प्रेरितां 15:29 - बिलासपुरी नौआं नियम

²⁹ भई तुहें मूरतां पर बल़ि कित्तिरे कने खून्ना ते, कने गल़ा घुट्ठीरे मासा ते, कने व्यभिचारा ते दूर रहो। इन्हांते दूर रहो तां तुहांरा भला हूणा। अग्गे शुभकामना।”

प्रेरितां 15:29 ပူးပေါင်းရင်းမြစ်များ

लूका 9:61

इक्की होर माहणुये गलाया, “हाँ प्रभु, हऊँ तेरे सौगी चलने जो त्यार आ, पर पैहले मिन्जो अपणे परिवार औल़यां ते विदाई लेणे दे।”

प्रेरितां 15:20

पर तिन्हांजो इक चिट्ठी लिखीने भेजिये भई सै मूर्तां पर चढ़ाईरी किसी बी खाणे रिया चीज़ा जो नीं खायां कने व्यभिचारा ते दूर रैयां कने गल़ा घुट्ठीरे जानवरा रा मांस नां खाये कने जानवरा रा खून्न नीं पीये।

प्रेरितां 18:21

पर सै येढ़ा बोलीने तिन्हांते विदा हुआ, “जे परमेशरे चाहया तां हऊँ तुहां ला फेरी औंगा।” तां सै इफिसुस ते जहाजा खोली ने चलीप्या;

प्रेरितां 21:25

“पर तिन्हां अन्यजातियां रे बारे च तिन्हें जे विश्वास कित्तिरा, अहें ये फैसला करीने लिखी भेजीरा भई सै मूर्तां पर चढ़ाईरी किसी बी खाणे रिया चीज़ा जो नीं खायां कने व्यभिचारा ते दूर रैयां कने गल़ा घुट्ठीरे जानवरा रा मांस नां खाये कने जानवरा रा खून्न नीं पीये।”

प्रेरितां 23:30

कने ताहली जे मिन्जो पता लगया भई सै इस माहणुये रिया घाता च त्यार हुईने बैठिरे, तां मैं ताहलु इ तिस्सो तेरले भेजित्या; कने दोष लाणे औल़यां जो बी हुक्म देईत्या भई तेरे सामणे तिस परा इल्जाम लाओ।”

2 कुरिन्थियों 11:9

कने ताहली जे हऊँ तुहां सौगी था, तां बी पैसयां री जरूरत पौणे पर मैं किसी रे ऊपर कोई बोझ नीं पाया, काँह्भई मकिदुनिया प्रदेशा ते आईरे विश्वासी भाईयें मेरी पैसे री जरूरतां पूरी कित्तियां थी। मैं हर गल्ला पर खुद अप्पूँजो तुहां पर बोझ नीं बणने दित्या कने नांई कदीं बणने देणा।

2 कुरिन्थियों 13:11

हुण आखिर च मेरे साथी विश्वासियो, हऊँ तुहांते बिदा लेआं। अपणा व्यवहार ठीक रखा; तियां इ करदे रौआ तियां जे मैं करने जो गलाया; इक्को जेआ सोच्चा; शान्तिया ने रौआ; कने परमेशर सै जे शान्ति कने प्यार देआं तुहांजो सौगी रैहणा।

1 तिमुथियुस 5:22

किसी पर इकदम हाथ रखीने अगुवे नीं बणायां, कने जे तू ये कराँ, तां तू तिसरे पापां रा जिम्मेवार हूणा; अप्पूँजो पवित्र बणाई रख।

याकूब 1:27

अहांरे परमेशर कने पिता रे सामणे सच्ची कने शुद्ध भगती सैई तिसच जे अनाथां कने विधवां री तिन्हांरे दुख तकलीफां च मदद करो, कने खुद अप्पूँजो कोई संसारिक कलंक नीं लगणे दित्या हो।

1 यूहन्ना 5:21

मेरे बच्चो, येढ़ी हर इक चीजा ते दूर रौआ सै जे तुहांरे दिलां च परमेशरा री जगह लेई लैंई।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।

प्रकाशितवाक्य 2:14

पर मेरले तेरे खलाफ किछ शकैतां इ : तेरे बिच किछ येढ़े लोक ये सै जे बिलाम भविष्यवक्ते रिया शिक्षा जो मन्नां ये; तिने जे राजा बालाक जो इस्राएलियां जो बेहकाणे खातर सखाया भई सै मूरतां पर चढ़ाईरा प्रसाद खाणे ते कने व्यभिचार करने ते पाप करो।

प्रकाशितवाक्य 2:20

पर मिन्जो तेरे खलाफ ये शकैत इ : भई तू तिसा जनाना ईजेबेल जो अपणे बिच रैहणे देआं, सै जे अप्पूँजो भविष्यवक्तिन बोलां इ। कने सै अपणिया शिक्षा ते मेरे दास्सां जो व्यभिचार करने, कने मूर्तियां रे अग्गे चढ़ाईरे प्रसादा जो खाणा सखाई ने भरमांई।