ल्याईने तिने इस जगह जो अपवित्र कित्तिरा।”

प्रेरितां 5:35

फेरी गमलीएले महांसभा रे सदस्या जो गलाया, “हे इस्राएलियो, तुहें जो किछ इन्हां माहणुआं ने करना चाँये सोच्ची-समझीने करयों।

प्रेरितां 7:2

स्तिफनुसे गलाया, “हे भाईयो, कने अगुवेयो सुणा। अहांरा पूर्वज अब्राहम हारान नगरा च बसणे ते पैहले मेसोपोटामिया प्रदेशा च था; तां चमकदे तेज्जा च परमेशरे तिस्सो दर्शण दित्या,

याकूब 2:5

मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा?