प्रेरितां 16:9 - बिलासपुरी नौआं नियम

⁹ तित्थी पौलुसे राति जो इक दर्शण देख्या भई इक मकिदुनी प्रदेशा रा इक माहणु खढ़िरा कने तिसने विनती करीने गलाया राँ, “समुद्रा रे पार जाईने मकिदुनिया प्रदेशा च औआ, कने अहांरी मदद करा।”

प्रेरितां 16:9 ပူးပေါင်းရင်းမြစ်များ

प्रेरितां 10:3

तिने तकरीवन दोपैहरके तिन्न बजे दर्शणा च साफ-साफ देख्या भई परमेशरा रा इक स्वर्गदूत अन्दरा आया कने गलाया, “कुरनेलियुस!”

प्रेरितां 10:30

कुरनेलियुसे गलाया, “चार दिनां ते पैहले इस वगत, हऊँ अपणे घरा च तकरीवन तिन्न बजे प्राथना करया राँ था; तां देखो, इक माहणु चमकीले कपड़े पैहनीने, मेरे सामणे आईने खड़ा हुआ

प्रेरितां 16:10

तिसरे येढ़ा दर्शण देखदे इ अहें झट मकिदुनिया प्रदेशा च जाणा चाया, येढ़ा समझीने भई परमेशरे अहौं तिन्हांजो खुशखबरी सुनाणे खातर सद्दीरा।

प्रेरितां 16:12

ऊत्थीते अहें फिलिप्पी नगरा च पुज्जे, सै जे मकिदुनिया प्रदेशा रा खास नगर आ तित्थी जे कई रोमी नागरिक रैं, कने अहें तिस नगरा च किछ दिन तका रहे।

प्रेरितां 18:5

तां जे सीलास कने तिमुथियुस मकिदुनिया प्रदेशा च आये, तां पौलुस वचन सुनाणे रे जोशा च यहूदियां जो गवाही देणे लगया भई यीशु इ मसीह आ।

प्रेरितां 19:21

ताहली जे ये गल्लां हुई चुक्कियां तां पवित्र आत्मे पौलुसा जो मकिदुनिया कने अखाया प्रदेशा चियें हुईने यरूशलेम जो अगवाई कित्ती, कने गलाया, “तित्थी जाणे ते बाद मेरा रोम नगरा जो जाणा बी जरूरी आ।”

प्रेरितां 19:22

इस खातर अपणी सेवा करने औल़यां चते तिमुथियुस कने इरास्तुस जो मकिदुनिया भेज्जीने अप्पूँजो किछ दिन आसिया प्रदेशा च रैईग्या।

प्रेरितां 19:29

कने सारे नगरा च बड़ा हल्ला मचीग्या, कने मकिदुनिया वासी गयुस कने अरिस्तर्खुस जो सै जे पौलुसा सौगी यात्रा करया राँ थे, पकड़ी लया, कने इक्की सौगी रंगमंचा खौ दौड़ीगे।

प्रेरितां 20:1

ताहली जे हुल्लड़ रुकी गया तां पौलुसे चेलयां जो सद्दीने हौंसला दित्या, कने तिन्हांते विदा हुईने मकिदुनिया प्रदेशा खा चली पैया।

प्रेरितां 20:3

तां जे तिन्न महीने रैईने सै तित्थी ते जहाजा पर सीरिया प्रदेशा खा जाणे जो त्यार था, तां यहूदी अगुवेयां तिसजो मारने री योजना बणाई, इस खातर तिन्हें ये फैसला कित्या भई मकिदुनिया हुईने वापस हुई जाओ।

प्रेरितां 27:2

आसिया रे अद्रमुत्तियुम नगरा रे इक्की जहाजा पर सै जे आसिया रे कनारे रियां जगहां च जाणे औल़ा था, चढ़ीने अहें अपणी यात्रा शुरु करी ती, कने अरिस्तर्खुस नौआं रा मकिदुनी प्रदेशा रे थिस्सलुनीके नगरा रा इक निवासी अहांने सौगी था।

प्रेरितां 9:38

लुद्दा नगर याफा नगरा रे नेड़े था, चेलयां येढ़ा सुणीने भई पतरस त तित्थी इ हाया, दो माहणु भेज्जीने तिसने विनती किति, “अहांले औणे खातर देर मत करदा।”

रोमियो 15:26

काँह्भई मकिदुनिया कने अखाया प्रदेशा री कलीसिया रे लोकें यरूशलेम च, परमेशरा रे पवित्र लोकां च सै जे गरीब ये, तिन्हांरे खातर किछ चन्दा देणे रा निश्चा कित्या।

2 कुरिन्थियों 11:9

कने ताहली जे हऊँ तुहां सौगी था, तां बी पैसयां री जरूरत पौणे पर मैं किसी रे ऊपर कोई बोझ नीं पाया, काँह्भई मकिदुनिया प्रदेशा ते आईरे विश्वासी भाईयें मेरी पैसे री जरूरतां पूरी कित्तियां थी। मैं हर गल्ला पर खुद अप्पूँजो तुहां पर बोझ नीं बणने दित्या कने नांई कदीं बणने देणा।

2 कुरिन्थियों 12:7

पर तिन्हां अदभुत दर्शणां रे बारे च मिन्जो बौहत गर्व नीं हूणा चाहिन्दा, तिन्हौं जे परमेशरे मिन्जो दस्सीरा। इस खातर मेरे शरीरा च इक कन्डा चुभाया गया था भई शैतान्ना रा इक दूत मिन्जो बौहत पीड़ा देओ, ताकि हऊँ घमण्ड नीं करूँ।

2 कुरिन्थियों 7:5

ताहली जे अहें मकिदुनिया प्रदेशा च पुज्जे तां बी अहांजो आराम नीं मिलया था, पर अहांजो हरेक जगह परेशानियां सैहणी पैई थी; बाहर लड़ाईयां थी कने मना च डर था।

2 कुरिन्थियों 8:1

देक्खा, मेरे साथी विश्वासियो, हुण अहें ये चायें भई तुहें परमेशरा रे तिस अनुग्रह रे बारे च जाणा सै जे परमेशरे मकिदुनिया प्रदेशा री कलीसियां रे विश्वासियां जो दित्तिरा।

2 कुरिन्थियों 9:2

काँह्भई हऊँ मदद रे खातर तुहांरिया इच्छा जो जाणाँ, जिस रिया वजह ने हऊँ तुहांरे बारे च मकिदुनिया प्रदेशा रे रैहणे औल़े विश्वासियां रे सामणे ये बोलदे हुये गर्व करी रां, भई तुहें अखाया प्रदेशा रे लोक त पिछले साल्ला तेई मदद करने जो त्यार थे कने तुहांरिया इसा इच्छा ते तिन्हां चते मतयां जो मदद करने रे खातर प्रेरणा मिली।

1 थिस्सलुनीकियां 4:10

कने मकिदुनिया प्रदेशा रे सरयां विश्वासी भाई-भैणां रे खातर तुहें प्रेम दस्सी चुक्कीरे। पर भाईयो, अहें तुहांजो विनती कराँ भई इसच होर बी बधदे जाओ,