प्रेरितां 16:1 - बिलासपुरी नौआं नियम

¹ फेरी सै दिरबे कने लुस्त्रा नगरा च बी गया, तित्थी तिमुथियुस नौआं रा इक चेला था। सै जे यहूदी विश्वासी जनाना रा पुत्र था, पर तिसरा पिता यूनानी था।

प्रेरितां 16:1 ပူးပေါင်းရင်းမြစ်များ

प्रेरितां 14:1

इकुनियुम नगरा च येढ़ा हुआ भई सै यहूदियां रे सभा घराँ च सौगी-सौगी गये, कने इयां गल्लां कित्ती यां भई यहूदियां कने यूनानियां चते मतयां विश्वास कित्या।

प्रेरितां 14:21

कने पौलुस कने बरनबास तिस नगरा रे लोकां जो खुशखबरी सुणाईने, कने बौहत सारे चेले बणाईने, लुस्त्रा कने इकुनियुम कने अन्ताकिया नगरा जो वापस आईगे,

प्रेरितां 14:6

तां सै ये गल्ल जाणीगे, कने लुकाउनिया प्रदेशा रे लुस्त्रा कने दिरबे नगराँ च, कने नेड़े-तेड़े रियां जगहां जो नट्ठीगे,

प्रेरितां 17:14

फेरी विश्वासियें झट इ पौलुसा जो विदा कित्या भई समुद्रा रे कनारे चली जावा; पर सीलास कने तिमुथियुस बिरिया नगरा च रईगे।

प्रेरितां 18:5

तां जे सीलास कने तिमुथियुस मकिदुनिया प्रदेशा च आये, तां पौलुस वचन सुनाणे रे जोशा च यहूदियां जो गवाही देणे लगया भई यीशु इ मसीह आ।

प्रेरितां 19:22

इस खातर अपणी सेवा करने औल़यां चते तिमुथियुस कने इरास्तुस जो मकिदुनिया भेज्जीने अप्पूँजो किछ दिन आसिया प्रदेशा च रैईग्या।

रोमियो 16:21

मेरने काम्म करने औल़े तिमुथियुस कने मेरे यहूदी दोस्त लूकियुस, यासोन कने सोसिपत्रुस रिया तरफा ते तुहांजो नमस्कार।

1 कुरिन्थियों 16:10

जे तिमुथियुस आईजो, तां देख्यां भई सै तुहांरे येत्थी निडर रौ; काँह्भई सै मेरे साई प्रभुये रा काम्म कराँ।

1 कुरिन्थियों 4:17

इस खातर मैं तिमुथियुसा जो तुहांले भेज्जी राँ, सै जे मेरा प्यारा पुत्र कने प्रभुये च बफादार पुत्र आ। तिस तुहांजो मसीह च मेरा चरित्र याद दिलाणा, तियां जे हऊँ हर जगह हरेक कलीसिया च उपदेश देआं।

1 कुरिन्थियों 7:14

काँह्भई येढ़ा पति सै जे विश्वासी नींआ सै अपणी विश्वासी जनाना रिया वजह ते पवित्र ठैहराँ; कने येढ़ि जनाना सै जे विश्वासी नीं, अपणे विश्वासी पतिये रिया वजह ते पवित्र ठैहराँ इ। नैत तुहांरे बाल-बच्चे अपवित्र हुन्दे, पर हुण सै पवित्र ये।

2 कुरिन्थियों 1:1

हऊँ पौलुस, परमेशरा रिया इच्छा ते मसीह यीशुये रा प्रेरित आ कने अहांरे साथी विश्वासी तिमुथियुस रिया तरफा ते। ये चिट्ठी हऊँ कुरिन्थुस नगरा च परमेशरा री कलीसिया कने अखाया प्रदेशा च रैहणे औल़े सारे पवित्र लोकां जो लिखिराँ।

2 कुरिन्थियों 1:19

काँह्भई तुहां बिच जिस परमेशरा रे पुत्र यीशु मसीह रा प्रचार अहें, यनि सिलवानुस, तिमुथियुस कने मैं कित्या, सै “हाँ” कने “नां” दोन्नों इक साथ नीं थे, पर मसीह च, “हाँ” इ “हाँ” हुई।

फिलिप्पियां 1:1

यीशु मसीह रे दास पौलुस कने तिमुथियुस रिया तरफा ते यीशु मसीह च फिलिप्पी नगरा रे रैहणे औल़े सारे पवित्र लोकां जो कने कलीसिया रे अगुवे कने सेवकां जो मलाईने हऊँ ये लिखिराँ,

फिलिप्पियां 2:19

मिन्जो प्रभु यीशुये च आशा इ भई हऊँ तिमुथियुस जो तुहांले जल्द भेजगा, ताकि तुहांरे बारे च खबर सुणीने हऊँ उत्साहित हुई सक्कूँ।

कुलुस्सियां 1:1

हऊँ, पौलुस ये चिट्ठी लिखिराँ, हऊँ परमेशरा रिया इच्छा ते यीशु मसीह रा प्रेरित हुणे रे खातर चुणया गईरा। हऊँ तिमुथियुस सौगी तुहांजो नमस्कार कराँ सै जे अहाँरा विश्वासी भाई आ।

1 थिस्सलुनीकियां 1:1

पौलुस, सिलवानुस कने तिमुथियुस रिया तरफा ते थिस्सलुनीकियां रे विश्वासियां जो ये चिट्ठी; सै जे पिता परमेशर कने प्रभु यीशु मसीह चे, अनुग्रह कने शान्ति तुहांजो मिलदी रौ।

1 थिस्सलुनीकियां 3:2

कने अहें तिमुथियुस जो, सै जे मसीह रिया खुशखबरिया च अहांरा भाई आ कने परमेशरा रा सेवक आ, इस खातर तिस्सो तुहांले भेज्या भई सै तुहांजो मजबूत करने कने विश्वासा रे बारे च समझाई सक्को।

1 थिस्सलुनीकियां 3:6

तिमुथियुस तुहां लते वापस आईने हुण इ अहांले पुज्जया कने तिने अहांजो तुहांरे विश्वास कने प्यारा री अच्छी खबर सुणाई। तिने अहांजो दस्या भई तुहांजो अहांरी बौहत याद औवांई, कने तुहें अहांने मिलणे जो बड़े बेचैन ये, तियां इ तियां जे अहें तुहांजो मिलणे जो।

2 थिस्सलुनीकियां 1:1

हऊँ पौलुस, ये चिट्ठी सिलवानुस कने तिमुथियुस रिया मददा ने थिस्सलुनीकी नगरा रे विश्वासियां जो लिखिराँ, सै जे अहांरे पिता परमेशर कने प्रभु यीशु मसीह रे।

1 तिमुथियुस 1:18

मेरे पुत्र तिमुथियुस, तिन्हां भविष्यवाणियां रे मुतावक सै जे पैहले तेरे बारे च कित्तियां गई रियां थिआं, हऊँ तिज्जो ये हुक्म देआं ताकि तू तिन्हांरे मुतावक खुशखबरिया रे खातर खरी लड़ाई लड़दा रै;

1 तिमुथियुस 1:2

तिमुथियुस हऊँ ये चिट्ठी तिज्जो लिखिराँ कने तू मेरे खातर इक पुत्रा साई आ, काँह्भई तू यीशु मसीह पर विश्वास कराँ। हऊँ प्राथना कराँ भई पिता परमेशर, कने मसीह यीशु अहांरे प्रभु तिज्जो अनुग्रह, दया कने शान्ति देओ।

2 तिमुथियुस 1:2

तिमुथियुस हऊँ ये चिट्ठी तिज्जो लिखिराँ कने तू मेरे खातर इक प्यारे पुत्रा साई आ। हऊँ प्राथना कराँ भई पिता परमेशर, कने मसीह यीशु अहांरे प्रभु तिज्जो अनुग्रह, दया कने शान्ति देओ।

2 तिमुथियुस 1:5

हऊँ मसीह यीशुये च तेरे सच्चे विश्वासा जो बी याद कराँ सै जे पैहले तेरी नानी लोईसा कने तेरी माता यूनीके च था। मिन्जो ये निश्चा भई सैई विश्वास तेरे च बी आ।

2 तिमुथियुस 3:11

कने मेरे सताव, मेरे दुखा रे बगता तैं मेरा साथ दित्तिरा। तू त जाणाँ भई अन्ताकिया, इकुनियुम कने लुस्त्रा नगराँ च मिन्जो किस तरिके री यातना दित्ति थी तिन्हौं जे मैं सहील्या, पर प्रभुये मिन्जो तिन्हां सब्बीं ते बचाईल्या।

फिलेमोन 1:1

हऊँ पौलुस, ये चिट्ठी लिखिराँ, कने हुण हऊँ जेल्ला चा, काँह्भई हऊँ मसीह यीशुये रे बारे च प्रचार कराँ। हऊँ कने अहांरे साथी विश्वासी तिमुथियुस अहांरे प्यारे मित्र कने अहां सौगी काम्म करने औल़े फिलेमोन तिज्जो नमस्कार।

इब्रानियों 13:23

तुहें ये जाणा भई तिमुथियुस अहांरा साथी विश्वासी जेल्ला ते छुट्टी गरा कने जे सै येत्थी छोड़े आओ, तां मांह तिसने सौगी आईने तुहांजो मिलणा।