प्रेरितां 18:3 - बिलासपुरी नौआं नियम

³ पौलुस कने अक्विला रा इक जेआ काम्म था, इस खातर सै तिन्हां सौगी रैया कने सै काम्म करने लगे; कने तिन्हांरा तम्बू बनाणे रा काम्म था।

प्रेरितां 18:3 ပူးပေါင်းရင်းမြစ်များ

1 कुरिन्थियों 4:12

कने अहें अपणे हात्थां ने अप्पूँ मेहणत कराँ ये। ताहली जे लोक अहांजो गाल़ी दें, तां अहें तिन्हांजो आशीष देआंये; ताहली जे लोक अहांजो सतायें, तां अहें सही लैं।

1 कुरिन्थियों 9:14

इसा इ रितिया ते प्रभुये बी हुक्म दित्तिरा भई सै जे लोक खुशखबरिया रा प्रचार कराँ ये, तिन्हांरी जीविका खुशखबरी सुणने औल़यां तेई हूणी चाहिन्दी।

1 कुरिन्थियों 9:15

पर मैं इन्हां चते कोई बी अधिकार इस्तेमाल नीं कित्तिरा, कने हऊँ ये गल्लां इस खातर नीं लिख्यां रा भई मेरे खातर येढ़ा कित्या जाओ, बजाये इसरे भई कोई माहते तिन्हां गल्लां जोई खोई लो तिसरा जे मिन्जो गर्व आ, इसते त हऊँ मरना ही ठीक समझां।

1 कुरिन्थियों 9:18

तां मेरा ईनाम क्या? ये: भई हऊँ मसीह री खुशखबरिया रा प्रचार मुख्ता च करदा रऊँ, कने खुशखबरिया च सै जे मेरा अधिकार आ तिस्सो हऊँ इस्तेमाल नीं करूँ।

2 कुरिन्थियों 11:7

कने फेरी मैं मुख्ता च परमेशरा रिया खुशखबरिया रा प्रचार करीने तुहांजो ऊच्चा चकणे रे खातर खुद अप्पूँजो झुकान्दे हुये, क्या कोई पाप कित्या?

2 कुरिन्थियों 11:9

कने ताहली जे हऊँ तुहां सौगी था, तां बी पैसयां री जरूरत पौणे पर मैं किसी रे ऊपर कोई बोझ नीं पाया, काँह्भई मकिदुनिया प्रदेशा ते आईरे विश्वासी भाईयें मेरी पैसे री जरूरतां पूरी कित्तियां थी। मैं हर गल्ला पर खुद अप्पूँजो तुहां पर बोझ नीं बणने दित्या कने नांई कदीं बणने देणा।

2 कुरिन्थियों 12:13

मैं होर कलीसियां रे खातर क्या कित्या सै जे मैं तुहांरे खातर नीं कित्तिरा? सै येआ भई मैं तुहांजो पैसयां ने मदद करने खातर परेशान नीं कित्या। इस खातर, किरपा करीने इसा गल़तिया रे खातर मिन्जो माफ करयां।

1 थिस्सलुनीकियां 2:9

काँह्भई हे भाईयो, तुहें अहांरी कड़ी मेहणता कने कठिनाईयां जो याद रखा सै जे अहें दिन-रात इस खातर किति ताकि अहें परमेशरा रिया खुशखबरिया जो सुणान्दे हुये तुहां पर बोझ नीं बणो।

1 थिस्सलुनीकियां 4:11

कने तेढ़ा जे अहें तुहांजो हुक्म दित्तिरा, तियां इ शान्ति पूर्वक जीवन जीआ कने अपणा-अपणा काम्म-काज करीने अपणे-अपणे हत्था ते कमाणे रा जतन करा;