प्रेरितां 16:14 - बिलासपुरी नौआं नियम

¹⁴ लुदिया नौआं री थुआतीरा नगरा री बैंगणी कपड़े बेचणे औल़ी परमेशरा री इक भगतणी सुणया राँ थी। परमेशरे तिसारा मन खोल्या भई सै पौलुसा रिया गल्लां पर चित लगाओ।

प्रेरितां 16:14 ပူးပေါင်းရင်းမြစ်များ

लूका 24:45

फेरी यीशुये तिन्हाजो समझाणे रे खातर तिन्हांरी मदद कित्ती, तिसते जे सै पवित्रशास्त्रा री गल्लां जो समझी सक्को।

यूहन्ना 12:20

तित्थी किछ यूनानी थे सै जे इस त्योहारा च अराधना करने खातर यरूशलेम आईरे थे।

प्रेरितां 10:2

सै परमेशरा ते डरने औल़ा माहणु था, कने अपणे सारे घराने समेत परमेशरा ते डराँ था, सै गरीब यहूदी लोकां जो बौहत दान देआं था कने परमेशरा ने बौहत प्राथना कराँ था।

प्रेरितां 11:21

परमेशरा रा सामर्थ तिन्हां पर था, कने बौहत सारे अन्यजातियां रे लोकें तिन्हांरे सन्देशा पर विश्वास कित्या कने प्रभु यीशुये री तरफ फिरे।

प्रेरितां 13:43

तां जे सभा खत्म हुईगी तां यहूदियें कने यहूदी मता च आईरे भगतां चते बौहत सारे पौलुस कने बरनबासा रे पिच्छे-पिच्छे आईगे; कने तिन्हें तिन्हांने गल्लां करीने समझाया भई परमेशरा रे अनुग्रह च बणीरे रौआ।

प्रेरितां 13:50

पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या।

प्रेरितां 16:40

सै जेलखान्ने ते निकल़ीने लुदिया रे घरौ गै, कने विश्वासियां ने मिलीने तिन्हांरा हौंसला बधाया, फेरी ऊत्थीते चलीगे।

प्रेरितां 18:7

कने यहूदी सभा घरा ते चलीने सै तीतुस युसतुस नौआं रा परमेशरा ते डरने औल़े, अन्यजाति माहणुये रे घरें परमेशरा रा वचन सखाणे गया; तिसरा घर यहूदी सभा घरा सौगी था।

प्रेरितां 8:27

सै उट्ठीने चलीप्या, कने फेरी, कूश देशा रा इक माहणु आयाराँ था सै जे खोज्जा (खुसरा) था कने कूशियां री राणी कन्दाके रा मन्त्री कने खजानची था। सै अराधना करने जो यरूशलेम च आया था।

रोमियो 9:16

इस खातर ये नांत किसी माहणुये रिया इच्छा पर निर्भर कराँ कने नां किसी रे कोशिश करने पर वल्कि दया करने औल़े परमेशरा पर निर्भर कराँ।

फिलिप्पियां 2:13

काँह्भई परमेशर इ तुहां च काम्म करया राँ कने सैई तुहौं परमेशरा जो खुश करने री इच्छा कने शक्ति देईराँ।

प्रकाशितवाक्य 1:11

“जो किछ तू देक्खां तिसजो कताबा च लिखीने सत्तां नगराँ रियां कलीसियां ले भेजी दे, यनिके इफिसुस, स्मुरना, पिरगमुन, थुआतीरा, सरदीस, फिलदिलफिया, कने लौदीकिया जो।”

प्रकाशितवाक्य 3:20

देख, हऊँ दरवाजे पर खड़ीने भित ठल़काँ; जे कोई मेरी अवाज़ सुणी ने खोलगा, तां मांह अन्दर आईने तिसने सौगी रोटी खाणी कने तिस मेरे सौगी रोटी खाणी।

प्रकाशितवाक्य 3:7

तिने बी मिन्जो बोल्या, “फिलदिलफिया नगरा रिया कलीसिया रे दूता जो ये सन्देश लिख: हऊँ इ पवित्र कने सच्चा, कने मेरले दाऊद री चाबी, कने सै जे हऊँ खोल्लां तिस्सो कोई बन्द नीं करी सकदा, कने सै जे हऊँ बन्द कराँ तिस्सो कोई खोल्ही नीं सकदा, ये हऊँ बोलां: