प्रेरितां 2:10 - बिलासपुरी नौआं नियम

¹⁰ कने फ्रूगिया कने पंफूलिया कने मिस्र कने लीबिया देश सै जे कुरेने रे अखा-बखा, इन्हां देशां रे रैहणे औल़े कने रोमी प्रवासी,

प्रेरितां 2:10 ပူးပေါင်းရင်းမြစ်များ

मत्ती 2:15

फेरी हेरोदेस रे मरने तक सै ऊत्थी रुकिरा रैया। ये इस खातर हुया भई परमेशरे होशे भविष्यवक्ते रे जरिये सै जे गलाईरा था, पूरा हुई सक्को : “मैं अपणे पुत्रा जो मिस्र देशा ते बाहर औणे जो बोल्या।”

मत्ती 23:15

ओ कपटी शास्त्रियो कने फरीसियो, तुहांजो परमेशरा भयानक सजा देणी! तुहें किसी जो अपणे पंथा च लौणे खातर बड़े दूर जायें, कने ताहली जे सै तुहांरे पंथा च आई जां तां तुहें तिस्सो अपणे ते बी दुगणा नरका रे लायक बणाई दें।

मत्ती 27:32

बाहर जान्दे हुये तिन्हांजो शमौन नौआं रा इक कुरेनी माहणु मिलया। तिन्हे तिस पर जोर पाया भई सै यीशुये रा क्रूस चक्की ने चलो।

मरकुस 15:21

ताहली जे सै नगरा ते बाहर जाया रां थे, तां शमौन नौवां रा इक माह्णु आस्से-पास्से रे गाँवां ते यरूशलेम नगरा च आया रां था सै कुरेनी नगरा ते था कने सै सिकन्दर कने रुफुस रा पिता था। सपाईयें तिस्सो मजबूर कित्या भई सै क्रूस चक्कीने तिसा जगह तक लेई जाओ तिसा जगह जे यीशुये जो क्रूसा पर चढ़ाया जाणा।

प्रेरितां 11:20

पर तिन्हां चते किछ विश्वासी साइप्रसवासी कने कुरेनी वासी थे, सै अन्ताकिया नगरा च आईने यूनानियां जो बी प्रभु यीशुये रिया खुशखबरिया रियां गल्लां प्रचार करने लगे।

प्रेरितां 13:1

अन्ताकिया नगरा री कलीसिया च कई भविष्यवक्ता कने उपदेशक थे; तियां जे : बरनबास कने शमौन तिसरा दुज्जी नौं जे नीगर था; कने लूकियुस कुरेनी, कने चौथाई देशा रे राजे हेरोदेस रा दुध भाई मनाहेम, कने शाऊल।

प्रेरितां 13:13

पौलुस कने तिसरे साथी पाफुसा नगरा ते समुद्री यात्रा शुरु कित्ती कने पंफूलिया प्रदेशा ते पिरगा नगरा च आये; कने यूहन्ना तिसजो जे मरकुस बी बोलां ये तिन्हांजो छड्डिने यरूशलेम जो हटिग्या।

प्रेरितां 13:43

तां जे सभा खत्म हुईगी तां यहूदियें कने यहूदी मता च आईरे भगतां चते बौहत सारे पौलुस कने बरनबासा रे पिच्छे-पिच्छे आईगे; कने तिन्हें तिन्हांने गल्लां करीने समझाया भई परमेशरा रे अनुग्रह च बणीरे रौआ।

प्रेरितां 14:24

कने सै पिसिदिया प्रदेशा चियें हुन्दे हुये पंफूलिया प्रदेशा च पुज्जे;

प्रेरितां 15:38

पर पौलुसे तिस्सो सौगी नेणा अच्छा नीं समझया काँह्भई पंफूलिया प्रदेशा च सै तिन्हांते लग हुईगरा था, कने कम्मा पर तिन्हां सौगी नीं गया था।

प्रेरितां 16:6

सै फ्रूगिया कने गलातिया प्रदेशा चते हुईने गये, काँह्भई पवित्र आत्मे तिन्हांजो आसिया प्रदेशा च वचन सुनाणे ते मना कित्या।

प्रेरितां 17:21

(इस खातर भई कई एथेंस वासी कने सै जे प्रदेशी तित्थी रैयां थे, नौंईयां-नौंईयां गल्लां बोलणे कने सुणने ते इलावा होर किसी कम्मां च बगत नीं बितांदे थे।)

प्रेरितां 18:2

तित्थी तिस्सो अक्विला नौआं रा इक यहूदी मिलया, तिसरा जन्म पुन्तुस प्रदेशा च हुईरा था। सै अपणी पत्नी प्रिस्किल्ला ने सौगी इटली प्रदेशा ते नौआं-नौआं आईरा था, काँह्भई बादशाह कलौदियुस सब्बीं यहूदियां जो रोमा ते निकल़णे रा हुक्म दित्तिरा था। इस खातर सै तिन्हां ला गया।

प्रेरितां 18:23

फेरी किछ दिन रईने सै अन्ताकिया ते चलिग्या कने इक्की तरफा ते गलातिया रे कने फ्रूगिया परदेशा रे सब चेलयां जो मजबूत करदा रैया।

प्रेरितां 2:11

मतलब यहूदी कने यहूदी मत धारण करने औल़े, क्रेती कने अरबी बी ये, पर अपणिया-अपणिया भाषा च तिन्हांते परमेशरा रे बडे-बडे कम्मां रे बारे च सुणया रायें।”

प्रेरितां 23:11

तिसा राति प्रभु यीशु तिसले आया कने खड़े हुईने गलाया, “हे पौलुस, हिम्मत रख; काँह्भई तेढ़ी जे तैं यरूशलेम च मेरी गवाही दित्ति, तेढ़ी तिज्जो रोम शहरा च बी गवाही देणे पौणी।”

प्रेरितां 27:5

कने किलिकिया कने पंफूलिया नगरा रे समुद्रा रे किनारे ते हुईने लुसिया प्रदेशा रे मूरा नगरा च उतरे।

प्रेरितां 28:15

तित्थी ते किछ विश्वासी अहांरे औणे री खबर सुणीने सै अपियुस नगरा रे चौका कने तिन्न सराये तक अहांने भेंट करने जो आये, तिन्हांजो देखीने पौलुसे बौहत हौंसला पाईने परमेशरा रा धन्यवाद कित्या।

प्रेरितां 6:5

ये गल्ल सारिया मण्डलिया जो खरी लगी, कने तिन्हें स्तिफनुस नौंवां रे इक्की माहणुये जो सै विश्वास कने पवित्र आत्मा ने भरीरा था, कने फिलिप्पुस, कने प्रुखुरुस, कने नीकानोर, कने तिमोन, कने परमिनास, कने अन्ताकिया वासी नीकुलाउस जो सै जे यहूदी मता च आईगरा था, चुणील्या।

प्रेरितां 6:9

तां तिस यहूदी सभा घरा चते तिन्हांजो जे अजाद कित्तिरे लोक बोलां थे, कुरेनी, सिकन्दरिया, किलिकिया कने आसिया रे लोकां चते कई आईने स्तिफनुसा ने बैहस करने लगे।

रोमियो 1:15

इस खातर हऊँ तुहां रोम वासियां जो बी खुशखबरिया रा सन्देश सुनाणे जो बौहत इच्छुक आ।

रोमियो 1:7

हऊँ ये चिट्ठी रोम नगरा च रैहणे औल़े तुहां सारयां जो लिखिराँ तिन्हौं जे परमेशर प्यार कराँ कने अपणे पवित्र लोक हुणे खातर चुणीरा। अहांरे पिता परमेशर कने प्रभु यीशु मसीह रिया तरफा ते तुहांजो अनुग्रह कने शान्ति मिलदी रौ।

2 तिमुथियुस 1:17

पर ताहली जे सै रोमा नगरा च आया था, तां तदुआं तकौ जे सै मेरने नीं मिली गया, तदुआं तक मिन्जो टोलदा रैया।

प्रकाशितवाक्य 11:8

तिन्हांरियां लाशां तिस बड्डे नगरा री गल़िया च पई रियां रैहणियां, सै जे प्रतीक तौर पर सदोम नगर कने मिस्र देशा साई आ; तित्थी जे तिन्हांरा प्रभु क्रूसा पर चढ़ाया गईरा था।