प्रेरितां 19:22 - बिलासपुरी नौआं नियम

²² इस खातर अपणी सेवा करने औल़यां चते तिमुथियुस कने इरास्तुस जो मकिदुनिया भेज्जीने अप्पूँजो किछ दिन आसिया प्रदेशा च रैईग्या।

प्रेरितां 19:22 ပူးပေါင်းရင်းမြစ်များ

प्रेरितां 13:5

कने सलमीसा च पुज्जी ने, परमेशरा रा वचन यहूदियां रे यहूदी सभा घराँ च सुणाया। यूहन्ना तिसजो जे मरकुस बोलां ये तिन्हांरा सेवक था।

प्रेरितां 16:1

फेरी सै दिरबे कने लुस्त्रा नगरा च बी गया, तित्थी तिमुथियुस नौआं रा इक चेला था। सै जे यहूदी विश्वासी जनाना रा पुत्र था, पर तिसरा पिता यूनानी था।

प्रेरितां 16:3

पौलुस री इच्छा थी भई सै तिसने सौगी चलो; कने सै जे यहूदी लोक तिन्हां जगहां च रौआं थे तिन्हां रिया वजह ते तिने तिसरा खतना कित्या, काँह्भई सै सब जाणाँ थे, भई तिसरा पिता यूनानी था।

प्रेरितां 18:5

तां जे सीलास कने तिमुथियुस मकिदुनिया प्रदेशा च आये, तां पौलुस वचन सुनाणे रे जोशा च यहूदियां जो गवाही देणे लगया भई यीशु इ मसीह आ।

प्रेरितां 19:10

दुईं साल्लां तका येढ़ा इ हुंदा रैया, येत्थी तका भई आसिया प्रदेशा रे रैहणे औल़े क्या यहूदी क्या यूनानी सब्बीं प्रभुये रा वचन सुणी लया।

प्रेरितां 19:21

ताहली जे ये गल्लां हुई चुक्कियां तां पवित्र आत्मे पौलुसा जो मकिदुनिया कने अखाया प्रदेशा चियें हुईने यरूशलेम जो अगवाई कित्ती, कने गलाया, “तित्थी जाणे ते बाद मेरा रोम नगरा जो जाणा बी जरूरी आ।”

प्रेरितां 19:29

कने सारे नगरा च बड़ा हल्ला मचीग्या, कने मकिदुनिया वासी गयुस कने अरिस्तर्खुस जो सै जे पौलुसा सौगी यात्रा करया राँ थे, पकड़ी लया, कने इक्की सौगी रंगमंचा खौ दौड़ीगे।

प्रेरितां 20:1

ताहली जे हुल्लड़ रुकी गया तां पौलुसे चेलयां जो सद्दीने हौंसला दित्या, कने तिन्हांते विदा हुईने मकिदुनिया प्रदेशा खा चली पैया।

प्रेरितां 20:34

तुहें अप्पूँ जाणाँ ये भई इन्हें इ हत्थें मेरी कने मेरे साथियां री जरूरतां पूरियां कित्तियां।

रोमियो 16:23

मेरा कने सारी कलीसियां रा आदर सत्कार करने औल़े गयुस रा तुहांजो नमस्कार। इरास्तुस सै जे नगरा रा खजान्ची आ कने अहांरे साथी विश्वासी क्वारतुस रा बी तुहांजो नमस्कार।

2 कुरिन्थियों 1:16

हऊँ सोच्चां था भई मकिदुनिया प्रदेश जान्दे हुये तुहांजो मिलूँ कने ताहली जे मकिदुनिया ते वापस हटूँ तां फेरी तुहांले आऊं; ताकि हऊँ तुहांते यहूदिया प्रदेशा रिया यात्रा खातर मदद पाऊँ।

2 कुरिन्थियों 11:9

कने ताहली जे हऊँ तुहां सौगी था, तां बी पैसयां री जरूरत पौणे पर मैं किसी रे ऊपर कोई बोझ नीं पाया, काँह्भई मकिदुनिया प्रदेशा ते आईरे विश्वासी भाईयें मेरी पैसे री जरूरतां पूरी कित्तियां थी। मैं हर गल्ला पर खुद अप्पूँजो तुहां पर बोझ नीं बणने दित्या कने नांई कदीं बणने देणा।

2 कुरिन्थियों 2:13

मेरे सौगी काम्म करने औल़े तीतुस जो तित्थी नीं पाईने हऊँ बड़ा दुखी था; इस खातर हऊँ त्रोआस नगरा जो छड्डिने वापस मकिदुनिया प्रदेशा च आईग्या।

2 कुरिन्थियों 8:1

देक्खा, मेरे साथी विश्वासियो, हुण अहें ये चायें भई तुहें परमेशरा रे तिस अनुग्रह रे बारे च जाणा सै जे परमेशरे मकिदुनिया प्रदेशा री कलीसियां रे विश्वासियां जो दित्तिरा।

2 कुरिन्थियों 8:19

इसते इलावा इस सेवा रे कम्मां च कलीसियां रे विश्वासियें तिस्सो अहांरे सौगी यात्रा करने जो बी भेज्जिरा था। हुण ये सेवा अहें इस खातर कराँ ये भई प्रभुरी महिमा कने ये दसणे खातर भई अहें यरूशलेम नगरा च रैहणे औल़े विश्वासियां री मदद करने रे खातर उत्सुक ये।

1 थिस्सलुनीकियां 1:8

काँह्भई तुहांरे येत्थीते न सिर्फ मकिदुनिया कने अखाया प्रदेशा च प्रभुरा वचन सुणाया गया, पर तुहांरे विश्वासा री, सै जे परमेशरा पर आ, हर जगह येढ़ि चर्चा फैलीगी इस खातर, अहांजो तुहांरे बारे च किसी जो किछ बी गलाणे री जरूरत नीं।

2 तिमुथियुस 4:20

इरास्तुस कुरिन्थुस नगरा च रुकी गरा। मैं त्रुफिमुस जो बमारिया रिया वजह ते मिलेतुस नगरा च छड्डीतरा।