प्रेरितां 18:25 - बिलासपुरी नौआं नियम

²⁵ तिने प्रभुये रे रस्ते री खरी शिक्षा पाईरी थी, कने मन लगाईने यीशुये रे बारे च ठीक-ठीक सुणावां कने सखांवां था, पर सै सिर्फ यूहन्ना रे बपतिस्मे री गल्ल जाणाँ था।

प्रेरितां 18:25 ပူးပေါင်းရင်းမြစ်များ

मरकुस 1:3

सुनसान जगह च इक माहणु हाक पांदा हुआ सुणया राँ भई प्रभुये रा स्वागत करने खातर अप्पूँजो त्यार करा।”

मरकुस 12:14

तिन्हें आईने तिस्सो गलाया, “गुरू जी, अहें जाणाँ ये, भई तू सच्चा, कने किसी री परवाह नीं करदा काँह्भई तू माहणुआं रा मुँह देखीने गल्लां नीं करदा, (यनि किसी रा पक्षपात नीं करदा) पर परमेशरा रा रस्ता सच्चाईया ने दस्सां। तां मूसा रिया व्यवस्था रे मुताबक क्या बादशाह कैसरा जो यनि रोमी सरकारा जो कर देणा ठीक आ की नीं?

लूका 1:4

तिसते जे भई तू तिन्हां गल्लां री हकीकत जाणी लो तिन्हांरी जे तिज्जो शिक्षा देई तरी।

लूका 7:29

जिस बगत सारयां लोकें कने चुंगी लेणे औल़यां ये गल्ल सुणी तां फेरी तिन्हे यूहन्ने ते बपतिस्मा लेईने परमेशरा जो सच्चा मन्नील्या।

प्रेरितां 13:10

“ओ सारे कपटी कने सारिया चलाकिया ते भरीरे शैतान्ना री ल्वाद, सकल धर्मा रे बैरी, क्या तू प्रभुये रे सिधे रस्तेयां जो टेड्डा करना नीं छडणा?

प्रेरितां 16:17

सै पौलुसा रे कने अहांरे पिच्छे आईने रड़ाणे लगी, “ये माहणु परमप्रधान परमेशरा रे दास ये, सै जे अहांजो छुटकारे री कथा सुणवांये।”

प्रेरितां 18:26

सै यहूदी सभा घरा च निधड़क हुईने बोलणे लगया, ताहली जे प्रिस्किल्ला कने अक्विला तिसजो बोलदे हुये सुणया तां सै तिस्सो अपणे घरें ल्याईने होर जादा बारीकिया ने तिस्सो परमेशरा रे रस्ते रे बारे च समझाया।

प्रेरितां 19:23

तिस बगत यीशु मसीह पर विश्वास करने औल़यां लोकां रे बारे च बड़ा हुल्लड़ हुआ।

प्रेरितां 19:3

पौलुसे तिन्हांने गलाया, “तां फेरी तुहें किस तरिके रा बपतिस्मा लया?” तिन्हें गलाया, “यूहन्ना रा बपतिस्मा।”

प्रेरितां 19:9

पर ताहली जे किछ लोकें कठोर हुईने तिस पर विश्वास करने जो मना किया पर लोकां रे सामणे मसीह पर विश्वास करने औल़यां जो बुरा बोलणे लगे, तां तिने तिन्हांजो छड्डीत्या कने चेलयां जो लग करित्या, कने हर रोज तुरन्नुसा रिया पाठशाला च वाद-विवाद करदा रैया।

प्रेरितां 9:2

कने तिसरे दमिश्क नगरा रे यहूदी सभा घराँ रे अगुवेयां जो ये चिट्ठी लिखणे जो विनती कित्ती, तिसते शाऊला जो तित्थी जे कोई मसीह पर विश्वास करने औल़े मिलो, फेरी चाये सै जनाना ओ, या चाये मर्द, तां सै तिन्हांजो बन्दी बणाई सक्को कने फेरी वापस यरूशलेम नगरा च ली आओ।

रोमियो 12:11

खूब मेहणत करा कने आलसी मत बणाँ; अप्पूँजो प्रभुये री सेवा करने च पूरी तरह समर्पित करा।

2 तिमुथियुस 2:4

येढ़ा कोई बी सै जे सपाईये साई सेवा करया राँ, अप्पूँजो सधारण जीवना च नीं फसाई लेंदा, काँह्भई सै अपणे बड्डे अफसरा जो खुश करना चांह।

याकूब 5:16

इस खातर तुहें अप्पूँ चियें इक्की दुज्जे रे सामणे अपणे-अपणे पापां जो मन्नी लौआ, कने इक्की दूये रे खातर प्राथना करा, ताकि तुहें भले चंगे हुई जाओ : धर्मी माहणुये रिया प्राथना रे असरा ने बड़ा किछ हुई सक्कां।