प्रेरितां 16:23 - बिलासपुरी नौआं नियम

²³ बौहत बैंत मरवाई ने तिन्हें तिन्हांजो जेल खाणे च पाईत्या कने दरोगे जो हुक्म दित्या भई तिन्हांजो चौकसिया ने रखो।

प्रेरितां 16:23 ပူးပေါင်းရင်းမြစ်များ

मत्ती 26:48

तिसजो पकड़वाणे औल़े तिन्हांजो ये संकेत दित्या : “तिसजो जे हऊँ चुमगा सैई यीशु आ; तिस्सो पकड़ीने सावधानिया ने लेई जायां।”

लूका 21:12

पर इन्हां सारियां गल्लां ते पैहले, तिन्हां माह पर विश्वास करने रिया वजह ने तुहें पकड़ने, कने सताणे, कने यहूदी सभा घराँ च सौंपणे, कने जेल्लां च पाये जाणे, कने राजयां कने राजपालां रे सामणे लैई जाणे।

प्रेरितां 12:18

तड़के इ जेल्ला रे सपाहियां च बौहत अफरा तफरी मचीगी भई पतरसा जो क्या हुआ।

प्रेरितां 12:4

हेरोदेस राजे पतरसा जो पकड़ीने जेलखान्ने च पाया, कने चार-चार सपाहियां जो चऊँ बगता ते पैहरे पर रखया; येढ़ा सोच्चीने भई फसहा रे त्योहारा ते बाद तिस्सो लोकां रे सामणे न्याय कित्या जाओ।

प्रेरितां 16:27

दरोगा जागीग्या, कने जेलखान्ने रे दरवाजे खुले देखीने समझया भई कैदी नट्ठीगे, इस खातर तिने तलवार कड्डीने अप्पूँजो खत्म करना चाहया।

प्रेरितां 16:36

दरोगे ये गल्लां पौलुसा ने बोलियां, “हाक्में तिज्जो छड्डी देणे रा हुक्म दित्तिरा। इस खातर शान्तिया ने निकल़ीने चली जा।”

प्रेरितां 5:18

कने प्रेरितां जो पकड़ीने जेलखान्ने च बन्द करित्या।

प्रेरितां 5:23

“अहें जेलखान्ने जो पूरे चौकन्ने हुईने बन्द कित्तिरा था, कने पैहरा देणे औल़यां जो बाहर दरवाजे च खढ़िरा देख्या; पर तां जे दरवाजे खोल्हे, तां अन्दर कोई नीं मिलया।”

प्रेरितां 8:3

शाऊल कलीसिया जो सताया राँ था; कने घरें-घरें बड़ीने विश्वासी जनाना कने मर्दां जो घसीटी-घसीटी ने जेलखान्ने च पां था।

प्रेरितां 9:2

कने तिसरे दमिश्क नगरा रे यहूदी सभा घराँ रे अगुवेयां जो ये चिट्ठी लिखणे जो विनती कित्ती, तिसते शाऊला जो तित्थी जे कोई मसीह पर विश्वास करने औल़े मिलो, फेरी चाये सै जनाना ओ, या चाये मर्द, तां सै तिन्हांजो बन्दी बणाई सक्को कने फेरी वापस यरूशलेम नगरा च ली आओ।

2 कुरिन्थियों 11:23

क्या सैई मसीह रे सेवक ये? हऊँ पागला साई बोलां, हऊँ त तिन्हांते बी बड्डा मसीह रा दास आ! मैं तिन्हांते बौहत कठण मेहणत कित्तिरी; हऊँ कई बार जेल्ला गया; मिन्जो अनगिणत बार कुट्टया गया, कने लगातार मिन्जो मौती रा सामना करना पैया।

2 कुरिन्थियों 6:5

कोड़े खान्दे हुये, जेल्लां च रैहन्दे हुये, अशान्तिया रे बिच, मेहणत करदे हुये, कईं रातीं तक बिणा सोये, उपवासा च,

इफिसियां 3:1

इस खातर हऊँ पौलुस तुहांरे खातर प्राथना कराँ, कने तुहां अन्यजातियां रे खातर मसीह यीशुये री सेवा करने रिया वजह ते कैदी बणया।

इफिसियां 4:1

इस खातर हऊँ सै जे प्रभुये री सेवा रे खातर कैदी आ, तुहां लोकां ने विनती कराँ भई तुहौं परमेशरे तियां जे जीणे खातर सद्दीरा तिस तरिके ने जीआ।

2 तिमुथियुस 2:9

तिसरे खातर जे हऊँ अपराधिये साई दुख सैया राँ, येत्थी तक भई हऊँ जंजीरा च जकड़ी रा। पर कोई बी माहणु लोकां जो परमेशरा रे वचना रा प्रचार करने ते रोकी नीं सकदा।

प्रकाशितवाक्य 1:9

हऊँ यूहन्ना, तुहांरा साथी विश्वासी आ कने यीशु मसीह रे दुख, कने राज, कने धीरजा च तुहांरे सौगी आ। हऊँ पतमुस नौआं रे टापुये च परमेशरा रे वचना कने यीशुये री गवाही देणे रिया वजह ते कैदी था।

प्रकाशितवाक्य 2:10

सै दुख जे तिज्जो झलणे पौणे, तिन्हांते मत डर; काँह्भई, शैतान दुज्जे किछ लोकां रे जरिये तुहांजो परखणे खातर तुहां चते किछ लोकां जो जेल्ला च पाई देणा; कने तुहौं दस्सां दिनां तक दुख सैहणे पौणा। आखरी सांस तक बफादार बणीने रै, फेरी मांह तिज्जो जीवना रा मुकट देणा।