प्रेरितां 16:5 - बिलासपुरी नौआं नियम

⁵ इयां कलीसिया रे लोक विश्वासा च पक्की हुन्दी गई कने तादाता च हर दिन बधदी गई।

प्रेरितां 16:5 ပူးပေါင်းရင်းမြစ်များ

प्रेरितां 11:21

परमेशरा रा सामर्थ तिन्हां पर था, कने बौहत सारे अन्यजातियां रे लोकें तिन्हांरे सन्देशा पर विश्वास कित्या कने प्रभु यीशुये री तरफ फिरे।

प्रेरितां 12:24

पर परमेशरा रा वचन बधदा कने फैलदा गया कने विश्वासियां री संख्या बधदी गई।

प्रेरितां 15:41

कने सै सीरिया कने किलिकिया प्रदेशा ते हुन्दे हुये कलीसिया रे लोकां जो मजबूत करदा गया।

प्रेरितां 2:47

कने परमेशरा री स्तुति कराँ थे, कने सब लोक तिन्हांते खुश थे : कने सै जे छुटकारा पां थे, तिन्हांजो प्रभु हर रोज़ तिन्हां च मलाई देआं था।

प्रेरितां 4:4

पर वचना रे सुणने औल़यां चते बौहतीं यीशुये पर विश्वास कित्या, कने तिन्हांरी गिणती तकरीवन पांज्ज हज़ार माहणुआं च हुईगी।

प्रेरितां 5:14

प्रभुये पर विश्वास करने औल़यां री संख्या बधदी गई। मर्द कने जनानां रा इक बड्डा समूह बणीग्या।

प्रेरितां 6:7

परमेशरा रा वचन फैलदा गया कने यरूशलेम च चेलयां री गिणती बौहत बधदी गई; कने बौहत सारे यहूदी याजकें यीशु मसीह पर विश्वास कित्या।

प्रेरितां 9:31

इयां सारे यहूदिया, गलील, कने सामरिया प्रदेशा री कलीसिया जो चैन मिलीग्या कने तिन्हांरी तरक्की हुईगी; कने सै प्रभु यीशुये रे डरा कने पवित्र आत्मा रे शान्तिया च चलदी कने बधदी गई।

रोमियो 16:25

हुण सारी महिमा परमेशरा री ओ, सै जे तुहांजो विश्वासा च मजबूत करी सक्कां, तियां जे खुशखबरी बोलां इ। यीशु मसीह रे बारे री ये खुशखबरी अन्यजातियां रे लोकां रे खातर तिसरी योजना परगट कित्तिरी सै जे युगां-युगां ते छुपीरी थी।

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

गलातियां 5:1

मसीहे अजादिया रे खातर अहांजो मूसा रिया व्यवस्था ते अजाद कित्या; इस खातर तुहें ये निश्चा करी लवा भई तुहें अजाद ये, कने फेरी भीं अप्पूँजो व्यवस्था रा दास बनाणे री इजाज़त नीं देआ।

कुलुस्सियां 2:6

इस खातर तियां जे तुहें यीशुये जो मसीह कने प्रभुये रे रुपा च ग्रहण कित्तिरा, तियां इ हुण लगातार तिसरा अनुशरण करदे रौआ,

1 थिस्सलुनीकियां 3:13

ताकि सै तुहांरयां मनां जो मजबूत करो भई ताहली जे अहांरे प्रभु यीशु मसीह फेरी अपणे पवित्र लोकां सौगी आओ तां तुहें अहांरे परमेशर कने पिता रे सामणे पवित्र कने निर्दोष हुणे।

1 थिस्सलुनीकियां 3:2

कने अहें तिमुथियुस जो, सै जे मसीह रिया खुशखबरिया च अहांरा भाई आ कने परमेशरा रा सेवक आ, इस खातर तिस्सो तुहांले भेज्या भई सै तुहांजो मजबूत करने कने विश्वासा रे बारे च समझाई सक्को।

2 थिस्सलुनीकियां 2:16

खुद अहांरे प्रभु यीशु मसीह, कने अहांरे पिता परमेशर तिने जे अहांने प्यार कित्या, कने अपणे अनुग्रह ते अनन्त प्रोत्साहन कने उत्तम आशा दित्तिरी,

इब्रानियों 13:9

लग-लग किस्मा रे विचित्र उपदेशां ते नीं भरमाये जाओ, काँह्भई तुहांरे मना रे खातर ये बधिया भई सै परमेशरा रे अनुग्रह रे जरिये मजबूत बणे, नां की खाणे रे बारे च नियमां रा पालन करने रे जरिये। काँह्भई जितने लोक इस नियमा रा पालन कराँ ये सै अपणे खातर किछ बधिया नीं करदे।

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।