प्रेरितां 2:11 - बिलासपुरी नौआं नियम

¹¹ मतलब यहूदी कने यहूदी मत धारण करने औल़े, क्रेती कने अरबी बी ये, पर अपणिया-अपणिया भाषा च तिन्हांते परमेशरा रे बडे-बडे कम्मां रे बारे च सुणया रायें।”

प्रेरितां 2:11 ပူးပေါင်းရင်းမြစ်များ

प्रेरितां 2:10

कने फ्रूगिया कने पंफूलिया कने मिस्र कने लीबिया देश सै जे कुरेने रे अखा-बखा, इन्हां देशां रे रैहणे औल़े कने रोमी प्रवासी,

प्रेरितां 2:12

कने “सै सब हैरान हुये कने घबराई ने इक्की दुज्जे ने बोलणे लगे ये क्या हुया राँ?”

प्रेरितां 27:12

शुभलंगरबारी नामक बन्दरगाह ठण्ड बिताणे खातर ठीक नीं था, इस खातर मतयां रा बचार हुआ भई येत्थीते जहाजा जो अग्गे ले जाईने किसी रितिया ने हुई सक्को तां फीनिक्स बन्दरगाह च पुज्जी ने ठण्ड कट्टिये। येत क्रेते टापुये रे कनारे रा इक बन्दरगाह हया तिसरा दवार जे दखण-पश्चम कने उत्तर-पश्चमा खौ खुलां।

प्रेरितां 27:13

ताहली जे थोड़ी-थोड़ी दखणा री हवा बगणे लगी, तां तिन्हें ये समझीने भई अहांरी योजना जो पूरा करने खातर ये सही वगत था, इस खातर यात्रा शुरु कित्ती कने कनारा दब्बी ने क्रेते टापुये रे बखा ते जाणे लगे।

प्रेरितां 27:7

तां जे अहें बौहतीं दिनां तका मठयां-मठयां चलीने मुश्कला ते कनिदुस नगरा रे सामणे पुज्जे, तां इस खातर भई हवा अहांजो अग्गे नीं बधणे देन्दी थी, अहें सलमोना रे सामणे चियें हुईने क्रेते टापुये री आड़ लईने चले;

1 कुरिन्थियों 12:10

फेरी किसी जो सामर्था रे काम्म करने री ताकत, किसी जो भविष्यवाणी, किसी जो आत्मां री परख, किसी जो कई प्रकारा रियां भाषां बोलणे जो, कने किसी जो भाषां रा मतलब दसणा।

1 कुरिन्थियों 12:28

कने परमेशरे कलीसिया च लग-लग माहणु नियुक्त कित्तिरे : पैहले प्रेरित, दुज्जे भविष्यवक्ता, तिज्जे सखाणे औल़े, फेरी सामर्था रा काम्म करने औल़े, चंगा करने औल़े, मदद करने औल़े, प्रबन्ध करने औल़े, लग-लग किस्मा री भाषायें बोलणे औल़े।

गलातियां 1:17

कने नांई सै जे माह्ते पैहले प्रेरित थे, तिन्हांने मिलणे खातर हऊँ यरूशलेम नगरा च गया, बल्कि इकदम हऊँ अरब देशा जो गया कने फेरी तित्थी ते मुड़ीने दमिश्क नगरा जो आईग्या।

गलातियां 4:25

कने हाजिरा मानो अरब रा सिनै पहाड़ा आ, सै अज्जके यरूशलेम री तरफ ईशारा कराँ इ काँह्भई सै अपणे बच्चयां सौगी दासता रा जीवन भुगती राईं।

तीतुस 1:12

इक माहणु सै जे क्रेते टापुये ते आ, तिसजो जे सै भविष्यवक्ता मन्नां ये तिने बोलीरा, “क्रेती लोक हमेशा झूट्ठ बोलां ये, सै जंगली पशुये साई दुष्ट ये कने सै आलसी कने खाऊ ये।”

तीतुस 1:5

हऊँ इसा वजह ते तिज्जो क्रेते टापुये च छड्डी आया था ताकि तू बाकी कम्मां जो सुधारी सक्को, कने मेरे हुक्मा रे मुतावक क्रेते रे हर नगरा च प्राचीनां जो नियुक्त करो।

इब्रानियों 2:4

परमेशरे बी चिन्ह कने अदभुत काम्म कने कई किस्मा रे सामर्था रे कम्मां रे जरिये कने अपणिया इच्छा रे मुतावक लोकां जो पवित्र आत्मा रे जरिये बरदान देईने ये साबित कित्या।