प्रेरितां 17:25 - बिलासपुरी नौआं नियम

²⁵ तिस्सो किसी चिज़ां री कमी नीं इस खातर तिस्सो माहणुआं रिया सहायता री जरूरत नीं, काँह्भई सैई सब्बीं जो जीवन कने सांस कने सब किछ देणे औल़ा।

प्रेरितां 17:25 ပူးပေါင်းရင်းမြစ်များ

मत्ती 5:45

ताकि तिसते तुहां स्वर्गा च रैहणे औल़े अपणे पिता रे बच्चे बणना; काँह्भई सै भलयां कने बुरयां दुईं लोकां पर सूरजा री लोय बराबर कराँ, कने धर्मी कने पापी सबनीं लोकां पर सै बराबर बरखा कराँ।

मत्ती 9:13

इस खातर तुहें जाईने इसरा मतलब सिक्खी लौआ, भई हऊँ बलिदान नीं चाहन्दा पर दया चाँह; काँह्भई हऊँ धर्मियां जो नीं, पर पापियां जो सदणे आईरा।”

प्रेरितां 14:17

“तां बी परमेशरे अप्पूँजो बगैर गवाह ते नीं छडया पर सै भलाई करदा रैया, कने अम्बरा ते बरखा कने फल़ां औल़यां मौसमां जो देईने तुहांरे मना जो भोजन कने खुशिया ने भरदा रैया।”

प्रेरितां 17:28

काँह्भई अहें तिसच इ ज्यूंदे रैयां ये, कने चलां-फिराँ ये, कने टिकिरे रैयां ये; ठीक तियां इ जियां जे तुहांरे कितणेयां कवियें बी बोलीरा, ‘अहें तिसरे इ वंशा रे।’

रोमियो 11:35

किन्हिये बी परमेशरा जो किछ नीं दित्या भई सै तिन्हौं तिसरा भुगतान करी सक्को।”

1 तिमुथियुस 6:17

इस संसारा रे अमीर लोकां जो हुक्म देओ भई सै घमण्डी नीं हो कने सै धना पर आशा नीं रखो सै जे किछ वगता रे खातर आ, पर सै परमेशरा पर आशा रखो सै जे अहांरे सुखा खातर सब किछ ईमानदारिया ने अहांजो देआं।