प्रेरितां 17:18 - बिलासपुरी नौआं नियम

¹⁸ फेरी इपिकूरी कने स्तोईकी दार्शनिकां चते किछ तिसने तर्क करने लगे, कने कईयें गलाया, “ये बकवादी क्या बोलणा चाँह?” पर दुज्जेयां गलाया, “ये होरसी रा प्रचारक लगया राँ” काँह्भई सै यीशुये रा कने भीं ते जिऊंदा हुणे री खुशखबरी सुणावां था।

प्रेरितां 17:18 ပူးပေါင်းရင်းမြစ်များ

मरकुस 9:14

ताहली जे यीशु कने तिसरे तिन्न चेले दुज्यां चेलेयां ले वापस आये, तां देख्या भई तिन्हांरे चऊँ पासयां मती भीड़ लगीरी कने किछ शास्त्री तिन्हांने बैहस करया रायें।

लूका 11:53

यीशु जिस बगत अपणी गल्ल बोल्ली बैट्ठे, तां फरीसी कने शास्त्री, तिन्हां रिया इसा गल्ला पर बड़ा नराज हुये। तिस इ घड़ी तिन्हे यीशुये ते मते सारे स्वाल पुछे,

प्रेरितां 26:23

भई मसीह जो दुख सैहणे पौणा, कने तिस इ सब्बीं ते पैहले मूईरेयां चते जिऊंदा हुईने, अहां रयां लोकां च कने अन्यजातियां च परमेशरा रा सन्देश सै जे ज्योतिया साई आ तिसरा प्रचार करना।”

प्रेरितां 4:2

काँह्भई सै बौहत गुस्सा हुये भई पतरस कने यूहन्ना लोकां जो ये प्रचार कराँ थे भई तियां जे परमेशरे यीशुये जो मूईरेयां चते जिऊंदा कित्या, तियां इ मूईरयां लोकां जो परमेशरा जिऊंदा करना।

प्रेरितां 5:42

प्रेरित रोज मन्दरा रे अंगणा च कने घरें-घरें लगातार ये सखान्दे कने ये खुशखबरी प्रचार कराँ थे, भई यीशु इ मसीह आ।

प्रेरितां 6:9

तां तिस यहूदी सभा घरा चते तिन्हांजो जे अजाद कित्तिरे लोक बोलां थे, कुरेनी, सिकन्दरिया, किलिकिया कने आसिया रे लोकां चते कई आईने स्तिफनुसा ने बैहस करने लगे।

रोमियो 1:22

हलाँकि तिन्हें अप्पूँजो समझदार हुणे रा दावा कित्या, पर सै मूर्ख बणिगे,

1 कुरिन्थियों 3:18

कोई बी अप्पूँजो धोखा नीं देओ। जे तुहां चते कोई इस संसारा रियां गल्लां रे मुतावक अप्पूँजो ज्ञानी समझां, तां तिस्सो मूर्ख बणना चाहिन्दा ताकि सै ज्ञानी हुई सक्को।

1 कुरिन्थियों 4:10

इस संसारा रे लोक सोच्चां ये भई अहें मसीह रे खातर मूर्ख ये, पर तुहें सोच्चां ये भई तुहें मसीह च बुद्धिमान ये; बौहत लोक सोच्चां ये भई अहें निर्बल ये, पर तुहें सोच्चां ये भई तुहें बलवान ये, तुहौं लोक आदर दें, पर सै अहांरा निरादर कराँ ये।

कुलुस्सियां 2:8

ध्यान रखा, भई कोई तुहांजो अपणे तिस संसारिक ज्ञाना च कने बेमतलब गल्लां च नीं फसाओ सै जे माहणुआं रियां बणाईरी रीतियाँ ते कने संसारा रिया आदी शिक्षा रे मुतावक त हाया, पर मसीह रे मुतावक निआं।