प्रेरितां 18:10 - बिलासपुरी नौआं नियम

¹⁰ काँह्भई हऊँ तेरे सौगी आ, कने कोई तेरे परा चढ़ाई करीने तेरा नुक्शान नीं करी सकदा; काँह्भई इस नगरा च बौहत सारे लोक ये तिन्हांजे माह पर विश्वास करना।”

प्रेरितां 18:10 ပူးပေါင်းရင်းမြစ်များ

मत्ती 1:23

“सुणा, इक कवारिया कुड़िया गर्भवति हुईने इक मुण्डु जणना, तिसरा नौं इम्मानुएल रखया जाणा,” तिसरा मतलब येआ भई परमेशर अहां सौगी आ।

मत्ती 10:30

परमेशर तुहांरे जीवना री हरेक गल्ला री परवाह करां। सै ये बी जाणां भई तुहांरे सिरा पर कितणे बाल़ ये।

मत्ती 28:20

कने तिन्हांजो ये सारी गल्लां सै जे मैं तुहांजो आज्ञा दित्तिरी, मनणा सखाओ; कने याद रखा, हऊँ संसारा रे अन्ता तक सदा तुहांरिया सौगी आ।”

लूका 21:18

पर तुहांरी कोई हानि नीं हूणी।

यूहन्ना 10:16

मेरियां होर बी भेड्डां इयां, सै जे इसा भेडशाला री नीं। मिन्जो सै बी लौणे जरूरी आ। सै मेरी अवाज़ पैहचाण गियां, फेरी सब्बीं रा इक इ झुण्ड कने इक इ गवाल़ा हूणा।

यूहन्ना 11:52

कने नां सिर्फ तिन्हांरे खातर, पर इस खातर बी भई तिस परमेशरा रे होरीं बच्चयां खातर बी मरना, सै जे धरतिया पर बिखरीरे ताकि सै इक हुईजो।

प्रेरितां 15:14

शमौन पतरसे दस्या भई परमेशरे पैहले अन्यजातियां रे लोकां पर केढ़ी दया कित्ती भई तिन्हां चते अपणे लोक होणे खातर किछ लोकां जो चुणया।

प्रेरितां 15:18

येढ़ा सैई प्रभु बोलां सै जे जगता रिया उत्पतिया ते इन्हां गल्लां री खबर देन्दा आया।’

प्रेरितां 18:11

इस खातर पौलुस तिन्हां च परमेशरा रा वचन सुणांदे-सुणांदे सै इक साल छेआं महीनयां तका रैया।

प्रेरितां 18:9

प्रभुये इक्की राति दर्शण देईने पौलुसा जो गलाया, “मत डर, बोल्ली जा कने चुप मत रै;

रोमियो 8:31

इन्हां सारयां जो ध्याना च रखदे हुये, अहें ये बोल्ली सक्कां ये भई जे परमेशर अहां सौगी आ, तां कोई अहांजो हराई नीं सकदा।

2 कुरिन्थियों 12:9

पर प्रभुये मिन्जो बोल्या, “तेरे खातर मेरा अनुग्रह काफी आ; काँह्भई कमजोरिया ची मेरी सामर्थ जादा हुआं इ,” इस खातर हऊँ अपणिया कमजोरिया पर खुशिया ने गर्व कराँ, ताकि मसीह री सामर्थ मांह च वास करदी रौ।

2 तिमुथियुस 4:17

पर प्रभुये मेरा साथ दित्या कने मिन्जो सामर्थ दित्ति, ताकि मेरे जरिये साफ तौर पर खुशखबरिया रा प्रचार हुई सक्को कने सब अन्यजातियां रे लोक सुणी सक्को; कने प्रभुये मिन्जो मौती ते बचाया।

2 तिमुथियुस 4:22

हऊँ प्राथना कराँ भई प्रभु तेरे सौगी रौ कने परमेशरा रा अनुग्रह तुहां सब्बीं पर बणीरा रौ।