प्रेरितां 15:13 - बिलासपुरी नौआं नियम

¹³ ताहली जे सै चुप हुये तां याकूब बोलणे लगया, “हे भाईयो, मेरी सुणा।

प्रेरितां 15:13 ပူးပေါင်းရင်းမြစ်များ

मरकुस 15:40

तिसा जगह किछ औरतां बी थिआं सै जे इसा घटना जो थोड़े जे दूरा ते देखीरां थिआं। सै बी यीशुये ने सौगी थिआं ताहली जे सै गलील च था, कने सै तिसरी हर जरूरतां जो पूरा करदियां थिआं। सै यीशुये सौगी यरूशलेम ते आईयां तिन्हांने मगदला जगह री औरत मरियम बी थी, कने याकूब कने योसेस री माता मरियम बी तिन्हां सौगी थी, कने सलमोन बी थी।

प्रेरितां 12:17

तां तिन्हें तिन्हांजो हत्था रा सहारा कित्या भई चुप रौआ; कने तिन्हांजो दस्या भई प्रभुये कियां-कियां तिस्सो जेल्ला ते कड्डया। फेरी गलाया, “याकूब कने भाईयां जो ये गल्ल दस्सी देयों।” तां निकल़ीने दुज्जिया जगह जो चलिग्या।

प्रेरितां 15:14

शमौन पतरसे दस्या भई परमेशरे पैहले अन्यजातियां रे लोकां पर केढ़ी दया कित्ती भई तिन्हां चते अपणे लोक होणे खातर किछ लोकां जो चुणया।

प्रेरितां 2:14

तां पतरस तिन्हां ग्याराँ ने सौगी खड़ा हुया कने ऊच्चिया अवाज़ा च बोलणे लगया, “हे यहूदियो कने यरूशलेम च सब रैहणे औल़यो ये जाणी लवा, कने ध्यान देईने मेरियां गल्लां सुणा।

प्रेरितां 2:22

“हे इस्राएलियो, ये गल्लां सुणा: यीशु नासरी इक माहणु था तिसरा परमेशरा खा ते हुणे रा सबूत तिन्हां सामर्था रे कम्मा कने हैरानिया रे कम्मां कने चमत्काराँ ते परगट आ, सै जे परमेशरे तुहांरे बिच तिसरे जरिये करीने दस्से तिस्सो जे तुहें अप्पूँ इ जाणाँ ये।

प्रेरितां 2:29

“हे भाईयो, हऊँ कुलपति दाऊद रे बारे च तुहांजो हिम्मता ने बोल्ली सक्कां भई सै त मरी गया कने गड्डी बी दित्तिरा कने तिसरी कब्र अज्जो आज्ज अहांले येत्थी इ हई।

प्रेरितां 21:18

दुज्जे रोज पौलुस अहां जो लईने याकूब ला गया, तित्थी जे सारे प्राचीन कट्ठे थे।

प्रेरितां 22:1

“हे भाईयो कने पित्रो मेरा जवाब सुणा, सै जे माह हुण तुहांरे सामणे देणा।”

प्रेरितां 7:2

स्तिफनुसे गलाया, “हे भाईयो, कने अगुवेयो सुणा। अहांरा पूर्वज अब्राहम हारान नगरा च बसणे ते पैहले मेसोपोटामिया प्रदेशा च था; तां चमकदे तेज्जा च परमेशरे तिस्सो दर्शण दित्या,

गलातियां 1:19

पर तित्थी हऊँ प्रभुये रे भाईये याकूब जो छड्डिने किसी बी दुज्जे प्रेरिता ने नीं मिलया।

गलातियां 2:12

काँह्भई याकूब रिया तरफा ते भेज्जीरे किछ लोकां रे पुज्जणे ते पैहले पतरस अन्यजातियां ने सौगी खां पीं था। पर ताहली जे सै लोक आये तां खतना कित्तिरे लोकां रे डरा रे मारे सै पिच्छे हटिग्या कने तिन्हाते कनारा करने लगया।

गलातियां 2:9

इस तरिके ने तिन्हें माह पर परमेशरा रे तिस अनुग्रह जो समझील्या कने कलीसिया रे अगुवे समझे जाणे औल़े याकूब, कैफा, कने यूहन्ने, मिन्जो कने बरनबासा जो सहयोगी बणाईने भेज्या। कने सै सहमत हुईगे भई अहें अन्यजातियां रे बिच उपदेश देन्दे रौ कने सै खतना कित्ती रयां लोकां रे बिच।

याकूब 1:1

हऊँ याकूब, परमेशर कने प्रभु यीशु मसीह रा दास आ। हऊँ ये चिट्ठी यहूदी मसीह विश्वासियां रे बारा गोत्राँ जो लिखिराँ सै जे सारे संसारा च खिण्डीरे।

याकूब 1:19

“मसीह च मेरे प्यारे साथी विश्वासियो, ये गल्ल तुहें जाणी लो, हर इक माहणु परमेशरा रे सच्चे बचना जो सुणने च दिलचस्पी दसणे औल़ा कने बोलणे च कने गुस्सा करने च धीमा हो।