प्रेरितां 19:11 - बिलासपुरी नौआं नियम

¹¹ परमेशर पौलुसा रे जरिये सामर्था रे नोखे काम्म कित्ते।

प्रेरितां 19:11 ပူးပေါင်းရင်းမြစ်များ

यूहन्ना 14:12

हऊँ तुहांजो सच-सच बोलां, जो कोई माह पर विश्वास करगा तिस सै काम्म करने, तिन्हांजे हऊँ कराँ, इन्हां कम्मां ते बी बधीने तिस बड्डे-बड्डे काम्म करने काँह्भई हऊँ पिता लौ जाय राँ।

प्रेरितां 14:3

कने पौलुस कने बरनबास बौहत दिनां तका तित्थी रये, कने प्रभुये रे भरोसे पर हिम्मता ने गल्लां कराँ थे; कने प्रभुये तिन्हांरे हत्थां ते बड़े-बड़े चमत्कारी नशाण दस्सीने कने नोखे काम्म करीने ये साबित कित्या भई अनुग्रह रे बारे च तिन्हांरा सन्देश सच्चा था।

प्रेरितां 15:12

तां सै सारी सभा चुपचाप बरनबासा कने पौलुसा री सुणने लगी, भई परमेशरे तिन्हांरे दवारा अन्यजातियां च कितणे बड्डे-बड्डे चमत्कार, कने नोखे काम्म दस्से।

प्रेरितां 16:18

सै बौहत दिनां तका येढ़ा इ करदी रई; पर पौलुस दुखी हुआ, कने मुड़ीने तिसा बुरीआत्मा जो गलाया, “हऊँ यीशु मसीह रे नौआं ते हुक्म देआं भई इसा चते निकल़ी जा।” कने सै तिस इ बगता निकल़ीगी।

प्रेरितां 5:12

प्रेरितां रे जरिये बड़े हैरान करने औल़े काम्म कने चमत्कारी नशाण लोकां च दस्या जां थे, कने सारे मसीह विश्वासी इक मन हुईने सुलैमाना रे बराण्डे च कट्ठे हुआं थे।

प्रेरितां 8:13

तां शमौने अपणे आप बी फिलिप्पुसा रे सन्देशा पर विश्वास कित्या कने बपतिस्मा लईने फिलिप्पुसा ने सौगी रैहणे लगया। सै चमत्कारी नशाण कने बड़े-बड़े सामर्था रे काम्म हुंदे देखीने हैरान हुआं था।

गलातियां 3:5

परमेशर सै पवित्र आत्मा जे तुहांजो देआं कने सै जे तुहांरे बिच चमत्कारा रे काम्म कराँ, क्या सै येढ़ा इस खातर कराँ भई तुहें व्यवस्था रा पालन कराँ ये या इस खातर भई तुहें खुशखबरिया जो सुणां ये कने तिस पर विश्वास कराँ ये?

इब्रानियों 2:4

परमेशरे बी चिन्ह कने अदभुत काम्म कने कई किस्मा रे सामर्था रे कम्मां रे जरिये कने अपणिया इच्छा रे मुतावक लोकां जो पवित्र आत्मा रे जरिये बरदान देईने ये साबित कित्या।