प्रेरितां 17:3 - बिलासपुरी नौआं नियम

³ कने तिन्हांरा मतलब खोल्ली-खोल्ली ने समझां था भई मसीह रा दुख सैहणा, कने मूईरेयां चते ज्यूंदा हूणा, जरूरी था; कने, “सै यीशु तिसरी जे हऊँ तुहांजो कथा सुणाई राँ, मसीह आ।”

प्रेरितां 17:3 ပူးပေါင်းရင်းမြစ်များ

लूका 24:32

फेरी सै चेले अप्पूँ चियें बोलणे लगे, “तां जे सै रस्ते च अहांने गल्लां कराँ था; कने पवित्रशास्त्रा रा मतलब समझां था, तां क्या अहांरे दिला च आग्ग जेई नीं भड़की जान्दी थी?”

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

लूका 24:46

कने तिने तिन्हांने बोल्या, “पवित्रशास्त्रा च ये लिखिरा; भई मसीहे दुख सैहणा कने तिज्जे दिन मूईरयां चते जिऊंदे हूणा,

यूहन्ना 20:9

सै अजें तक बी पवित्रशास्त्रा रे तिस बचना जो नीं समझी पाए थे, भई, “तिसरा मूईरयां चते जिऊंदा हूणा जरूरी था।”

प्रेरितां 1:4

इक मौके पर, ताहली जे यीशु अपणे चेलयां सौगी रोटी खाया राँ था, तां तिने तिन्हांजो ये हुक्म दित्या, “यरूशलेम नगरा जो मता छडदे, पर पिता रे तिस वायदे रे पूरा हुणे रा इन्तजार करदे रौआ, तिसरे बारे च जे तुहें मेरते सुणी चुक्कीरे।

प्रेरितां 18:28

काँह्भई सै पवित्रशास्त्रा ते सबूत दई-दईने भई यीशु इ मसीह आ, बड़े जोरा-सोरा ते यहूदियां जो सब्बीं रे सामणे लाजवाब कित्या।

प्रेरितां 18:5

तां जे सीलास कने तिमुथियुस मकिदुनिया प्रदेशा च आये, तां पौलुस वचन सुनाणे रे जोशा च यहूदियां जो गवाही देणे लगया भई यीशु इ मसीह आ।

प्रेरितां 3:18

पर तिन्हां गल्लां जो जे परमेशरे सब भविष्यवक्तयां रे मुँआं ते पैहले इ दस्सी तरा था, भई परमेशरा रे भेज्जीरे मसीहे दुख सैहणा कने मरना था, तिन्हांजो तिन्हें इसा रितिया ते पूरा कित्या।

प्रेरितां 9:22

पर शाऊल होर बी जादा सामर्था ने प्रचार करदा गया कने दमिश्क नगरा च रैहणे औल़े यहूदियां जो ये प्रमाणित करदे हुये भई येई मसीह आ, तिन्हांजो हराणे लगया।

गलातियां 3:1

अरे गलातिया रे विश्वासियो तुहें निरे मूर्ख ये! तुहांजो किने धोखा दित्या? तुहांजो त इसा गल्ला रा पूरा ब्योरा देईतरा था भई किसा वजह ने यीशु मसीह जो सब्बीं रे सामणे क्रूसा पर चढ़ाया था।