प्रेरितां 19:12 - बिलासपुरी नौआं नियम

¹² येत्थी तका भई रमाल कने पुआरने तिसरे शरीरा ने छुआई ने बमाराँ पर सट्टां थे, कने तिन्हांरियां बमारियां चली जां थिआं; कने बुरीआत्मां तिन्हां चते निकल़ी जां थिआं।

प्रेरितां 19:12 ပူးပေါင်းရင်းမြစ်များ

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मरकुस 16:17

कने विश्वासियां जो चमत्कार करने री सामर्थ दित्ति जाणी भई तिन्हां मेरे नौआं ते बुरीआत्मा जो बाहर कडणा; तिन्हां सै भाषा बोलणी सै जे तिन्हें कदीं सिक्खी री नीं हूणी;

प्रेरितां 5:15

इसरा ये परिणाम हुया भई लोक बमाराँ जो मंजयां कने मंजोलुआं पर सुआई ने ल्याणे लगे कने गल़ियां च रखणे लगे, भई तां जे पतरस आओ, तां तिसरा परछौंवा इ तिन्हां चते किसी पर पई जाओ।