प्रेरितां 15:5 - बिलासपुरी नौआं नियम

⁵ पर फरीसियां रे दला चते तिन्हें जे विश्वास कित्या था, तिन्हां चते कईयें उट्ठीने गलाया, “होरीं जाति रे लोकां जो खतना कराणे कने मूसा री व्यवस्था जो मनणे रा हुक्म देणा चहिन्दा।”

प्रेरितां 15:5 ပူးပေါင်းရင်းမြစ်များ

मत्ती 3:7

ताहली जे तिने बौहत सारे फरीसियां कने सदूकियां जो बपतिस्मा लेणे खातर अप्पूँ ले औंदे देख्या, तां यूहन्ने तिन्हाजो गलाया, “जहरीले सर्पा साई बुरे लोको, हऊँ तुहांजो खबरदार कराँ भई हरेक सै जे पाप कराँ तिसजो परमेशरा इक दिन सजा देणी, कने ये नीं सोच्चा भई तुहां इसा सजा ते बची जाणा।

प्रेरितां 15:1

फेरी किछ यहूदी विश्वासी यहूदिया प्रदेशा ते आईने विश्वासियां जो सखाणे लगे : “जे मूसा री रितिया पर तुहांरा खतना नीं हुईरा हो तां तुहें छुटकारा नीं पाई सकदे।”

प्रेरितां 15:24

“अहें सुणीरा भई अहां चते कंईंयें तित्थी आईने तुहांजो अपणियां गल्लां ते घबराई तरा; कने तुहांरे मन पुट्ठे करी तरे, पर अहें तिन्हांजो हुक्म नीं दित्तिरा था।

प्रेरितां 21:20

तिन्हें ये सुणीने परमेशरा री महिमा कित्ती, फेरी तिसने गलाया, “भाई तू जाणाँ भई यहूदी लोकां चते कई हजारें विश्वास कित्या; कने सब मूसा रिया व्यवस्था जो मनणे खातर जोशा ने भरीरे।

प्रेरितां 24:14

पर ये हऊँ तेरे सामणे मन्नी लेआं, भई यीशु मसीह पर विश्वास करने औल़यां लोकां जो ये कुपन्थ बोलां ये, पर हऊँ अपणे पूर्वजां रे परमेशरा री सेवा करया राँ; कने सै जे गल्लां व्यवस्था कने भविष्यवक्ता री कताबां च लिखी रियां, तिन्हां सब्बीं पर विश्वास कराँ।

प्रेरितां 24:5

काँह्भई अहें इस माहणुये जो इक उत्पात मचाणे औल़ा पाया। सारी दुनिया रे बौहत सारे यहूदी लोकां इने दंगे भड़काईरे, कने ये नासरियां रे कुपंथा रा मुखिया।

प्रेरितां 28:22

पर तेरा विचार क्या? तिस्सो इ अहें तेरते सुणना चांये, काँह्भई अहें जाणाँ यें भई हर जगह इस मता रे बरोधा च लोक गल्लां कराँ ये।”

प्रेरितां 5:17

तां महायाजक कने तिसरे सब साथी सै जे सदूकियां रे मण्डल़िया रे थे चेलयां रा हिरख करीने तिन्हांरे खिलाफ कार्यवाई करने रे बारे च तैह कित्या।

1 कुरिन्थियों 7:18

जे सद्दया जाणे रे वगत इक माहणुये रा खतना हुई चुक्कीरी था, तां सै इसा गल्ला जो छिपाणे री कोशिश नीं करो कने जे सद्दे जाणे रे वगत इक माहणुये रा खतना नीं हुईरा था, तां सै खतना नीं करवाये।

गलातियां 2:11

पर ताहली जे कैफा अन्ताकिया नगरा च आया, तां मैं तिसरे मुँआ पर बोलित्या काँह्भई सै दोषी था।

गलातियां 2:14

मैं ताहली जे ये देख्या भई खुशखबरिया रिया सच्चाईया रे मुतावक सै सिधे रस्ते पर नीं चलीरे, तां मैं सारयां रे सामणे कैफा जो गलाया, “तां जे तू यहूदी हुईने बी अन्यजातियां साई जीवन जीआं, तां फेरी अन्यजातियां जो यहूदियां रे रीति-रिवाजा पर चलने जो कजो बोलां?”