प्रेरितां 17:12 - बिलासपुरी नौआं नियम

¹² इस खातर यूनानी जनाना चते बौहतीं, कने कुलीन जनानां चते कने माहणुआं चते बौहतीं विश्वास कित्या।

प्रेरितां 17:12 ပူးပေါင်းရင်းမြစ်များ

मरकुस 15:43

तां अरमतिया रा रैहणे औल़ा यूसुफ आया, सै जे महासभा रे ईज्ज़तदार औहदे पर था कने अप्पूँ बी परमेशरा जो तिसरे राज्जा च इक राजे साई देखणे रे इन्तजारा च था। सै हिम्मत करीने पिलातुसा ले गया कने दफनाणे खातर यीशुये री लाश मंगी।

यूहन्ना 7:17

जे कोई परमेशरा रिया मर्जिया पर चलना चाओ, तां सै इस उपदेशा रे बारे च समझी जांगा भई जो उपदेश हऊँ देआं सै परमेशरा रिया तरफा ते आया या हऊँ अपणिया तरफा ते देई कराँ।

प्रेरितां 13:46

तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा।

प्रेरितां 13:50

पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या।

प्रेरितां 14:1

इकुनियुम नगरा च येढ़ा हुआ भई सै यहूदियां रे सभा घराँ च सौगी-सौगी गये, कने इयां गल्लां कित्ती यां भई यहूदियां कने यूनानियां चते मतयां विश्वास कित्या।

प्रेरितां 2:47

कने परमेशरा री स्तुति कराँ थे, कने सब लोक तिन्हांते खुश थे : कने सै जे छुटकारा पां थे, तिन्हांजो प्रभु हर रोज़ तिन्हां च मलाई देआं था।

1 कुरिन्थियों 1:26

अरे साथी विश्वासिओ, इस बारे च सोच्चा भई तुहें क्या थे ताहली जे परमेशरे तुहांजो सद्दया। माहणुआं रे बिचारा रे मुतावक तुहां चते कई लोक नां बौहत ज्ञान-वान, कने नां बौहत सामर्थी कने नां राजसी थे।

इफिसियां 5:14

इसा वजह ने लोक बोलां ये, “सौणे औल़या जाग कने मूईरेयां चते जिऊंदा हुई जा; तां मसीह री ज्योति तूह पर चमकणी।”

याकूब 1:10

कने अमीर लोकां जो ये गर्व करना चाहिन्दा ताहली जे परमेशर तिन्हांजो नम्र बणां, काँह्भई सै कने तिसरा धन घा पर खिलणे औल़े फूल्ला साई झड़ी जाणा।

याकूब 1:21

इस खातर तुहांरे जीवना च सै जे गन्दगी कने बुराई, तिन्हांजो दूर करीने तुहांरे मनां च सै जे परमेशरा रा वचन बाहीरा तिसजो नम्र हुईने ग्रहण करदे जावा; सै जे तुहांरे प्राणा जो बचाई सक्कां।