प्रेरितां 17:11 - बिलासपुरी नौआं नियम

¹¹ ये लोक त थिस्सलुनीके नगरा रे यहूदियां ते खरे थे, कने तिन्हें दिल लाईने वचन ग्रहण कित्या, कने हर रोज पवित्रशास्त्रा च टोलदे रै भई ये गल्लां येढ़ियां इ हईयां की नीं।

प्रेरितां 17:11 ပူးပေါင်းရင်းမြစ်များ

मत्ती 13:23

पर किछ लोक उपजाऊ धरतिया साई हुआं ये तिसच जे किछ ब्यू पैईरे, सै दाणे उगे कने पौध्यां साई बधे कने बौहत सारी फसल पज्जी, ये सै माहणु ये सै जे मेरा बचन सुणां ये कने इसजो समझां ये, कने परमेशरा जो खुश करने औल़े काम्म बौहत जादा कराँ ये।”

लूका 1:2

ठीक सैई गल्लां सै जे अहांजो तिन्हां लोकां ते मिलियां, तिन्हें जे इन्हां गल्लां जो यीशु मसीह रिया सेवकाईया रे शुरु तेई देख्या था कने बाद बिच सै परमेशरा रे वचना रे सेवक बणे।

लूका 11:3

अहांरी रोज की रोटी तू हर रोज अहांजो देआ कर।

लूका 16:29

पर अब्राहमे तिसजो गलाया, तिन्हाले त मूसा कने भविष्यवक्तयां री कताबां इयां, सै तिन्हारी सुणो कने तिन्हांरा पालन करो।

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

यूहन्ना 3:21

पर सै माहणु जे सच्चाईया पर चलां सै जोतिया रे नेड़े औआं ताकि तिसरे काम्म दिखी जाओ भई ये परमेशरा रिया तरफा ते हुईरे।”

यूहन्ना 5:39

तुहें पवित्रशास्त्रा च टोल़ां ये, काँह्भई तुहें समझां ये भई तिसच तुहांजो अनन्त जीवन मिलां, पर ये सारे पवित्रशास्त्र मेरी इ गवाही दें;

प्रेरितां 10:33

तां मैं तेरे ला झट-पट लोक भेजे, कने तैं भला कित्या भई आई गया। हुण येत्थी अहें सब परमेशरा रे सामणे, भई जो किछ परमेशरे तेरने बोलीरा तिस्सो सुणीये।”

प्रेरितां 11:1

फेरी प्रेरितें कने होर विश्वासी भाईयें सै जे यहूदिया प्रदेशा रे कई लाकयां च रैयां थे ये सुणया, भई अन्यजातियां बी परमेशरा रे वचना पर विश्वास करी लरा।

प्रेरितां 17:1

फेरी पौलुस कने सीलास अम्फिपुलिस कने अपुल्लोनिया नगराँ चियें हुईने थिस्सलुनीके शहरा च आये, तित्थी जे यहूदियां रा इक सभा घर था।

प्रेरितां 2:41

इस खातर तिन्हें लोकें जे पतरसा रा वचन सुणीने ग्रहण कित्या तिने बपतिस्मा लेआ; कने तिस दिन लगभग तिन्न हज़ार माहणु विश्वासियां रे समूहा च शामिल हुईगे।

1 थिस्सलुनीकियां 1:6

तुहें बड़यां दुखां च पवित्र आत्मा ते मिलणे औल़ियां खुशिया ने खुशखबरिया जो ग्रहण कित्या कने अहांरी कने प्रभुरी चाल चलने लगे।

1 थिस्सलुनीकियां 2:13

कने इस खातर अहें परमेशरा रा धन्यवाद हमेशा करदे रैं, काँह्भई ताहली जे तुहें अहांते वचन सुणया, तां तिस्सो माहणुआं रिया खुशखबरिया रे रुपा च नीं, बल्कि परमेशरा रिया खुशखबरिया रे रुपा च ग्रहण कित्या; कने तियां जे सै सच्च आ, कने तुहां विश्वासियां पर तिसरा असर बी आ।

2 थिस्सलुनीकियां 2:10

कने तिस सब तरिके रा बुरा काम्म करना कने तिन्हांजो धोखा देणा सै जे परमेशरा रे जरिये नाश हुणे; तिन्हां नाश हूणा काँह्भई तिन्हें सच्चाईया जो ग्रहण कने प्यार नीं कित्या तिसते जे तिन्हारा छुटकारा हुआं।

याकूब 1:21

इस खातर तुहांरे जीवना च सै जे गन्दगी कने बुराई, तिन्हांजो दूर करीने तुहांरे मनां च सै जे परमेशरा रा वचन बाहीरा तिसजो नम्र हुईने ग्रहण करदे जावा; सै जे तुहांरे प्राणा जो बचाई सक्कां।

1 पतरस 2:2

पर तियां जे नये जम्मीरे बच्चे अपणिया मौआ रे असली दुधा खातर तरसां ये तियां इ तुहांजो बी परमेशरा रे वचना जो सिखणे खातर तरसणा चाहिन्दा, ताकि तिसरे जरिये पूरे तरिके ने छुटकारा पाणे खातर तुहें बधदे जाओ।