प्रेरितां 17:28 - बिलासपुरी नौआं नियम

²⁸ काँह्भई अहें तिसच इ ज्यूंदे रैयां ये, कने चलां-फिराँ ये, कने टिकिरे रैयां ये; ठीक तियां इ जियां जे तुहांरे कितणेयां कवियें बी बोलीरा, ‘अहें तिसरे इ वंशा रे।’

प्रेरितां 17:28 ပူးပေါင်းရင်းမြစ်များ

कुलुस्सियां 1:17

सृष्टिया री कोई बी चीज बणने ते पैहले मसीह था कने सब किछ मसीह रिया वजह ते अपणिया जगह पर टिक्कीरा रैयां।

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।

लूका 20:38

परमेशर त मुड़दयां राँ नीं पर ज्यून्दया रा परमेशर आ: काँह्भई तिसरिया नज़राँ च सारे ज्यून्दे इ हाये।”

यूहन्ना 5:26

काँह्भई जिसा रितिया ने पिता परमेशर अप्पूँ च जीवन रखां, तियां इ तिने पुत्रा जो बी ये अधिकार दित्या भई अप्पूँ च जीवन रक्खूँ;

यूहन्ना 11:25

यीशुये तिसाने बोल्या, “हऊँ सै आ सै जे मूईरयां लोकां जो न्याय रे दिन जीवना च वापस लैई औवां; सै जे माह पर विश्वास कराँ, भले इ सै मरी जो, तिस जिऊंदा रैहणा,

इब्रानियों 12:9

फेरी ताहली जे अहांरा संसारिक पिता बी अहांजो सुधारने रे खातर सजा देआं, फेरी बी अहें तिसरा आदर कराँ ये। तां ये अहांरे खातर होर बी जादा जरूरी आ, भई परमेशर सै जे अहांरा आत्मिक पिता तिसरे सुधारा जो अहें ग्रहण करी लो ताकि अहें जिऊंदा रौ।

लूका 3:38

केनान इनोश रा पुत्र था, कने इनोश शेत रा पुत्र था। शेत आदम रा पुत्र था, कने आदम परमेशरा रा पुत्र था (काँह्भई आदम जो परमेशरे अपणे रुपा च बणाया था)।

तीतुस 1:12

इक माहणु सै जे क्रेते टापुये ते आ, तिसजो जे सै भविष्यवक्ता मन्नां ये तिने बोलीरा, “क्रेती लोक हमेशा झूट्ठ बोलां ये, सै जंगली पशुये साई दुष्ट ये कने सै आलसी कने खाऊ ये।”

इब्रानियों 2:11

काँह्भई पवित्र करने औल़ा कने सै जे पवित्र कित्ते जायें, तिन्हां सारयां रा पिता इक इ हाया; इस वजह ते यीशु तिन्हांजो भाई-भैण बोलणे ते नीं शर्मान्दा।