प्रेरितां 15:20 - बिलासपुरी नौआं नियम

²⁰ पर तिन्हांजो इक चिट्ठी लिखीने भेजिये भई सै मूर्तां पर चढ़ाईरी किसी बी खाणे रिया चीज़ा जो नीं खायां कने व्यभिचारा ते दूर रैयां कने गल़ा घुट्ठीरे जानवरा रा मांस नां खाये कने जानवरा रा खून्न नीं पीये।

प्रेरितां 15:20 ပူးပေါင်းရင်းမြစ်များ

प्रेरितां 15:29

भई तुहें मूरतां पर बल़ि कित्तिरे कने खून्ना ते, कने गल़ा घुट्ठीरे मासा ते, कने व्यभिचारा ते दूर रहो। इन्हांते दूर रहो तां तुहांरा भला हूणा। अग्गे शुभकामना।”

प्रेरितां 21:25

“पर तिन्हां अन्यजातियां रे बारे च तिन्हें जे विश्वास कित्तिरा, अहें ये फैसला करीने लिखी भेजीरा भई सै मूर्तां पर चढ़ाईरी किसी बी खाणे रिया चीज़ा जो नीं खायां कने व्यभिचारा ते दूर रैयां कने गल़ा घुट्ठीरे जानवरा रा मांस नां खाये कने जानवरा रा खून्न नीं पीये।”

1 कुरिन्थियों 5:11

पर मेरे बोलणे रा मतलब ये था भई जे साथी विश्वासी कहलाणे औल़ा कोई, व्यभिचारी, लोभी, मूर्तीपूजक, निंध्या करने औल़ा, पियक्कड़, या धोखेबाज हो, तां येढ़े माहणुये सौगी रोटी तक बी नीं खायां।

1 कुरिन्थियों 6:13

तुहां चते किछ लोक ये बोलां ये, “रोटी पेट्टा रे खातर इ कने पेट रोटिया रे खातर आ,” पर परमेशरा दुईं जो नाश करना। शरीर व्यभिचारा खातर नींआ, पर प्रभुये खातर आ; कने प्रभु शरीरा रे खातर आ।

1 कुरिन्थियों 6:18

व्यभिचारा ते दूर रौआ। माहणुये रे सारे दुज्जे पाप तिसरे शरीरा ते बाहर ये, पर व्यभिचार करने औल़ा अपणे इ शरीरा रे बरोधा च पाप कराँ।

1 कुरिन्थियों 6:9

क्या तुहें नीं जाणदे भई अन्यायी लोक परमेशरा रे राज्जा रे वारस नीं हुणे? खुद अप्पूँजो धोखा नीं देआ, नां वैश्यगामी, नां मूर्तीपूजक, नां पराई जनाना ने गल़त करना, नां लुच्चे, नां पुरुषगामी,

1 कुरिन्थियों 7:2

पर व्यभिचारा रे डरा ते हरेक मर्दा री जनाना, कने हरेक जनाना रा पति ओ।

1 कुरिन्थियों 8:1

हुण हऊँ मूर्तियां रे सामणे बल़ि कित्तिरे माँसा रे बारे च दसणा चांह सै जे तुहें मेरते पुच्छया था : अहें जाणाँ ये भई अहां सब्बीं जो इसरा ज्ञान आ कने ज्ञान माहणुये जो घमण्डी बणां, पर प्यार अहांजो मजबूत कराँ।

2 कुरिन्थियों 12:21

मिन्जो डर आ भई ताहली जे हऊँ फेरी तुहांजो मिलणे आऊं, तां तुहांरे सामणे मेरा परमेशर किति मेरी बेज्जति नीं करो, कने मिन्जो तिन्हां बौहत लोकां रे खातर बिलाप नीं करने पौ, तिन्हेंजे पैहले पाप कित्तिरा था, कने गन्दे काम्म, कने व्याभिचार, कने भोग-विलासा च डुब्बीरे मन नीं फिराया।

गलातियां 5:19

हुण देक्खा, अहांरे पापी स्वभावा जो त सारे जाणाँ ये, सै येवे: व्यभिचार, अपवित्रता, भोगविलास,

इफिसियां 5:3

तुहांरे बिच व्यभिचार कने हर तरह रे अपवित्र कम्मां यनि लालचा री चर्चा तक नीं हूणी चाहिन्दी; काँह्भई पवित्र लोकां रे खातर ये ठीक निआं।

कुलुस्सियां 3:5

इस खातर सै किछ जे तुहां च संसारिक आ, तिसजो खत्म करी देआ, यनिके व्यभिचार, अपवित्रता, वासनां, बुरी इच्छां कने लालच सै जे मूर्तियां री पूजा करने रे बराबर आ,

1 थिस्सलुनीकियां 4:3

काँह्भई परमेशरा री इच्छा येई भई तुहें पवित्र बणा: यनिके तुहें व्यभिचार मत करा,

इब्रानियों 12:16

येढ़ा नीं हो भई कोई माहणु व्यभिचारी, या अब्राहम रे पोते एसाव साई अधर्मी हो। काँह्भई एसाव पैहलौठा था कने तिसले पैहलौठा होणे रे सारे अधिकार थे, पर तिने अपणे जन्म सिद्ध अधिकारा जो हल्का समझीने इक्की वगता रे खाणे रे खातर अपणे छोट्टे भाईये याकूब जो बेच्चीत्या।

इब्रानियों 13:4

ब्याह रा सब्बीं रे जरिये आदर हूणा चाहिन्दा, कने इक पति-पत्निया जो इक्की दूये रे इलावा किसी दुज्जे ने सम्बन्ध रखणा ठीक नींआ, काँह्भई परमेशर व्यभिचारियां, कने परस्त्रीगामियां रा न्याय करगा।

1 पतरस 4:3

काँह्भई तुहें पैहले अन्यजातियां रे लोकां साई इन्हां बुरियां इच्छां जो पूरा करने च काफी वगत गवाई चुक्कीरे। तियां जे ऐस-प्रस्ती करना, काम्म-वासना च डुव्वीरे रैहणा, पियक्कड़पन, रंगरलियां मनाणा, शराब पीने मौज करनी कने तुहें मूर्तियां री पूजा बी कित्ती तिसते जे परमेशर नफरत कराँ।

प्रकाशितवाक्य 10:2

तिसरे हत्था च इक छोट्टी जेई खुल्ही री कताब थी। तिने अपणा सज्जा पैर समुद्रा पर कने खब्बा धरतिया पर रखया;

प्रकाशितवाक्य 10:8

फेरी तिस अवाज़ देणे औल़े जो जे मैं स्वर्गा ते बोलदे सुणया था, सै फेरी भीं मेरने गल्लां करने लगया, “जा, सै स्वर्गदूत जे समुद्र कने धरतिया पर खढ़िरा, तिसरे हत्था ते खुल्ही री कताब लई लै।”

प्रकाशितवाक्य 2:14

पर मेरले तेरे खलाफ किछ शकैतां इ : तेरे बिच किछ येढ़े लोक ये सै जे बिलाम भविष्यवक्ते रिया शिक्षा जो मन्नां ये; तिने जे राजा बालाक जो इस्राएलियां जो बेहकाणे खातर सखाया भई सै मूरतां पर चढ़ाईरा प्रसाद खाणे ते कने व्यभिचार करने ते पाप करो।

प्रकाशितवाक्य 2:20

पर मिन्जो तेरे खलाफ ये शकैत इ : भई तू तिसा जनाना ईजेबेल जो अपणे बिच रैहणे देआं, सै जे अप्पूँजो भविष्यवक्तिन बोलां इ। कने सै अपणिया शिक्षा ते मेरे दास्सां जो व्यभिचार करने, कने मूर्तियां रे अग्गे चढ़ाईरे प्रसादा जो खाणा सखाई ने भरमांई।

प्रकाशितवाक्य 9:20

फेरी भीं महामारिया ते बचीरे लोक सै जे नीं मरे थे, मन नीं फिराया, ये भई तिन्हें बुरीआत्मा री कने बेजान सोने, चाँदी, पीतल, पत्थराँ कने लकड़ां रियां मूर्तियां री पूजा करना बन्द नीं कित्या। ये मूर्तियां नांत देक्खी सकदियां, नां सुणी सकदियां, नां चली सकदियां।