प्रेरितां 18:6 - बिलासपुरी नौआं नियम

⁶ पर ताहली जे यहूदी पौलुस रे बरोधा च निंध्या करने लगे, तां तिने अपणे कपड़े झाड़ी ने तिन्हांने गलाया, “जे परमेशर तुहांजो सजा देंगा, तां ये तुहांरी अपणी गल़ती हूणी! हऊँ निर्दोष आ। हूणा ते मांह परमेशरा रा वचन सुनाणे जो अन्यजातियां ले जाणा।”

प्रेरितां 18:6 ပူးပေါင်းရင်းမြစ်များ

मत्ती 10:14

कने जे कोई तुहांरा स्वागत नीं करो या तुहांरी गल्ल नीं सुणो, तां तिस घरा या गाँवां ते निकल़दे हुये अपणे पैराँ रिया धूड़ी जो तित्थी झाड़ी देआं।

मत्ती 21:41

तिन्हें तिसने गलाया, “काँह्भई सै निर्दयी थे इस खातर तिस सै बड़िया बेरैहमिया ने मारने कने अंगूरां रे बगीचे रा ठेका दुज्जे ठेकेदारा ले देई देणा, सै जे फसला रे औणे पर तिस्सो तिसरा हिस्सा देंगे।”

मत्ती 21:43

“इस खातर हऊँ तुहांजो बोलां परमेशरा रा राज तुहांते खोया जाणा कने सै तिन्हां लोकां जो देई दित्या जाणा सै जे तिसरे राज्जा रे मुतावक बर्ताव करगे।

मत्ती 22:10

सै दास फेरी गलियां कने चौकां च गये कने सै जे खरे बुरे लोक तिन्हाजो मिले तिन्हां सबनीं जो सै कट्ठा करीने ली आये, कने ब्याह रा घर मेहमान्नां ने भरीग्या।

मत्ती 27:25

सारयां लोकें जबाब दित्या, “इसरे खून्ना री जबाबदेही अहें कने अहांरे बच्चे स्वीकार कराँ ये।”

मत्ती 8:11

कने हऊँ तुहांजो बोलां, भई मते सारे अन्यजातियां रे लोकां पूर्वा ते कने पश्चिमा ते आईने अब्राहम, इसहाक कने याकूब ने सौगी स्वर्गा रे राज्जा च खाणा खाणे बैठणा।

लूका 22:65

तिन्हे तिसरी निंध्या करने खातर तिसजो होर बी मतियां गल्लां गलाईयां।

लूका 9:5

जिस गाँवां रे लोक तुहांरा स्वागत नीं करो, तां तिसा जगह ते निकल़दे बगत अपणे पैराँ री धूड़ झाड़ी लेणी, तिसते जे तिन्हारे खलाफ गवाही हुई जाओ।”

प्रेरितां 13:51

तां पौलुस कने बरनबास लोकां रे सामणे अपणयां पैराँ री धूड़ ये दसणे खातर झाड़ी भई परमेशरे तिन्हांजो त्यागी तरा कने तिस तिन्हांजो सजा देणी। फेरी सै अन्ताकिया रे नगरा जो छड्डिने इकुनियुम रे नगरा जो चलीगे।

प्रेरितां 26:11

कने हर यहूदी सभा घर च हऊँ तिन्हांजो ताड़ना देई-देईने यीशुये री निंध्या करवां था, येत्थी तक भई गुस्से रे मारे येढ़ा पागल हुईग्या भई दुज्यां नगराँ च बी जाई-जाईने तिन्हांजो सतां था।

प्रेरितां 26:20

पर पैहले दमिश्क नगरा रे, फेरी यरूशलेम रे रैहणे औल़यां जो, फेरी यहूदिया रे सारे देशा च कने अन्यजातियां जो प्रचार कित्या, भई मन फिराणे कने परमेशरा खौ मुड़ीने मन फिराणे रे लायक काम्म करा।

प्रेरितां 28:28

इस खातर तुहें जाणो भई परमेशरा रे इस छुटकारे री कथा अन्यजातियां ले भेज्जी गईरी, कने तिन्हां ग्रहण करनी।”

रोमियो 3:29

क्या परमेशर सिर्फ यहूदियां राई परमेशर हाया? क्या सै अन्यजातियां रा परमेशर निआं? हाँ, परमेशर तिन्हांरा बी आ।

1 तिमुथियुस 5:22

किसी पर इकदम हाथ रखीने अगुवे नीं बणायां, कने जे तू ये कराँ, तां तू तिसरे पापां रा जिम्मेवार हूणा; अप्पूँजो पवित्र बणाई रख।

2 तिमुथियुस 2:25

तिस्सो अपणे बरोधियां जो बी इसा आशा ने विनम्रता सौगी समझाणा चाहिन्दा भई परमेशरा तिन्हांरे मना जो बदलने च कने मसीह री सही शिक्षां जो बी जाणने च मदद करनी।

1 पतरस 4:14

जे मसीह रे विश्वासी हुणे रिया वजह ने तुहांरा अपमान कित्या जाओ, तां तुहें आशीषित ये, काँह्भई महिमा रा आत्मा यनि परमेशरा रा आत्मा, तुहां च बास कराँ।

1 पतरस 4:4

इस खातर तुहांरे मित्राँ जो इन्हां सारियां गल्लां च हैरानी हुआं इ ताहली जे तुहें येढ़यां बुरयां कम्मां च तिन्हांरा साथ नीं देन्दे, इस खातर हुण सै तुहांरी निन्दा कराँ ये।