प्रेरितां 16:16 - बिलासपुरी नौआं नियम

¹⁶ ताहली जे अहें प्राथना करने रिया जगह च जाया राँ थे, तां अहांजो इक दासी मिली तिसच जे भविष्य दसणे औल़ी बुरीआत्मा थी; कने भविष्य दसणे ते अपणे मालकां खातर बौहत कमाई करी लेयां थी।

प्रेरितां 16:16 ပူးပေါင်းရင်းမြစ်များ

प्रेरितां 16:13

विस्रामा रे दिन अहें नगरा रे फाटका ते बाहर नदिया रे कनारे येढ़ा समझीने गये भई तित्थी यहूदियां री प्राथना करने री जगह हुंगी, कने बैठीने सै जनानां जे तित्थी कट्ठियां हुई रियां थिआं, तिन्हांने गल्लां करने लगे।

प्रेरितां 16:18

सै बौहत दिनां तका येढ़ा इ करदी रई; पर पौलुस दुखी हुआ, कने मुड़ीने तिसा बुरीआत्मा जो गलाया, “हऊँ यीशु मसीह रे नौआं ते हुक्म देआं भई इसा चते निकल़ी जा।” कने सै तिस इ बगता निकल़ीगी।

प्रेरितां 16:19

तां जे तिसारे मालकें देख्या भई अहां रिया कमाईया री आशा चलीगी, तां पौलुस कने सीलासा जो पकड़ीने चौका च प्रधाना ला खिंजी ने लईगे;

प्रेरितां 19:24

काँह्भई देमेत्रियुस नौआं रा इक सन्यार अरतिमिस देबिया रा चाँदिये रा मन्दर बणवाई ने कारीगराँ जो बौहत काम्म दिलां था।

गलातियां 5:20

मूर्ति पूजा, जादू-टोणा, बैर-बरोध, लड़ाई-झगड़ा, हिरख, गुस्सा, स्वार्थ, मनमुटाव, फूट,

1 तिमुथियुस 6:10

काँह्भई पैसे रा लालच सारियां बुराँईयां री जड़ इ, किछ लोक तिस्सो पाणे रे खातर कोशिश करदे हुये विश्वासा ते भटकी चुक्कीरे कने तिन्हें अप्पूँजो कई तरीकयां ने दुखां च पाईलरा।

2 तिमुथियुस 3:8

तियां जे यन्नेस कने यम्ब्रेसे मूसा रा बरोध कित्या था, तियां इ ये झूट्ठे शिक्षक बी सच्चाईया रा बरोध कराँ ये। इन्हां लोकां री बुद्धि भ्रष्ट इ कने सै हकीकत च मसीह पर विश्वास नीं करदे।

2 पतरस 2:3

सै बौहत लालची हुणे कने तुहांते पैसा लेणे रे खातर अपणी मन-घड़न्त कहाणियां सुणाईने तुहांजो धोखा देणा। परमेशर बौहत पैहले ते ये तैह करी चुक्कीरा भई तिस तिन्हांजो सजा देणी कने सै ये करने खातर त्यार आ। तिस पक्का तिन्हांरा नाश करना।