प्रेरितां 16:26 - बिलासपुरी नौआं नियम

²⁶ इतणे च अचानक बड्डा हिलण हुआ, येत्थी तका भई जेलखान्ने री निऊँआ तका हिली गी, कने ताहलूं इ सब दरवाजे खुलीगे; कने सब्बीं रे बन्धन खुलीगे।

प्रेरितां 16:26 ပူးပေါင်းရင်းမြစ်များ

मत्ती 28:2

कने देक्खा, इक बड़ा भूचाल आया, काँह्भई परमेशरा रा इक स्वर्गदूत स्वर्गा ते ऊत्थी उतरया कने कब्रा रा पत्थर कण्डे करीने तिस पर बैठीया।

प्रेरितां 12:10

तां सै पैहले कने दुज्जे पैहरे ते निकल़ीने तिस लोहे रे फाटका पर पुज्जे, सै जे नगरा खौ था। सै तिन्हां खातर अप्पूँ इ खुलीग्या, कने सै निकल़ीने इक्की गलिया चियें गये, कने ताहलूं इ स्वर्गदूत तिस्सो छड्डिने चलिग्या।

प्रेरितां 12:7

फेरी अचानक, प्रभुये रा इक स्वर्गदूत तित्थी पतरसा ले आईने खड़ा हुईग्या कने तिसा ओवरिया च जोति चमकी, कने तिने पतरसा रिया बखिया पर हाथ मारीने तिस्सो ठुआली ने गलाया, “उट्ठ, छोड़े कर।” कने तिसरे हत्था ते जंजीराँ खुल्ही ने पई गियां।

प्रेरितां 4:31

तां जे सै प्राथना करी चुक्के, तां जगह तित्थी जे सै कट्ठे थे हिल्लीगी, कने सै सब पवित्र आत्मा ते भरीगे, कने परमेशरा रा वचन हिम्मता ने सुणांदे रै।

प्रेरितां 5:19

पर राति जो प्रभुये रे इक्की स्वर्गदूते जेल्ला रे दरवाजे खोली ने तिन्हांजो बाहर लयाई ने गलाया,

प्रकाशितवाक्य 11:13

फेरी तिस इ वगत इक बड्डा हिलण हुआ, कने नगरा रा दसवां हिस्सा टिरीग्या; तिस हिलणा ते सात्त हज़ार माहणु मरीगे, कने बाकी बचीरे लोक डरीगे कने स्वर्गा रे परमेशरा री महिमा कित्ती।

प्रकाशितवाक्य 6:12

ताहली जे मैं मेमने जो छेऊँइ सील तोड़दे हुये देख्या, तां इक बड्डा हिलण हुआ, कने सूरज बाल़ां रे बणाईरे कम्बल़ा साई काला कने पूरा चन्द्रमा खून्ना साई लाल हुईग्या।