प्रेरितां 14:26 - बिलासपुरी नौआं नियम

²⁶ कने तित्थी ते सै जहाजा पर अन्ताकिया नगरा जो वापस गये, ऊत्थी सै तिस कम्मां खातर सै जे तिने पूरा कित्तिरा था परमेशरा रे अनुग्रह च सौंपी ने गये।

प्रेरितां 14:26 ပူးပေါင်းရင်းမြစ်များ

प्रेरितां 11:19

स्तिफनुस रे मारे जाणे ते बाद बौहत सारे विश्वासी लोक यरूशलेम छड्डिने बिखरी गरे थे कने फिरदे-फिरदे फीनीके प्रदेश कने साइप्रस टापुये कने अन्ताकिया नगरा च पुज्जे; पर यहूदियां जो छड्डिने किसी होरी जो परमेशरा रा वचन नीं सुणांदे थे।

प्रेरितां 11:20

पर तिन्हां चते किछ विश्वासी साइप्रसवासी कने कुरेनी वासी थे, सै अन्ताकिया नगरा च आईने यूनानियां जो बी प्रभु यीशुये रिया खुशखबरिया रियां गल्लां प्रचार करने लगे।

प्रेरितां 11:23

सै तित्थी पुज्जी ने कने परमेशरा रा अनुग्रह देखीने खुश हुआ, कने सबनीं जो ये उपदेश दित्या भई तन-मन लाईने प्रभुये ने चिपकी रे रौआ।

प्रेरितां 11:26

कने ताहली जे सै तिसने मिलया तां तिस्सो अन्ताकिया नगरा जो लैई आया; कने येढ़ा हुआ भई पौलुस कने बरनबास इक्की साल्ला तका कलीसिया ने सौगी मिलदे कने बौहती लोकां जो प्रभु यीशु मसीह रा उपदेश देन्दे रै; कने सब्बीं ते पैहले अन्ताकिया बिच लोकें चेलेयां जो मसीही बोल्या।

प्रेरितां 11:27

तिन्हां दिनां च किछ विश्वासी सै जे भविष्यवक्ता थे यरूशलेम ते अन्ताकिया च आये।

प्रेरितां 14:19

पर किछ यहूदियें अन्ताकिया कने इकुनियुम नगरा ते आईने लोकां जो अप्पूँ खा करील्या, कने पौलुसा पर पत्थर मारे, कने तिस्सो मरीरा समझीने नगरा ते बाहर घसीटी ने लईगे।

प्रेरितां 14:21

कने पौलुस कने बरनबास तिस नगरा रे लोकां जो खुशखबरी सुणाईने, कने बौहत सारे चेले बणाईने, लुस्त्रा कने इकुनियुम कने अन्ताकिया नगरा जो वापस आईगे,

प्रेरितां 14:23

कने पौलुस कने बरनबासे हरेक कलीसियां चते विश्वासी लोकां जो चुणीने तिन्हां खातर प्राचीन बणाये कने उपवास कने प्राथना करीने तिन्हांजो प्रभु यीशुये जो सौंपीत्या, तिस पर जे तिन्हें विश्वास कित्तिरा था।

प्रेरितां 15:22

फेरी यरूशलेम री सारी कलीसियां रे लोकां समेत प्रेरितां कने प्राचीनां जो ये खरा लगया भई अप्पूँ चते किछ माहणुआं जो चुणीने, मतलब यहूदा तिस्सो जे बरसब्बा बोलां ये, कने सीलासा जो सै जे विश्वासियां च अगुवे; कने तिन्हांजो पौलुस कने बरनबासा सौगी अन्ताकिया नगरा रिया कलीसिया च भेज्या।

प्रेरितां 15:30

फेरी सै विदा हुईने अन्ताकिया नगरा च पुज्जे, कने सभा जो कट्ठी करीने सै पत्री तिन्हांजो दईती।

प्रेरितां 15:40

पर पौलुसे सीलासा जो चुणी लया, कने विश्वासियां ते परमेशरा रे अनुग्रह च सौंपया जाईने अन्ताकिया नगरा ते चली गया;

प्रेरितां 20:32

कने हुण हऊँ परमेशरा जो, कने तिसरे अनुग्रह रे वचना जो तुहांजो दई देन्दा; सै जे प्रभु यीशु मसीह च तुहांरा विश्वास मजबूत करी सक्को कने परमेशरा रे जरिये सब पवित्र कित्तिरे लोकां च सहभागी हुईने तुहांरा उत्तराधिकार दिलाई सक्कां।

रोमियो 15:19

कने चिन्हां चमत्काराँ रे जरिये, नोखे कम्मां रे सामर्था रे जरिये कने पवित्र आत्मा रिया सामर्था ने कित्तिरा। येत्थी तक भई यरूशलेम ते लेईने इल्लुरिकुम प्रदेशा तक मैं मसीह री खुशखबरिया रा प्रचार सारियां जगहां च कित्तिरा।

2 कुरिन्थियों 1:12

अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

गलातियां 2:11

पर ताहली जे कैफा अन्ताकिया नगरा च आया, तां मैं तिसरे मुँआ पर बोलित्या काँह्भई सै दोषी था।

कुलुस्सियां 1:25

कने हऊँ कलीसिया रा सेवक बणीरा, काँह्भई परमेशरे तुहांरी मदद करने रे खातर ये कम्मा मिन्जो सौंपीरा ताकि हऊँ परमेशरा रे वचना रा पूरी तरह प्रचार करी सकूँ।

कुलुस्सियां 1:28

तिसरा प्रचार करीने अहें हर इक माहणुये जो मसीह जो ग्रहण करने रे बारे सावधान कराँ ये कने सारे ज्ञाना ते हरेक माहणुये जो सखां ये, भई अहें हरेक माहणुये जो मसीह च सिद्ध करीने परमेशरा रे सामणे हाजर करिये।

कुलुस्सियां 4:17

कने अरखिप्पुस ते गलायां भई सै इसा गल्ला रा ध्यान रखो भई प्रभु च सै जे सेवा तिस्सो दित्तिरी, सै तिसजो सावधानिया ने पूरी करी सक्को।

2 तिमुथियुस 4:2

भई तू परमेशरा रे वचना रा प्रचार कर हालात चाये ठीक हो या नीं हो वचन प्रचार करने खातर त्यार रै। तिज्जो लोकां जो ये दसणा जरूरी आ भई तिन्हें क्या गल़ती कित्तिरी कने तू तिन्हांरे पापां रे खातर तिन्हौं डान्ट। पर तिज्जो लोकां जो हौंसला बी देणा चाहिन्दा तियां जे तू धीरजा ने तिन्हांजो शिक्षा देआं।