प्रेरितां 19:10 - बिलासपुरी नौआं नियम

¹⁰ दुईं साल्लां तका येढ़ा इ हुंदा रैया, येत्थी तका भई आसिया प्रदेशा रे रैहणे औल़े क्या यहूदी क्या यूनानी सब्बीं प्रभुये रा वचन सुणी लया।

प्रेरितां 19:10 ပူးပေါင်းရင်းမြစ်များ

प्रेरितां 13:12

तां हाकमे, जो किछ हुआ तिस्सो देखीने कने प्रभु यीशुये रे उपदेशा ते हैरान हुईने तिस पर विश्वास कित्या।

प्रेरितां 16:6

सै फ्रूगिया कने गलातिया प्रदेशा चते हुईने गये, काँह्भई पवित्र आत्मे तिन्हांजो आसिया प्रदेशा च वचन सुनाणे ते मना कित्या।

प्रेरितां 18:11

इस खातर पौलुस तिन्हां च परमेशरा रा वचन सुणांदे-सुणांदे सै इक साल छेआं महीनयां तका रैया।

प्रेरितां 18:4

कने पौलुस हर विस्राम रे दिन यहूदी सभा घर च वाद-विवाद करीने यहूदियां कने यूनानियां जो बी यीशु मसीह पर विश्वास करने जो समझां था।

प्रेरितां 19:20

इयां प्रभुये रा वचन जोरा-सोराँ ते फैलदा कने परबल हुन्दा गया।

प्रेरितां 19:22

इस खातर अपणी सेवा करने औल़यां चते तिमुथियुस कने इरास्तुस जो मकिदुनिया भेज्जीने अप्पूँजो किछ दिन आसिया प्रदेशा च रैईग्या।

प्रेरितां 19:8

फेरी पौलुस यहूदी सभा घर च जाईने तिन्नां महीनयां तका निडर हुईने बोलदा रैया, कने परमेशरा रे राज्जा रे बारे च विवाद करदा कने समझांदा रैया।

प्रेरितां 2:9

अहें सै जे पारथी कने मेदी कने एलामी कने मेसोपोटामिया कने यहूदिया कने कप्पदूकिया कने पुन्तुस कने आसिया,

प्रेरितां 20:18

ताहली जे सै तिसला आये, तां तिन्हांने गलाया, “तुहें जाणाँ ये भई पैहले इ दिना ते तां जे हऊँ आसिया प्रदेशा च पुज्जया, हऊँ हर बगत तुहां सौगी कियां-कियां रैया,

प्रेरितां 20:31

“इस खातर जागदे रौआ, कने याद करा भई मैं तिन्नां साल्लां तका रात-दिन रोई-रोई ने हर इक्की जो चेतावनी देणा नीं छडया।

प्रेरितां 6:9

तां तिस यहूदी सभा घरा चते तिन्हांजो जे अजाद कित्तिरे लोक बोलां थे, कुरेनी, सिकन्दरिया, किलिकिया कने आसिया रे लोकां चते कई आईने स्तिफनुसा ने बैहस करने लगे।

रोमियो 1:16

हऊँ यीशु मसीह रिया खुशखबरिया रे बारे च गर्व कराँ, काँह्भई सै हरेक विश्वास करने औल़े जो छुटकारा देणे रे खातर परमेशरा री सामर्थ इ, फेरी चाये पैहले सै यहूदी ओ या फेरी अन्यजातियां रे लोक ओ।

रोमियो 10:12

ये इस खातर आ भई यहूदियां कने अन्यजातियां च कोई फर्क निआं, काँह्भई सारयां रा प्रभु त इक इ हाया कने सै जे तिसजो पुकाराँ ये तिन्हांजो सै बौहत आशीष देआं।

रोमियो 10:18

पर हऊँ बोलां, “सच्चीजो यहूदी लोकें परमेशरा रा सन्देश सुणीरा” काँह्भई पवित्रशास्त्रा च लिखिरा, “तिन्हांरे बोलीरे बचन सारिया धरतिया पर, कने तिन्हांरे बचन संसारा री सारियां जगहां च पुज्जी चुक्कीरे।”

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

कुलुस्सियां 3:11

तिसच नांत यूनानी रैया, नां यहूदी, नां खतना, नां खतने ते बगैर, नां विदेशी कने नां असभ्य, नां दास कने इक अजाद माहणुये च कोई फर्क आ: सिर्फ मसीह सब किछ आ कने सारे विश्वासियां च तिसरा इ वास आ।

2 तिमुथियुस 1:15

तू जाणाँ भई आसिया प्रदेशा च रैहणे औल़े कई विश्वासी मिन्जो छड्डी चुक्कीरे, फुगिलुस कने हिरमुगिनेस बी मिन्जो छड्डी चुक्कीरे।

1 पतरस 1:1

हऊँ पतरस, यीशु मसीह रा प्रेरित ये चिट्ठी परमेशरा रे तिन्हां चुणी रे लोकां खातर लिख्या राँ सै जे पुन्तुस, गलातिया, कप्पदूकिया, आसिया कने बितूनिया रे प्रदेशां च खिण्डीने प्रदेशियां साई रैई कराँ ए।

प्रकाशितवाक्य 1:11

“जो किछ तू देक्खां तिसजो कताबा च लिखीने सत्तां नगराँ रियां कलीसियां ले भेजी दे, यनिके इफिसुस, स्मुरना, पिरगमुन, थुआतीरा, सरदीस, फिलदिलफिया, कने लौदीकिया जो।”

प्रकाशितवाक्य 1:4

हऊँ यूहन्ना, ये आसिया प्रदेशा री सात्त कलीसियां जो लिख्या राँ: तिस परमेशरा रिया तरफा ते सै जे हाया, सै जे था, सै जे औणे औल़ा; कने तिन्हां सत्तां आत्मां रिया तरफा ते, सै जे तिसरे संघासणा रे सामणे इयां,