प्रेरितां 18:26 - बिलासपुरी नौआं नियम

²⁶ सै यहूदी सभा घरा च निधड़क हुईने बोलणे लगया, ताहली जे प्रिस्किल्ला कने अक्विला तिसजो बोलदे हुये सुणया तां सै तिस्सो अपणे घरें ल्याईने होर जादा बारीकिया ने तिस्सो परमेशरा रे रस्ते रे बारे च समझाया।

प्रेरितां 18:26 ပူးပေါင်းရင်းမြစ်များ

मरकुस 10:15

हऊँ तुहांजो सच्च बोलां भई सै जे कोई परमेशरा जो अपणे राजे रे रुपा च बच्चयां साई ग्रहण नीं करो, तां परमेशरा तिन्हां पर राज करने जो सैहमत नीं हूणा।”

लूका 19:26

इस पर राजे गलाया, तुहें ठीक गलाया, पर तिन्हाजो सै जे मेरिया गल्ला जो ध्याना ने सुणा कने समझां, परमेशर तिसजो होर जादा समझणे रे लायक बणां; पर सै जे मेरिया गल्ला जो ध्याना ने नीं सुणदा कने समझदा तिस सै बी भुल्ली जाणा तिसजो जे सै पैहले ते जाणदा हो।

लूका 24:27

फेरी यीशुये मूसा ते कने सारे भविष्यवक्तयां ते शुरु करीने सारे पवित्रशास्त्रा चते अपणे बारे च लिखी रियां गल्लां रा मतलब, तिन्हांजो समझाईत्या।

यूहन्ना 7:17

जे कोई परमेशरा रिया मर्जिया पर चलना चाओ, तां सै इस उपदेशा रे बारे च समझी जांगा भई जो उपदेश हऊँ देआं सै परमेशरा रिया तरफा ते आया या हऊँ अपणिया तरफा ते देई कराँ।

प्रेरितां 14:3

कने पौलुस कने बरनबास बौहत दिनां तका तित्थी रये, कने प्रभुये रे भरोसे पर हिम्मता ने गल्लां कराँ थे; कने प्रभुये तिन्हांरे हत्थां ते बड़े-बड़े चमत्कारी नशाण दस्सीने कने नोखे काम्म करीने ये साबित कित्या भई अनुग्रह रे बारे च तिन्हांरा सन्देश सच्चा था।

प्रेरितां 18:18

पौलुस बौहतीं दिनां तका कुरिन्थ नगरा च रैया फेरी विश्वासियां ते विदा हुईने किंख्रिया नगरा च चलिग्या तिस नगरा च पौलुसे अपणा सिर मुंडवाया काँह्भई तिने संगल़प लेईरा था, बाद बिच समुद्रा रे रस्ते सीरिया प्रदेशा जो चलिग्या, तिसने सौगी प्रिस्किल्ला कने अक्विला थे।

प्रेरितां 18:25

तिने प्रभुये रे रस्ते री खरी शिक्षा पाईरी थी, कने मन लगाईने यीशुये रे बारे च ठीक-ठीक सुणावां कने सखांवां था, पर सै सिर्फ यूहन्ना रे बपतिस्मे री गल्ल जाणाँ था।

प्रेरितां 19:8

फेरी पौलुस यहूदी सभा घर च जाईने तिन्नां महीनयां तका निडर हुईने बोलदा रैया, कने परमेशरा रे राज्जा रे बारे च विवाद करदा कने समझांदा रैया।

प्रेरितां 28:23

तां यहूदियें तिस खातर इक दिन तैह कित्या, कने मते लोक तिसले कट्ठे हुये, कने सै परमेशरा रे राज्जा री गवाही देन्दा हुआ। कने मूसा री व्यवस्था कने भविष्यवक्तयां री कताबां चते यीशुये रे बारे च समझाई-समझाई ने सवेरे ते संझा तका दसदा रैया।

प्रेरितां 8:31

तिने गलाया, “तदुआं तका जे मिन्जो कोई नीं समझाओ तां माह कियां समझणा?” कने तिने फिलिप्पुसा ने विनती कित्ती भई सै रथा पर चढ़ीने तिसने सौगी बैट्ठो।

1 कुरिन्थियों 12:21

आक्ख हत्था ने नीं बोल्ली सकदी, “मिन्जो तेरी जरूरत नीं,” कने नां सिर पैराँ ने बोल्ली सक्कां, “मिन्जो तेरी जरूरत नीं।”

1 कुरिन्थियों 3:18

कोई बी अप्पूँजो धोखा नीं देओ। जे तुहां चते कोई इस संसारा रियां गल्लां रे मुतावक अप्पूँजो ज्ञानी समझां, तां तिस्सो मूर्ख बणना चाहिन्दा ताकि सै ज्ञानी हुई सक्को।

1 कुरिन्थियों 8:2

जे कोई समझां भई सै ज्ञानी आ, तां हकीकत च सै हुण तक तियां जाणी नीं पाया तियां जे तिसजो जाणना चाहिन्दा।

इब्रानियों 6:1

इस खातर औआ मसीह रियां शिक्षां री शुरु रियां गल्लां जो दोहराईये नीं पर विश्वासा च परिपक्व हुन्दे जाईये। अहांजो भीं ते पैहलकिया शिक्षा रे बारे च यनिके मौती रिया तरफा जो लेई जाणे औल़े कम्मां ते मन फिरावा, कने परमेशरा पर विश्वास करना,

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।