प्रेरितां 17:32 - बिलासपुरी नौआं नियम

³² मूईरयां चते जिऊंदा हुणे री गल्ल सुणीने किछ लोक मजाक उड़ाणे लगे, कने कईयें गलाया, “ये गल्ल अहें तेरते फेरी कदीं सुणगे।”

प्रेरितां 17:32 ပူးပေါင်းရင်းမြစ်များ

लूका 14:18

पर सारे लोक बहान्ना बनाणे लगे, तिन्हां चते इक्की गलाया भाई, ‘मैं इक खेत खरीदया कने हऊँ तिस्सो देखणे खातर जाया राँ; हऊँ तेरते विनती कराँ, मिन्जो माफ करी देआं।’ इस खातर मेरते नीं आई हूणा।

लूका 22:63

हुण सै पैहरेदार तिन्हे जे यीशु पकड़ीरा था, सै तिन्हारा मजाक डुआणे लगे कने तिन्हाजो मारने कुटणे लगे।

लूका 23:11

हेरोदेस बी अपणे सपाईयां समेत तिसने बुरा बरताव कित्या कने तिसरा मजाक चक्कया। फेरी तिन्हे तिस्सो इक शाही बस्त्र पैहनाईने वापस पिलातुस ले भेजित्या।

लूका 23:36

सपाईयें बी यीशुये रा मजाक बणाया कने तिस्सो पीणे खातर पाणिये रिया जगह सिरका दित्या।

प्रेरितां 13:41

“‘हे निंध्या करने औल़यो, देक्खा कने हैरान होआ, कने मिटी जावा; काँह्भई हऊँ तुहांरे दिनां च इक काम्म करया राँ, येढ़ा काम्म सै जे कोई तुहांजो चर्चा करो, तां तुहां कदीं बी विश्वास नीं करना।’”

प्रेरितां 17:18

फेरी इपिकूरी कने स्तोईकी दार्शनिकां चते किछ तिसने तर्क करने लगे, कने कईयें गलाया, “ये बकवादी क्या बोलणा चाँह?” पर दुज्जेयां गलाया, “ये होरसी रा प्रचारक लगया राँ” काँह्भई सै यीशुये रा कने भीं ते जिऊंदा हुणे री खुशखबरी सुणावां था।

प्रेरितां 17:31

काँह्भई तिने इक दिन रखीरा, तिसच जे तिस माहणुये रे जरिये संसारा रा न्याय करना, तिस्सो जे तिने रखीरा, कने तिस्सो मूईरेयां चते ज्यूंदा करीने इसा गल्लां रा सबूत सारयां लोकां जो देईतरा।”

प्रेरितां 17:33

तां पौलुस तिन्हां चते निकल़ी गया।

प्रेरितां 2:13

पर दुज्जेयां हासी डुआईने गलाया, “येत नौंईंया शराबा रे नशे चे।”

प्रेरितां 24:25

ताहली जे सै धर्मिकता, कने संयम, कने औणे औल़े न्याय रे बारे च चर्चा करया राँ था, तां फेलिक्स डरा रे मारे जवाब दित्या, “हुण तू जा; मौका देखीने हऊँ तिज्जो फेरी सदगा।”

प्रेरितां 25:19

पर सै अपणे धर्मा रे सम्बन्धा रियां किछ गल्लां च पौलुसा ने मतभेद था कने यीशु नौआं रे किसी माहणुये रे बारे च, सै जे मरी चुक्कीरा, पर पौलुस तिसरे ज्यूंदा हुणे रा दावा कराँ।

प्रेरितां 26:8

तुहां चते किसी जो बी ये गल्ल विश्वास लायक काँह नीं लगदी भई परमेशर मूईरयां जो जिऊंदा करी देआं।

1 कुरिन्थियों 1:23

पर अहें त तिस क्रूसा पर चढ़ाईरे मसीह रा सन्देश सुणवांये, सै जे यहूदियां रे खातर अपमान आ कने अन्यजातियां रे खातर मूर्खता इ;

1 कुरिन्थियों 15:12

हुण जे मसीह रा ये प्रचार कित्या जां, भई मसीह मूईरयां चते ज्यूंदा हुईरा, तां तुहां चते कितणे कियां बोल्ली सक्कां ये, भई मूईरयां रा भीं ते जिऊंदा हूणा इ नींआ?

1 कुरिन्थियों 4:10

इस संसारा रे लोक सोच्चां ये भई अहें मसीह रे खातर मूर्ख ये, पर तुहें सोच्चां ये भई तुहें मसीह च बुद्धिमान ये; बौहत लोक सोच्चां ये भई अहें निर्बल ये, पर तुहें सोच्चां ये भई तुहें बलवान ये, तुहौं लोक आदर दें, पर सै अहांरा निरादर कराँ ये।

2 कुरिन्थियों 6:2

काँह्भई पवित्रशास्त्रा च परमेशर बोलां, “मैं ठीक वगता पर तेरी सुणी ली कने हऊँ छुटकारे रे दिन तिज्जो सहारा देणे आया।” देक्खा। “सही वगत” येई हाया। देक्खा। “छुटकारे रा दिन येई हाया।”

इब्रानियों 11:36

किछ लोकां रा त मजाक बणाया गया था; कने कोड़े खाये जबकि किछ होर लोक बन्हे गये, कने किछ लोकां जो जंजीरा ने जकड़ीने जेल्ला च पाई दित्या गया।

इब्रानियों 13:13

इस खातर औआ, यहूदी रीति-रिवाजां जो छड्डिने यीशुये पर विश्वास करिये कने तिस साई दुख कने निंध्या सैईये।