प्रेरितां 18:18 - बिलासपुरी नौआं नियम

¹⁸ पौलुस बौहतीं दिनां तका कुरिन्थ नगरा च रैया फेरी विश्वासियां ते विदा हुईने किंख्रिया नगरा च चलिग्या तिस नगरा च पौलुसे अपणा सिर मुंडवाया काँह्भई तिने संगल़प लेईरा था, बाद बिच समुद्रा रे रस्ते सीरिया प्रदेशा जो चलिग्या, तिसने सौगी प्रिस्किल्ला कने अक्विला थे।

प्रेरितां 18:18 ပူးပေါင်းရင်းမြစ်များ

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मरकुस 6:46

लोकां जो भेजणे ते बाद सै पहाड़ा पर प्राथना करने जो गया।

प्रेरितां 1:15

तिन्हांई दिनां च पतरस भाईयां रे बिच सै जे तकरीवन इक सौ बीह माहणु थे, खड़ा हुईने बोलणे लगया,

प्रेरितां 15:23

कने तिन्हें चिट्ठी तिन्हांरे साथ भेज्जी : “अन्ताकिया नगर कने सीरिया कने किलिकिया प्रदेशा रे रैहणे औल़े विश्वासियां जो सै जे अन्यजातियां रे लोकां चते हुये, प्रेरितां कने प्राचीन विश्वासियां रा नमस्कार।

प्रेरितां 15:41

कने सै सीरिया कने किलिकिया प्रदेशा ते हुन्दे हुये कलीसिया रे लोकां जो मजबूत करदा गया।

प्रेरितां 18:2

तित्थी तिस्सो अक्विला नौआं रा इक यहूदी मिलया, तिसरा जन्म पुन्तुस प्रदेशा च हुईरा था। सै अपणी पत्नी प्रिस्किल्ला ने सौगी इटली प्रदेशा ते नौआं-नौआं आईरा था, काँह्भई बादशाह कलौदियुस सब्बीं यहूदियां जो रोमा ते निकल़णे रा हुक्म दित्तिरा था। इस खातर सै तिन्हां ला गया।

प्रेरितां 18:26

सै यहूदी सभा घरा च निधड़क हुईने बोलणे लगया, ताहली जे प्रिस्किल्ला कने अक्विला तिसजो बोलदे हुये सुणया तां सै तिस्सो अपणे घरें ल्याईने होर जादा बारीकिया ने तिस्सो परमेशरा रे रस्ते रे बारे च समझाया।

प्रेरितां 18:27

कने ताहली जे तिने अखाया प्रदेशा जो जाणा चाया तां विश्वासियें तिसरी हिम्मत बधाई कने उत्थीरे चेलयां जो तिसरा स्वागत करने जो लिखीने भेज्या। कने ताहली जे सै ऊत्थी पुज्या तां तिन्हां लोकां रे खातर बौहत मद्‌दगार साबित हुया तिन्हें जे अनुग्रह ने विश्वास ग्रहण करील्या था।

प्रेरितां 21:23

इस खातर सै जे अहें तेरने बोलां ये, तेढ़ा कर। अहांले येत्थी चार माहणुये तिन्हें जे मन्नतां मन्नी रियां।

प्रेरितां 21:24

तिन्हांजो सौगी नेईने अप्पूँजो पवित्र हुणे री विधि पूरा कर; कने तिन्हांजो खर्चा दे भई सै सिर मुंडवाओ। तां सब्बीं जो पता लगी जाणा भई सै जे गल्लां तिन्हें तेरे बारे च सुणी रियां, तिन्हां च किछ बी सच्चाई नीं, पर तू अप्पूँ इ व्यवस्था जो मन्नीने तिसारे मुतावक चलां।

प्रेरितां 21:3

ताहली जे साइप्रस टापु दिस्या, तां अहें तिस्सो खबिया खौ छड्डिने, सीरिया जो चलीने सूर नौआं रे नगरा च उतरे; काँह्भई तित्थी जहाजा रा समान उतारना था।

रोमियो 16:1

हऊँ तुहांजो ये गलाणा चाँह भई अहांरी मसीह भैण फीबे बौहत अच्छी, सै जे किंख्रिया नगरा री कलीसिया च सेवा कराँ इ।

1 कुरिन्थियों 9:20

हऊँ यहूदियां खातर यहूदिये साई बणया ताकि यहूदियां जो ल्याई सक्कूँ। सै लोक जे व्यवस्था रे अधीन ये तिन्हांरे खातर हऊँ व्यवस्था रे अधीन लोकां साई बणया हलाँकि हऊँ खुद व्यवस्था रे अधीन नींआ ताकि तिन्हांजो ल्याई सक्कूँ सै जे व्यवस्था रे अधीन ये।

गलातियां 1:21

हऊँ यरूशलेम छडणे ते बाद सीरिया कने किलिकिया रे प्रदेशां च गया।